လါနိၣ်၀့ဘၢၣ်(၄)သီ,၂၀၂၄နံၣ်
တၢ်တဘၣ်အိၣ်ခိးကွၢ်ထဲ ကလံၤစိးကီၢ်ခိရံယါသုးလၢ လဲၤတုၤဆူကီၢ်ရှၢးရှါဘၣ်ဒီး တၢ်ကဟံးထီၣ်ဂ့ၢ်၀ီ လၢတချူးဟဲတုၤဆူ ယူၣ်ကရ့ၣ်တၢ်ဒုးမဲၥ်သၣ်ပူၤအဂ့ၢ် ယူၣ်ကရ့ကီၢ်ခိၣ် Volodymyr Zelenskyy တဲဆီၣ်တခူထီၣ် ဆူသိၣ်မှံကရၢအအိၣ်န့ၣ်လီၤ.
ယူၣ်ကရ့ သ့ၣ်ညါပၥ်စၢၤ တၢ်သိၣ်လိန့ၢ် ကလံၤစိးကီၢ်ခိရံယါသုးတဖၣ်လၢ တၢ်လီၢ်ဖဲလဲၣ်၀ံၤ တၢ်နုၥ်လီၤဒုး၀ဲန့ၢ်ဘၣ်ဆၣ် သိၣ်မှံကရၢတဖၣ် ကးတံၥ်ဃၥ်ယူၣ်ကရ့လၢ တၢ်သုတခးဘၣ် ရှၢးရှါကီၢ်ပူၤ သုးတၢ်ပညိၣ်တဖၣ်အဃိ ဒုး၀ဲတန့ၢ်ဘၣ်အဂ့ၢ် စံး၀ဲန့ၣ်လီၤ.
အမဲရကၤ, အဲးကလံး, ကၠၢၣ်မနံၣ်တဖၣ် အိၣ်ခိးကွၢ်၀ဲတၢ်အိၣ်သးတဖၣ်အသိး အိၣ်ခိးကွၢ်စ့ၢ်ကီး ကလံၤစိးကီၢ်ခိရံယါသုးတဖၣ် ကနုၥ်လီၤဒုး၀ဲ ယူၣ်ကရ့အဂ့ၢ် ယူၣ်ကရ့ကီၢ်ခိၣ် ကွဲးဖျါဃၥ်၀ဲလၢ အတဲၣ်လံၣ်ကရၣ်ပှၤတ၀ၢအဖီခိၣ် ဖဲမုၢ်ဖးဖီအနံၤ, ဟါလီၤခီအဆၢကတီၢ်န့ၣ်လီၤ.
ကလံၤစိးအပှၤသုးဖိ (၈,၀၀၀)ဘျဲၣ် လဲၤတုၤဆူ ယူၣ်ကရ့ကီၢ်ဆၢ, ရှၢးရှၢၣ်ကီၢ်, ကးဟီၣ်က၀ီၤပူၤလံအသိး လၢစှၤသီအတီၢ်ပူၤ ကနုၥ်လီၤဒုးစၢၤ ရှၢးရှၢၣ်အဂီၢ် အိၣ်ကတဲၥ်ကတီၤသးအဂ့ၢ် ကီၢ်ခိၣ်ဘဲၣ်တၣ် ပဒိၣ်ကရၢ တဲလီၤ၀ဲဖဲ မုၢ်လ့ၤဧိၤအနံၤန့ၣ်လီၤ.
ကလံၤစိးကီၢ်ခိရံယါသုး(၇)ကထိဘျဲၣ်လၢ တၢ်ထီထီၣ်ဃၥ်ရှၢးရှၢၣ်စုက၀ဲၤတဖၣ် တၢ်ဆှၢပၥ်အီၤဆူ တၢ်လီၢ်လၢအဘူးဒီးယူၣ်ကရ့အဂ့ၢ် ယူၣ်ကရ့သုးပ့ၢ်ဆှါကရၢ GUR တဲလီၤ၀ဲဖဲမုၢ်ဘူၣ်အနံၤန့ၣ်လီၤ. တကးဘၣ် ကလံၤစိးကီၢ်ခိရံယါသုးတဖၣ် တၢ်သိၣ်န့ၢ်သုးတၢ်သိၣ်လိ ဖဲရှၢးရှၢၣ်မုၢ်ထီၣ်ဟီၣ်က၀ီၤ တၢ်သိၣ်လိ(၅)လီၢ်အဂ့ၢ် တဲ၀ဲန့ၣ်လီၤ.
တၢ်လဲၤပၥ်လီၤဃၥ် ကလံၤစိးကီၢ်ခိရံယါသုးတဖၣ် ဖဲရှၢးရှၢၣ်ဟီၣ်က၀ီၤပူၤန့ၣ် မ့ၢ်ဒၣ်တၢ်မၤဆူၣ်ထီၣ်သုးဂ့ၢ်၀ီလၢ အ့ၣ်ဒိၣ်-ပစံးဖ့းလီၢ်က၀ီၤအဂီၢ် ၀ံၤ ရှၢးရှၢၣ်ကဟ့ၣ်ခီဟ့ၣ်နီၤ ပီညါကူၣ်သ့ဆူ ကလံၤစိးကီၢ်ခိရံယါအဃိ ကလံၤစိးကီၢ်ခိရံယါအနူကလံၤယါဒီးမ့းစဲမျိၥ်သၣ်ယူၢ်တၢ်ရဲၣ်တၢ်ကျဲၤတဖၣ် မၤပျံၤမၤဖူးသ့အဂ့ၢ် စံး၀ဲန့ၣ်လီၤ.
Ref:VOA
