လါအီးကထိဘၢၣ်(၂၂)သီ,၂၀၂၄နံၣ်
ဘၣ်တၫ်ဒုးတရူးကီၣ်ကးကိတိာ်၀ဲၤဒၢး လၢအိၣ်ဖဲ ၀့ၫ်မါတလ့, တၫ်ကဲထီၣ်သးအဖီခိၣ် တရူးပဒိၣ် ပာ်ဒ့ၣ်ပာ်ကမၣ်ထီဒါ၀ဲလီၤ. ပှၤလၢမၤကမၣ်တၫ်တဖၣ် တၫ်ကဃုထံၣ်သ့ၣ်ညါ၀ံၤ ဟံးန့ၫ်ဘၣ်ဂ့ၫ်၀ီအဂီၫ်စ့ၫ်ကီး တရူးထံဂုၤကီၫ်ဂၤကိတိာ်၀ဲၤကျိၤ ပှၤတဲတၫ်ပၢလ့ၣ်ကၠါဃ့ထီၣ်၀ဲလီၤ.
ဖဲလါအီးကထိဘၢၣ်(၁၈)သီအနံၤ,ဟါ(၅)နၣ်ရံၣ်ဃၣ်ဃၣ်အကတီၫ် တၫ်လဲၤဒုးလၢမ့ၣ်ပိၫ်ကဲထီၣ်သးအပူၤ ပှၤဘၣ်ဒိဘၣ်ထံးတအိၣ်ဘၣ်ဆၣ် မီၫ်သီ၀ဲၤဒၢးတၫ်သူၣ်ထီၣ် ဟးဂီၤတဆံးတက့ၫ်အဂ့ၫ် ဖဲလါအီးကထိဘၢၣ်(၂၁)သီအနံၤ တဲလီၤ၀ဲ ဖဲ၀့ၫ်ပ့ၣ်ကၠ့အဂ့ၫ် တၫ်ပာ်ဖျါဃာ်လၢ ရဲးတၣ်တၫ်ကစီၣ်အပူၤန့ၣ်လီၤ.
ပှၤတရူးဖိလၢလဲၤတုၤဆူကီၫ်ပယီၤတဖၣ်,မုာ်ကျိၤ၀ဲၤကွာ်တၫ်မၤကစၫ်တဖၣ်ဒီးကရူၫ်ကရၢတဖၣ်တကပၤ ကပလီၫ်သးလၢတၫ်ဘံၣ်တၫ်ဘၢအဂီၫ်စ့ၫ်ကီး တဲ၀ဲလီၤ.
တရူး-ပယီၤ တၫ်ရ့လိာ်ဘၣ်ထွဲ(၇၄)နံၣ် အပူၤ တၫ်ဒုး၀ဲအံၤ တၫ်ဘၣ်တဲလၢ မ့ၫ်(၂)ဘျီတဘျီ၀ံၤ အဆိကတၢၫ်တဘျီန့ၣ်မ့ၫ်၀ဲ ဖဲ(၁၉၆၇)နံၣ် တရူး-ပယီၤ ကလုာ်တၫ်သဘံၣ်သဘုၣ်အပူၤ တရူးမီၫ်သီ၀ဲၤဒၢးလၢအိၣ်ဖဲ၀့ၫ်တကူၣ် ဘၣ်တၫ်ဒုးအီၤန့ၣ်လီၤ.
Ref: RFA
