လါအီးကထိဘၢၣ်(၂၅)သီ, ၂၀၂၄နံၣ်
၂၀၂၄နံၣ်, လါယူၤလံတုၤလါစဲးပထ့ဘၢၣ်အတီၢ်ပူၤ တၢ်ဒုးကဲထီၣ်တ့ၢ်၀ဲ ခဲလၢၥ်ပၥ်ဖှိၣ်(၂၁၂၆)ဘျီအဂ့ၢ် ညးလ့သ့းတၢ်ဃိထံသ့ၣ်ညါကရၢ စံး၀ဲန့ၣ်လီၤ.
တၢ်ဒုးကဲထီၣ်တ့ၢ်အကျါ (၂၀၀၆)ဘျီအံၤ မ့ၢ်တၢ်ပၢၢ်ဆၢဂံၢ်ဘါကရူၢ်တဖၣ် ပညိၣ်ဒုးသုးကီၣ်ကးအနီၣ်ဂံၢ်နီၣ်ဒွ၀ံၤ တၢ်ပၢၢ်ဆၢဂံၢ်ဘါကရူၢ်တဖၣ် ထီၣ်ဒုးမၤန့ၢ်၀့ၢ်(၁၂)၀့ၢ်လၢ အိၣ်ဖဲကခၠ့ၣ်, ယိၤဒိၣ်ကီၢ်စဲၣ်ကလံၤစိး, မါတလ့ဒီးရၢၢ်ခၢၣ်ကီၢ်စဲၣ်ဟီၣ်က၀ိၤပူၤန့ၣ်လီၤ.
၂၀၂၄နံၣ်, သၢလါအတီၢ်ပူၤ သုးဂ့ၢ်၀ီတၢ်ဟူးတၢ်ဂဲၤအအါကတၢၢ်ကဲထီၣ်တ့ၢ်သးလၢ ဟီၣ်က၀ီၤ(၄)ခါလၢအမ့ၢ် ယိၤဒိၣ်ကီၢ်စဲၣ်ကလံၤစိး, မါတလ့, စကဲဒီးမကွ့ဟီၣ်က၀ီၤပူၤ၀ံၤ ၁၀၂၇ဒုးယၤရဲၣ်ကျဲၤ ခံ၀ီတ၀ီဒုးယၤရဲၣ်ကျဲၤအပူၤ တၢ်ပၢၢ်ဆၢဂံၢ်ဘါကရူၢ်တဖၣ် ထီၣ်ဒုးမၤန့ၢ် သုးကီၣ်ကးအယိၤဒိၣ်ကီၢ်စဲၣ်ကလံၤစိး, လါရှိ၀့ၢ်, မုၢ်ထီၣ်ကလံၤစိးကီၢ်ခီသုး၀ဲၤလီၢ်ခိၣ်သ့ၣ်(ရမခ)န့ၣ်လီၤ.
၂၀၂၄နံၣ်, လါယူၤလံတုၤလါစဲးပထ့ဘၢၣ်အတီၢ်ပူၤ ခီဖျိသုးကီၣ်ကးပညိၣ်ဒုးလီၢ်က၀ီၤကမျၢၢ်အဃိ လီၢ်က၀ီၤကမျၢၢ်ဖိဘၣ်သံတ့ၢ်၀ဲ(၁၀၄၄)ဂၤ ဒီး ဘၣ်ဒိ၀ဲ(၁၃၈၃)ဂၤန့ၣ်လီၤ.
