လါယနူၤအါရံၤ(၂)သီ,၂၀၂၅နံၣ်
ရၢရှၢၣ်န့ၣ် တၫ်ဒုးမ့ၫ်ကဲထီၣ်န့ၣ် ယပၣ်ဒီးကလံၤထံးခိၣ်ရံယါ တၫ်ပညိၣ်လီၫ်(၁၆၀)ဘျဲၣ် ကပညိၣ်ဒုး၀ဲအဂီၫ် သွီနုာ်ဃာ်စရီ၀ံၤလံအဂ့ၫ် ဖဲၣ်နဲၣ်ရှၢၣ်ထဲတၫ်ကစီၣ်သန့ ပာ်ဖျါ၀ဲလီၤ.
ဘၣ်ထွဲရၢရှၢၣ်သုးဂ့ၫ်၀ီ ပှၤလၢကွဲးလီၤတၫ်ရဲၣ်တၫ်ကျဲၤတဖၣ်န့ၣ် တုၤ၂၀၁၄နံၣ် ကွဲးဃာ်၀ဲအတၫ်ခူသူၣ်တၫ်ရဲၣ်တၫ်ကျဲၤတဖၣ်န့ၣ် ဒိးန့ၫ်ဘၣ်၀ဲအဂ့ၫ် တၫ်ကစီၣ်သန့လၢအိၣ်ဖဲကီၫ်အဲးကလံးတဲ၀ဲလီၤ.တၫ်ရဲၣ်တၫ်ကျဲၤအံၤ တၫ်ဒုးဒီးန့ၣ်တိန့ၣ် လဲၫ်ထီၣ်သ့တုၤလၢမုၫ်ထီၣ်အ့ရှၢၣ်တၫ်အိၣ်သးအဂီၫ် ဒုးယၤတၫ်ရဲၣ်တၫ်ကျဲၤအဖီခိၣ် ပာ်၀ဲလၢတၫ်အရ့ဒိၣ်န့ၣ်လီၤ.
အဆိကတၢၫ်တၫ်လီၫ်(၂၈)ခါလၢ အိၣ်လၢရၢရှၢၣ်အတၫ်ပညိၣ်ခးစရီပူၤတဖၣ်န့ၣ်မ့ၫ်၀ဲ လီၫ်ခၢၣ်သးဒီးဘၣ်ထွဲဟီၣ်က၀ီၤ တၫ်ပၢဆှၢရဲၣ်ကျဲၤ၀ဲၤလီၫ်ခိၣ်သ့ၣ်,ကလံၤသုးကလၢၤဒီးထံသုးကလၢၤ သုးဂ့ၫ်၀ီတၫ်ဒီသဒၢ တၫ်ပညိၣ်လီၫ်တဖၣ်အဂ့ၫ် ဖဲၣ်နဲၣ်ရှၢၣ်ထဲတၫ်ကစီၣ်သန့ ပာ်ဖျါ၀ဲလီၤ.
တၫ်ဂ့ၫ်တၫ်ကျိၤဟးထီၣ်အပူၤ ရၢရှၢၣ်အတၫ်ပညိၣ်လီၫ်တဖၣ်အကျါ ယပၣ်ကလံၤသုးအရ့ၣ်ဒၣ်သုးကလၢၤလၢအမ့ၫ် ဟီးကဲဒိၣ်ကလံၤစိး အိၣ်ကူၣ်ရှံၣ်ရံၣ်ကီးတၫ်သူၣ်ထီၣ်တဖၣ်၀ံၤ ပာ်ဖျါဃုာ်၀ဲဒီးတၫ်ဂၤတဖၣ်န့ၣ်လီၤ.
တၫ်လီၫ်လၢအိၣ်တ့ၫ်တခီမ့ၫ်၀ဲ ကၣ်မိၣ်တၫ်ဖီလာ်တၫ်ပူၤလၢဆဲးကျိးဃာ်၀ဲ ဟိၣ်ရူးဒီးကၠူၣ်ရူကီးဒီးတိၣ်ကၠိၣ်မုၫ်ထီၣ် ကလံၤစိး အဲၣ်ဘၣ်ရၣ်စံၣ်ယ့ၣ်စူး, တိၣ်ကဲၣ်သ၀ီ နူကလံယါစဲးဖီကဟၣ်တၫ်မၤလီၫ်တဖၣ်န့ၣ်လီၤ.
ကလံၤထံးခိၣ်ရံယါ တၫ်ပညိၣ်လီၫ်တဖၣ်တခီ မ့ၫ်၀ဲ မုၫ်ထီၣ်ကလံၤထံး, ၀့ၫ်ပိၣ်ဟၣ်, ထးနါစဲးဖီကဟၣ်တၫ်မၤလီၫ်တဖၣ်,ဖဲဘူၣ်ဆၣ် ဂာ်စဲးဖီကဟၣ်တၫ်မၤလီၫ်တဖၣ် ပာ်ဃုာ်၀ဲလီၤ.လၢ၂၀၁၄နံၣ်,လါဖ့ၤဘြူၤအါရံၤအပူၤ ဒ်သိးကသ့ၣ် ညါဘၣ် ယပၣ်ဒီးကလံၤထံးခိၣ်ရံယါအကလံၤကျါတၫ်ဒီသဒၢကံၫ်စီအဂီၫ် ပျၫ်လီၤ၀ဲ TU-95 ကဘီယူၤ တ့ၫ်လီၤမ့ၣ်ပိၫ် (၂)ခိၣ် ပာ်ဃုာ်၀ဲအဂ့ၫ် ဖဲၣ်နဲၣ်ရှၢၣ်ထဲတၫ်ကစီၣ်သန့ ပာ်ဖျါ၀ဲလီၤ.
