လါအီးကထိဘၢၣ်(၂၂)သီ,၂၀၂၄နံၣ်
ကီၫ်ပယီၤအပူၤ သုးဟံးန့ၫ်ဆူၣ်ထံကီၫ်တၫ်စိတၫ်ကမီၤ၀ံၤအလီၫ်ခံ ပှၤမံၣ်ဒံၣ်ယၣ်ဖိတဖၣ်လၢ ကွၫ်ဆၢၣ်မဲာ်ဘၣ် တၫ် ဆီၣ်တံၫ်မၤနၢၤတဖၣ် တၫ်ကဟ့ၣ်တၫ်မၤစၢၤတၫ်ရဲၣ်တၫ်ကျဲၤတခါန့ၣ် ကီၫ်ဖြၣ်စ့ၣ် ပှၤဟံးန့ၫ်တၫ်ကစီၣ်ဖိကရၢ(RSF) စးထီၣ်မၤ၀ဲဖဲကီၫ်ကၠီၣ်တဲၣ်အပူၤန့ၣ်လီၤ.
တၫ်ကစီၣ်တၫ်သဘျ့ခွဲးယာ်အဖီခိၣ် ဆီၣ်တံၫ်မၤနၢၤတၫ် ဆူၣ်ဆူၣ်ကိၢ်ကိၢ်အဃိပှၤဘၣ်ပဒ့ၣ်ဟးဆှဲးအသးဆူ ကီၫ်ချၢတကးဘၣ် ကီၫ်ပူၤပှၤလၢမၤကဒီး မံၣ်ဒံၣ်ယၣ်တၫ်မၤတဖၣ် ပညိၣ်၀ဲလၢကမၤစၢၤ၀ဲအဂ့ၫ်စ့ၫ်ကီး RSF ထုးထီၣ်ဘိးဘၣ်ရၤလီၤ၀ဲလီၤ.
ခီၣ်ဖၠူထၢၣ်လၢပှၤလဲၤက့ၤစီၣ်ထီၣ်စီၣ်လီၤန့ၫ်,လီတဲစိ,စိၣ်လၣ်ဘဲၤထရံၣ်,ဒံၣ်ကၠံၣ်တဲၣ်တၫ်ဘံၣ်တၫ်ဘၢ တၫ်ပီးတၫ်လီ တကးဘၣ်ကမၤန့ၫ်၀ဲပှၤန့ၫ်ဟံးတၫ်ကစီၣ်ဖိတဖၣ် တၫ်မၤဂ့ၤထီၣ်ကံၫ်စီ တၫ်မၤလိတၫ်ရဲၣ်တၫ်ကျဲၤတဖၣ်န့ၣ် RSF ပှၤနဲၣ်တၫ်ခိၣ်ကျၢၫ် Thibaut Bruttin တီခိၣ်ရိၣ်မဲ ခၢၣ်စးကရၢတဖၣ် စးထီၣ်မၤ၀ဲ ဖဲကီၫ်ကၠီၣ်တဲၣ် ၀့ၫ်ကံၫ်မဲအပူၤန့ၣ်လီၤ.
အပူၤကွံာ်နံၣ်တဖၣ်အပူၤ ကီၫ်ပယီၤမံၣ်ဒံၣ်ယၣ်ဖိတဖၣ် ပာ်ဖျါထီၣ်အတၫ်အိၣ်ဆၢထၢၣ်န့ၫ်ဂၢၫ်ဂၢၫ်ကျၢၤကျၢၤဒီး အတၫ်သူၣ်ဒူသးဒူတဖၣ်,ကွၫ်ဆၢၣ်မဲာ်ဘၣ် သုးကီၣ်ကးအတၫ်ဆီၣ်တံၫ်မၤနၢၤအၢအၢသီသီဘၣ်ဆၣ် ပှၤလၢဂုၤကျဲးစၢး ပာ်ဖျါထီၣ်တၫ်အိၣ်သးနီၫ်နီၫ်တဖၣ်အဂီၫ် တၫ်မၤစၢၤလၢလိၣ်ဘၣ်၀ဲတဖၣ် ကဟ့ၣ်မၤစၢၤဆီၣ်ထွဲ၀ဲအဂ့ၫ် RSF ပှၤနဲၣ်တၫ်ခိၣ် ကျၢၫ်တဲ၀ဲလီၤ.
ကီၫ်ပယီၤပူၤ ၂၀၂၁နံၣ်,လါဖ့ၤဘြူၤအါရံၤ သုးဟံးန့ၫ်ဆူၣ်ထံကီၫ်တၫ်စိတၫ်ကမီၤ၀ံၤအလီၫ်ခံ ပှၤဟံးန့ၫ်တၫ်ကစီၣ်ဖိ ဒီးပှၤဟူးဂဲၤလၢတၫ်ကစီၣ်သဘျ့ခွဲးယာ်(၇)ဂၤ ဘၣ်တၫ်စံၣ်ညီၣ်သံ၀ံၤ, အစှၤကတၢၫ်ပှၤဟံးန့ၫ်တၫ်ကစီၣ်ဖိ(၁၅၀)ဂၤ ဘၣ်တၫ်ဖီၣ်ဒုးဃာ်အသိး, ပှၤ(၆၄)ဂၤဘၣ်တၫ်ဖီၣ်ဃာ်အီၤအဖၢမုၫ်ဒံးလီၤအဂ့ၫ်စ့ၫ်ကီး RSF မၤနီၣ်မၤဃါဃး၀ဲလီၤ.
Ref: VOA
