လါဒံၣ်စ့ဘၢၣ်(၉)သီ,၂၀၂၄နံၣ်
ကီၫ်ယူၣ်ကရ့အပူၤ တၫ်ကပတုာ်ကွံာ်တၫ်ဒုးတၫ်ယၤလၢအဆိအချ့အဂီၫ် အမဲရကၤကီၫ်ခိၣ်ထရၢးန့ၣ် ဖဲထံၣ်လိာ်အသး ဒီးယူၣ်ကရ့ဒီးဖြၣ်စ့ၣ်ကီၫ်ခိၣ်တဖၣ် ဖဲ၀့ၫ်ခိၣ်ဖဲရံးအပူၤ၀ံၤအလီၫ်ခံ တဲဆီၣ်တခူထီၣ်၀ဲလီၤ.
အသီ(၁)ကထိဘျဲၣ် တၫ်ကပတုာ်တၫ်ဒုးအဂီၫ် ယူၣ်ကရ့ အဲၣ်ဒိးတၢၣ်ပီၣ်တဲသကိး၀ဲအဂ့ၫ် လၢအ၀ဲနီၫ်ကစၫ် Truth ပှၤတ၀ၢပှာ်ဘျးစဲအပူၤ တဲ၀ဲလီၤ.လၢအခီၣ်ထံးလံၤလံၤ တၫ်ဒုးလၢတကြၢးကဲထီၣ်အံၤအဃိ ယူၣ်ကရ့မ့ၫ်ဂ့ၤ, ရၢရှၢၣ် မ့ၫ်ဂ့ၤ ပှၤသုးဖိလၢအကလးဘၣ်သံ၀ဲအဂ့ၫ် တဲ၀ဲလီၤ.
တၫ်ကပတုာ်ကွံာ်တၫ်ဒုးတၫ်ယၤလၢအဆိအချ့၀ံၤ တၫ်ကြၢးစးထီၣ်တၫ်တၢၣ်ပီၣ်တဲသကိးလံအဂ့ၫ် တဲဆီၣ်တခူ၀ဲလီၤ. တၫ်ဒုးလၢ သးသမူတဖၣ် ဘၣ်သံကွံာ်ကလီကလီဒီး ဟံၣ်ဖိဃီဖိအါမး တၫ်အိၣ်မူဘၣ်ဟးဂီၤကွံာ်အံၤ တၫ်ပတုာ်ကွံာ် ကန့ၫ်အဂီၫ် တၫ်ကစးထီၣ်ဂဲၤလိာ်ဘၣ်စ့ၫ်ကီး တဲဆီၣ်တခူထီၣ်ဃာ်၀ဲ ရၢရှၢၣ်ကီၫ်ခိၣ် Vladimir Putinန့ၣ်လီၤ.
ဖဲလါဒံၣ်စ့ဘၢၣ်(၇)သီအနံၤ လၢ၀့ၫ်ဖဲရံးထံၣ်လိာ်အသးဒီး ယူၣ်ကရ့ကီၫ်ခိၣ် Volodymyr Zelenskyy,ဖြၣ်စ့ၣ်ကီၫ်ခိၣ် Emmanuel Macronတဖၣ်၀ံၤအလီၫ်ခံ ကီၫ်ခိၣ်ထရၢးအတၫ်ဆီၣ်တခူထီၣ်တဖၣ် ဟဲဖျါထီၣ်၀ဲလီၤ.ယူၣ်ကရ့ကီၫ်ခိၣ် တခီ တဲ၀ဲလၢ တၫ်ထံၣ်လိာ်သးတဘျီအံၤ မ့ၫ်တၫ်လၢအဂ့ၤအဂ့ၫ်န့ၣ်လီၤ.
လၢတၫ်တၢၣ်ပီၣ်တဲသကိးတၫ်မုာ်တၫ်ခုၣ်အပူၤ ယူၣ်ကရ့လိၣ်ဘၣ်တၫ်တီတၫ်တြၫ်၀ံၤ မ့မ့ၫ်ဒ်န့ၣ်မးဒီး ပှၤဃုအ့ၣ်လိာ် တၫ် ဒ်သိးရၢရှၢၣ်ဒီးရၢရှၢၣ်ကီၫ်ခိၣ်ပူၣ်တ့ၣ်တဖၣ် မၤ၀ဲဒ်သိးအံၤ လၢခံတဘျီ သုတန့ၫ်လၢၤတဂ့ၤအဂီၫ် တြီဆၢ၀ဲကန့ၫ် အဂ့ၫ် တဲဃာ်၀ဲလီၤ.
Ref: VOA
