လါဒံၣ်စ့ဘၢၣ်(၁၀)သီ,၂၀၂၄နံၣ်
သုးရိၣ်မဲခိၣ်ကျၢၢ် မ့အီၣ်လဲၣ်န့ၣ် ICCထံဂုၤကီၫ်ဂၤကွီၫ်မ့ၣ်၀ဲၤဒၢး ထုးထီၣ်အီၤလၢ ပှၤလၢကဘၣ်တၫ်ဖီၣ်စရီပူၤကန့ၫ် အဂီၫ် တၫ်ဂဲၤလိာ်၀ဲအံၤန့ၣ် ကီၫ်ပယီၤပူၤ သုးအတၫ်မၤကမၣ်တဖၣ် တၫ်ဟံးန့ၫ်ဂ့ၫ်၀ီတန့ၫ်ဘၣ်အမဲာ်ညါ ပူၤဖျဲးဒီးတၫ် ကမၣ်တဖၣ်တၫ်မၤကတၢၫ်ကွံာ်ကန့ၫ်အဂီၫ် မ့ၫ်တၫ်လၢအရ့ဒိၣ်အဂ့ၫ် ICCပီၫ်ရီခိၣ်ကျၢၫ် Karim Khanတဲ၀ဲလီၤ.
“ပှၤရိၣ်ဟ့ၣ်ကၠၣ်ဖိပာ်ဃုာ် ကီၫ်ပယီၤပူၤထံဖိကီၫ်ဖိကမျၢၫ်တဖၣ်လၢသးလီ တၫ်တီတၫ်တြၫ်ဒီးပှၤလၢမၤကမၣ် တၫ်တဖၣ် တၫ်ဟံးန့ၫ်ဂ့ၫ်၀ီကန့ၫ်အဂီၫ် ယထံၣ်လၢမ့ၫ်တၫ်လၢအရ့ဒိၣ်၀ဲလီၤ.လၢထံဂုၤကီၫ်ဂၤတၫ်ဘျၢအဖီခိၣ် တၫ်ဟံးန့ၫ်ဂ့ၫ်၀ီကန့ၫ်အဂီၫ် ICCပီၫ်ရီခိၣ်ကျၢၫ်၀ဲၤဒၢး အတၫ်ဂဲၤလိာ်န့ၣ် မ့ၫ်လၢ၂၀၁၉နံၣ် လံၤလံၤန့ၣ်လီၤ.တၫ်အံၤ လၢအ့ရှၢၣ်မုၫ်ထီၣ်ကလံၤထံးအပူၤ အဆိကတၢၫ်တဘျီ တၫ်ထုးထီၣ်ပှၤလၢကဘၣ်တၫ်ဖီၣ် ကန့ၫ်အဂီၫ်မ့ၫ် ယ၀ဲၤဒၢးအတၫ်ဂဲၤလိာ်န့ၣ်လီၤ.”
တကးဘၣ် တၫ်ဘျၢတဖၣ်န့ၣ် တၫ်ကသူ၀ဲတုၤလီၤတီၤလီၤ၀ံၤ ကွီၫ်မ့ၣ်တၫ်မၤကမၣ်ဖးဒိၣ်တဖၣ်အဃိ ပှၤလၢတူၫ်ဘၣ်တၫ်တဖၣ်,ပှၤလၢတူၫ်ဘၣ်ကဒီးတၫ်တပယူာ်ဃီတဖၣ်အဂီၫ် ပှၤလၢမၤကမၣ်တၫ်တဖၣ် တၫ်ဟံးန့ၫ်ဂ့ၫ်၀ီကန့ၫ်အဂီၫ် စ့ၫ်ကီး ပာ်သူၣ်ပာ်သး၀ဲအဂ့ၫ် Mr. Khanတဲ၀ဲလီၤ.
ICCပီၫ်ရီခိၣ်ကျၢၫ် မၤန့ၫ်ဃာ်တၫ်အုၣ်ကီၤတဖၣ်အဖီခိၣ် ရၢၫ်ခၢၣ်ကလံၤစိးတကပၤ ပှၤရိၣ်ဟ့ၣ်ကၠၣ်ဖိတဖၣ် တၫ်နီဟး ထီၣ်န့ၫ်ဆူၣ်အီၤလၢအလီၫ်အကျဲ,တၫ်မၤဆူၣ်မၤဆါအီၤတၫ်ဂ့ၫ်တဖၣ်အဖီခိၣ် ကီၫ်ပယီၤအကီၫ်ခိၣ်ပတြီၤ, သုးရိၣ်မဲခိၣ် ကျၢၫ် မ့အီၣ်လဲၣ် တၫ်ထုးထီၣ်အီၤလၢ ပှၤလၢကဘၣ်တၫ်ဖီၣ်စရီပူၤကန့ၫ်အဂီၫ် ပီၫ်ရီခိၣ်ကျၢၫ် Mr. Khanန့ၣ် ဖဲအပူၤကွံာ် ခံနွံန့ၣ် ဃ့ထီၣ်ဃာ်၀ဲICCစံၣ်ညီၣ်ကွီၫ်တဖၣ်န့ၣ်လီၤ.
အလီၫ်ခံ သုးခိၣ်နၫ်လၢအရ့ဒိၣ်တဖၣ်စ့ၫ်ကီး တၫ်ထုးထီၣ်အီၤလၢ ပှၤလၢကဘၣ်တၫ်ဖီၣ်စရီပူၤကန့ၫ်အဂီၫ် တၫ်ဃ့ထီၣ် တဖၣ် တယံာ်လၢၤဘၣ်န့ၣ်ကဟဲလီၤအဂ့ၫ် Mr. Khanတဲ၀ဲလီၤ.
သုးကီၣ်ကးတခီခီၣ်ဆၢတဲဃာ်၀ဲလၢ ကီၫ်ပယီၤန့ၣ် တမ့ၫ် ICCကရၢထံကီၫ်ဘၣ်အသိး တၫ်ဆၢတဲာ်တဖၣ်စ့ၫ်ကီး တလိၣ်လၢလူၤပိာ်မၤထွဲ၀ဲအဂ့ၫ်န့ၣ်လီၤ.
ကီၫ်ပယီၤတကပၤ ICCအတၫ်စံၣ်ညီၣ်ဆၢတဲာ်တဖၣ် တတူၫ်လိၣ်၀ဲဘၣ်ဆၣ် နီဟးထီၣ်ပှၤရိၣ်ဟ့ၣ်ကၠၣ်ဖိတဖၣ်ဆူ ထံကီၫ်အိၣ်ဘူး ICCကရၢထံကီၫ်လၢအမ့ၫ် ကီၫ်ဘ့ကလါဒ့းရှ်တၫ်ဂ့ၫ်အဖီခိၣ် တၫ်စံၣ်ညီၣ်၀ဲကန့ၫ်အဂီၫ် ဂဲၤလိာ်၀ဲအဂ့ၫ် ပီၫ်ရီခိၣ်ကျၢၫ် Khanတဲ၀ဲလီၤ.
Ref: VOA
