လါယနူၤအါရံၤ(၁၆)သီ,၂၀၂၅နံၣ်
ကညီသုးခိးကီၢ်ဆၢ BGFအခိၣ် စီၤခၠံးသူၣ်ပၥ်ဃုၥ် DKBAခိၣ်နၢ်တဖၣ် ထံၣ်လိၥ်တၢၣ်ပီၣ်တဲသကိး ဘၣ်ထွဲဒီး တၢ်ကဘှါရှဲ တရူးအိၣ်လဲတၢ်လံၣ်တၢ်လီဒီးတၢ်ကူလဲၤမၤကၤပှၤကညီတဖၣ်လၢ ကဲထီၣ်သးလၢရၤမတံကီၢ်ဆၢအဂီၢ်အဂ့ၢ် ThaiPBS North တၢ်ကစီၣ်ပၥ်ဖျါဃၥ်၀ဲန့ၣ်လီၤ.
တၢ်အိၣ်ဖှိၣ်အပူၤ တၢ်ပၥ်လီၤန့ၢ်တၢ်သိၣ်တၢ်သီလၢ တရူးပၥ်ဃုၥ် ပှၤမၤပနံၥ်တၤကၤတဖၣ်လၢကဟဲ မၤပနံၥ်ကၤတၢ်မၤလၢ ရၤမတံကီၢ်ဆၢတဖၣ်ပူၤအဂီၢ်န့ၣ်လီၤ.
ပှၤမၤပနံၥ်တၤကၤတဖၣ် ကဘၣ်လူၤပိၥ်မၤထွဲ တၢ်သိၣ်တၢ်သီတၢ်တြီဃၥ်တဖၣ်လၢအမ့ၢ် တၢ်ကူလဲၤမၤကၤပှၤကညီ, အိၣ်လဲတၢ်လံၣ်တၢ်လီဒီး တၢ်မၢန့ၢ်ဆူၣ်ဖိသၣ်တဖၣ်ဒ်ပှၤမၤတၢ်ဖိအသိး၀ံၤ ဘၣ်ထွဲးတၢ်ကစီၣ်တဖၣ်အဖီခိၣ် ကအိၣ်ခိးကွၢ်၀ဲအဂ့ၢ် စံး၀ဲန့ၣ်လီၤ.
တၢ်မ့ၢ်မၤကမၣ် တၢ်သိၣ်တၢ်သီတဖၣ်န့ၣ် တၢ်ကဘၣ်ဟးထီၣ်ကွံၥ်လၢ တၢ်မၤလီၢ်ဟီၣ်က၀ီၤပူၤအဂ့ၢ် ပၥ်ဖျါဃၥ်၀ဲန့ၣ်လီၤ.
ကတီၢ်ခဲအံၤန့ၣ် ကၠီၣ်တဲၣ်သုးမုၢ်ဒိၣ်ဒီးဒူသ၀ီဘံၣ်ဘၢကရၢတဖၣ်, ကၠီၣ်တဲၣ်သုးခိၣ်ကီၢ်ဆၢကရၢတဖၣ် ပၥ်လီၤအါထီၣ်ဃၥ် အသုးအဂံၢ်အဘါ ဖဲကၠီၣ်တဲၣ်-ပယီၤကီၢ်ဆၢဟီၣ်က၀ီၤဒ်အမ့ၢ် မဲဆီး, မဲၢ်ရမး, ဖိးဖရး, ၀ီၢ်လ့ၢ်, ထးဆီၣ်ယါဟီၣ်က၀ီၤတဖၣ်အပူၤ၀ံၤ ကအိၣ်ခိးကွၢ်သမံသမိး တဖိးသဲစးတၢ်ဟဲနုၥ်လီၤလ့ၤလိၤဟးထီၣ်တဖၣ်အဂ့ၢ် ကၠီၣ်တဲၣ်တၢ်ကစီၣ်တဖၣ်ပၥ်ဖျါဃၥ်၀ဲန့ၣ်လီၤ.
