လါယနူၤအါရံၤ(၁၅)သီ,၂၀၂၅နံၣ်
ထဲၣ်၀ၣ်နီၢ်ကစၢ်တၢ်ဒီသဒၢလီၤသးကဂၢၢ်ကျၢၤဆူၣ်ထီၣ်အဂီၢ် အမဲရကၤဟ့ၣ်သုးဂ့ၢ်၀ီတၢ်ဆီၣ်ထွဲမၤစၢၤဒီးတၢ်ဘံၣ်တၢ်ဘၢတၢ်မၤစၢၤတဖၣ် ဆူထဲၣ်၀ၣ်အဆိကတၢၢ်တဘျီ လၢကီၢ်ခီတၢ်ကလုၢ်န့ၣ်လီၤ.
ဖဲမုၢ်ဖီဖးအနံၤ, ဟံၣ်၀ါအတၢ်ထုးထီၣ်ပၥ်ဖျါအပူၤ အမဲရကၤသူတ့ၢ်၀ဲသနူယံၤယံၤထၢထၢဒ်သိး ကီၢ်တရူးသူ၀ဲထံကီၢ်တဘ့ၣ်သနူးအသိးအဂ့ၢ်ပၥ်ဖျါဃၥ်၀ဲန့ၣ်လီၤ.
ထဲၣ်၀ၣ်မ့ကွၢ်ဆၢၣ်မဲၥ်ဘၣ်ဒီးတၢ်မၤပျံၤမၤဖုးအဆၢကတီၢ်န့ၣ် ဒ်သိးကဒိးန့ၢ်ဘၣ်နီၢ်ကစၢ်တၢ်ဒီသဒၢသးကံၢ်စီဒီးစုက၀ဲၤတဖၣ်အဂီၢ် တၢ်မၤစၢၤဘၣ်ထွဲဘံၣ်ဘၢဂ့ၢ်၀ီတဖၣ်ဒီးတၢ်လၢအလိၣ်တဖၣ် ကဒိးန့ၢ်ဘၣ်အဂီၢ် အမဲရကၤဆီၣ်ထွဲမၤစၢၤ၀ဲန့ၣ်လီၤ.
တၢ်ဆီၣ်ထွဲမၤစၢၤအံၤ မ့ၢ်ထဲၣ်၀ၣ်အဂီၢ်တၢ်ဆီၣ်ထွဲမၤစၢၤ၀ဲအဆိကတၢၢ်တဘျီလၢ ကီၢ်ချၢသုးဂ့ၢ်၀ီတၢ်ဆီၣ်ထွဲမၤစၢၤတဖၣ်ဒီး တၢ်ဟ့ၣ်တၢ်မၤစၢၤလၢ ကီၢ်ခီတၢ်ကလုၢ်တကးဘၣ် ထံဂုၤကီၢ်ဂၤသုးပီညါဒီးတၢ်သိၣ်လိ(IMET) စ့ၢ်ကီးပၥ်ဃုၥ်၀ဲန့ၣ်လီၤ.
