လါနိၣ်၀့ဘၢၣ်(၆)သီ,၂၀၂၄နံၣ်
လၢ Social Mediaအပူၤ စံးအၢစံးသီသုးကီၣ်ကးအဃိ (၃)လါအတီၫ်ပူၤ ထံဖိကီၫ်ဖိကမျၢၫ်(၁၄၀)ဂၤဘျဲၣ် သုးကီၣ်ကး ဖီၣ်န့ၫ်ဆူၣ်အဂ့ၫ် Myanmar Internet Projectအလံာ်ပာ်ဖျါအပူၤ ပာ်ဖျါ၀ဲလီၤ.
လါအီးကူး တုၤ လါအီးကထိဘၢၣ်(၃)လါအတီၫ်ပူၤ တၫ်စံးအၢစံးသီ သုးကီၣ်ကးအဃိ ပှၤ(၁၄၀)ဂၤဘျဲၣ် ဘၣ်တၫ်ဖီၣ်အီၤလၢ တၫ်ဘျၢလၢတဖိးသဲစးတဖၣ်န့ၣ်လီၤ.
လါအီးကူးအပူၤ ပှၤ(၅၇)ဂၤ, လါစဲးပထ့ဘၢၣ်အပူၤ ပှၤ(၅၈)ဂၤဒီး လါအီးကထိဘၢၣ်အပူၤ ပှၤ(၂၈)ဂၤ ဘၣ်တၫ်ဖီၣ်အီၤ အဂ့ၫ် Myanmar Internet Project လၢမၤတၫ် ဘၣ်ထွဲဒံၣ်ကၠံၣ်တၢၣ်တၫ်သဘျ့တၫ်ဟူးတၫ်ဂဲၤ အလံာ်ပာ်ဖျါအပူၤ ပာ်ဖျါ၀ဲလီၤ.
ပှၤလၢဘၣ်တၫ်ဖီၣ်တဖၣ် လီၤဆီဒၣ်တၫ် ပှၤလၢကွဲးထီဒါသုးကီၣ်ကး,တၫ်ဟ့ၣ်ခီဟ့ၣ်နီၤလီၤသး ဘၣ်ထွဲ တၫ်ထီဒါ သုးကီၣ်ကး တၫ်ဂ့ၫ်တဖၣ်ဒီးလၢတၫ်ကစီၣ်သန့တနီၤအဖီလာ် ပှၤလၢကွဲးဖျါထီၣ်အတၫ်ထံၣ်တဖၣ်စ့ၫ်ကီး ပာ်ဃုာ် ၀ဲအဂ့ၫ် တၫ်သ့ၣ်ညါဘၣ်လီၤ.
(၃)လါအတီၫ်ပူၤ ပှၤလၢဘၣ်တၫ်ဖီၣ်အီၤအကျါ ဒ်ပှၤမံၤဟူသၣ်ဖျါအသိး သုးမီၤစိရိၤလီၫ်လံၤ အူသါရွှ့ၣ်အမၣ်စ့ၫ်ကီး သုးကီၣ်ကးဖီၣ်ဒီးလိာ်ဘၢလိာ်ကွီၫ်၀ဲန့ၣ်လီၤ.
လၢကတီၫ်အံၤ သုးကီၣ်ကးန့ၣ် Facebookတကးဘၣ် TikTokလၢပှၤသူအါစ့ၫ်ကီး ပညိၣ်၀ဲ၀ံၤ ပှၤလၢဘၣ်တၫ်ဖီၣ်အီၤ အိၣ်၀ဲန့ၣ်လီၤ.
ပှၤလၢဘၣ်တၫ်ဖီၣ်အကျါ မါတလ့ကီၫ်ခီအပူၤ မ့ၫ်အအါကတၢၫ်၀ံၤ ခံတီၤတတီၤအအါကတၢၫ်န့ၣ် မ့ၫ်၀ဲပကိကီၫ်ခီပူၤ အဂ့ၫ် တဲ၀ဲန့ၣ်လီၤ.
