ဖၣ်ပူၣ်တၫ်တိာ်ကူၣ်ကျဲၤသုးကလၢၤ သုတလီၤအဂီၫ် သုးကီၣ်ကးခီၣ်ဆၢတၫ်ဆူၣ်ဆူၣ်ကိၤကိၤဒီး ဆှၢတၫ်မၤစၢၤခီဖျိလၢကဘီယူၤ

လါဒံၣ်စ့ဘၢၣ်(၁၀)သီ,၂၀၂၄နံၣ်

ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, သုးက့နီၣ်ဂံၢ်(၅), ကီၫ်ရ့ၣ်မုၫ်တြီၢ်အပူၤ ဖၣ်ပူၣ်သုးကီၣ်ကးတၫ်တိာ်ကူၣ်ကျဲၤသုးကလၢၤ သုတလီၤအဂီၫ် သုးကီၣ်ကးအသုးဖိတဖၣ် ခီၣ်ဆၢတၫ်ဆူၣ်ဆူၣ်ကိၢ်ကိၢ်၀ံၤ မၤဂ့ၤထီၣ်တၫ်တြီဆၢဒြိသနူတဖၣ်ဒီးဆှၢတၫ်မၤစၢၤခီဖျိလၢကဘီယူၤတဖၣ်အဂ့ၫ် တၫ်သ့ၣ်ညါဘၣ်လၢတၫ်ပၢၫ်ဆၢဂ့ၫ်ခီၣ်ထံးတၫ်ကစီၣ်အိၣ်န့ၣ်လီၤ.

တၫ်ပၢၫ်ဆၢအဒြိတဖၣ် ဟဲနုာ်သုတန့ၫ်အဂီၫ် သုးကီၣ်ကးန့ၣ် စးထီၣ်ဖဲလါနိၣ်၀့ဘၢၣ်အပူၤ မၤဂ့ၤထီၣ် တၫ်တြီဆၢဒြိသနူ တဖၣ်အဂ့ၫ် KNLAသုးဘၣ်မူဘၣ်ဒါတဂၤတဲ၀ဲလီၤ.

“ဒြိတဖၣ်န့ၣ် စးထီၣ်ဖဲလါနိၣ်၀့ဘၢၣ်အပူၤ သုးကီၣ်ကးတကပၤ ပၢဆှၢဃာ်၀ဲလၢ ကၠၣ်မၣ်အဃိ နုာ်လီၤတန့ၫ်နီတစဲး ဘၣ်.ပျၫ်ထီၣ်ဒြိဒီးတၫ်အိၣ်သးအိၣ်လၢဘၣ်ဟဲက့ၤကဒါလီၤအဂ့ၫ်”သုးဘၣ်မူဘၣ်ဒါ၀ဲန့ၣ်တဲ၀ဲလီၤ.

ဖၣ်ပူၣ်တၫ်တိာ်ကူၣ်ကျဲၤသုးကလၢၤအဂီၫ် သုးကီၣ်ကးဟဲမၤစၢၤ၀ဲလၢကဘီယူၤ၀ံၤ တ့ၫ်လီၤန့ၫ်၀ဲတၫ်ဘိၣ်တဖၣ်အဂ့ၫ် တဲ၀ဲလီၤ.

သုးကီၣ်ကးအသုးဖိ ဟဲထီၣ်လၢကမၤစၢၤတၫ်တဖၣ် KNLA ပာ်ဖှိၣ်တဖၣ် ဒုခးအီၤအဃိ ဘၣ်ဒိဆါ၀ံၤ ဂုၤက့ၤအခံ ဖဲကတၢးတံးသုးကလၢၤန့ၣ်လီၤ.သုးကီၣ်ကးအသုးကျိၤ ဟဲထီၣ်လၢကမၤစၢၤတၫ်ဖၣ်န့ၣ် အါတက့ၫ်ထီထီၣ်ဃာ်BGF တၫ်စဲပနီၣ်တဖၣ်၀ံၤတၫ်နီၤဖးဘၣ်ကီအဂ့ၫ်တဲ၀ဲလီၤ.

ဖၣ်ပူၣ်တၫ်တိာ်ကူၣ်ကျဲၤသုးကလၢၤန့ၣ် လၢဂီၤခီဒီးမုၫ်နၤခီကတီၫ်န့ၣ် ခးလီၤနါစိၤကျိဖးဒိၣ် အိၣ်၀ဲ၀ံၤမုၫ်ဆါခီတကပၤဒု ခးလီၤ၀ဲစှၤအဂ့ၫ် တၫ်သ့ၣ်ညါဘၣ်လီၤ.

Ref: Salween Press