လါအီးကထိဘၢၣ်(၂၂)သီ,၂၀၂၄နံၣ်
၂၀၂၄နံၣ်, လါအီးကထိဘၢၣ်(၂၀)သီအနံၤန့ၣ် အံၣ်စရ့လဲၤဒုး စ့တၢးတဖၣ်လၢအဘၣ်ထွဲဒီးဟ့းစဘိၣ်လၣ်ကရၢလၢ အိၣ်ဖဲကီၢ်လဲးဘနိၣ်အပူၤလၢ ကလံၤကျါန့ၣ်လီၤ.
အံၣ်စရ့သုး တချူးမၤကလံၤကျါတၢ်ဒုးဒံးဘၣ်အဆၢကတီၢ် ဘိးဘၣ်ရၤလီၤ၀ဲ တၢ်ဟ့ၣ်ပလီၢ်စိ(၂၄)ဘျီအဂ့ၢ်န့ၣ်လီၤ. အါတက့ၢ် လဲၤမၤ၀ဲကလံၤကျါတၢ်ဒုးလၢ ၀့ၢ်ဘ့ၣ်ရိးကလံၤထံးတပၤ၀ံၤ တၢ်ဒုးကဲထီၣ်သးလၢ ကဘီယူၤသန့အကပၤ (၂)ဘျီန့ၣ်လီၤ.
ဟ့းစဘိၣ်လၣ်တဖၣ် ကမၤပူၤဖျဲး အဲးကးအဲၣ်ဟၣ်ဆၣ်(အယ်လ်ကာ့ဒ် အယ်လ်ဟာဆန်)(AQAH)လၢ စ့တၢးသနူအဂီၢ်အဃိ အမဲရကၤ ဟံးဂ့ၢ်၀ီ ကးတံၥ်ဃၥ်၀ဲလၢ ၂၀၀၇လံၤလံၤလံန့ၣ်လီၤ.
တချူးတုၤလၢဖးဖီမုၢ်အဆၢကတီၢ်ဒံးဘၣ်န့ၣ် တၢ်သူၣ်ထီၣ်အဒၤစ့ၣ်လၢအိၣ်ဖဲ AQAHစ့တၢးတဖၣ် ဘၣ်၀ဲလံအဂ့ၢ် အံၣ်စရ့သုးမုၢ်ဒိၣ် ဘိးဘၣ်ရၤလီၤဃၥ်၀ဲန့ၣ်လီၤ.
စ့တၢးအံၤ ဖဲလၢ၁၉၈၂နံၣ်န့ၣ် တၢ်စးထီၣ်ဒုးအိၣ်ထီၣ်အီၤ ဒ်တၢ်ဟ့ၣ်သးကညီၤတၢ်ကရၢအသိးအံၤ တလဲၤသရံးအသးလၢ ကီၢ်မုၢ်နုၥ်စ့တၢးသနူအသိးဘၣ်န့ၣ်လီၤ.
လၢတၢ်န့ၣ်အဃိ လဲၤသရံးလၢ အပူၤဖျဲးဒီး တၢ်သိၣ်တၢ်သီလၢတၢ်ပၥ်လီၤဃၥ်ကီၢ်ပူၤစ့တၢးတၢ်သိၣ်တၢ်သီတဖၣ်အသိးန့ၣ်လီၤ.
ကီၢ်လဲးဘနိၣ်ပူၤ ဟ့းစဘိၣ်လၣ်စ့တၢးအိၣ်၀ဲ(၃၄)ဖျၢၣ်၀ံၤ ဘၣ်တၢ်ဒုးအီၤ(၁၆)ဖျၢၣ်အဂ့ၢ် လဲးဘနိၣ်မံၣ်ဒံၣ်ယၣ်တဖၣ် ပၥ်ဖျါဃၥ်၀ဲန့ၣ်လီၤ.
Source-Reuters
