လါအီးကထိဘၢၣ်(၁၇)သီ,၂၀၂၄နံၣ်
တရူး-ရၢရှၢၣ်ထံကီၫ်အဘၣ်စၢၤ ဘၣ်ထွဲတၫ်ဒီသဒၢဂ့ၫ်၀ီတၫ်ကပာ်ဖှိၣ်မၤသကိးအါထီၣ်တၫ်အဂီၫ် တရူးတၫ်ဒီသဒၢ ကိတိာ် ဒီၣ်ကၠိၣ်(ဒေါင်ဂျွန်)ဒီးရၢရှၢၣ်တၫ်ဒီသဒၢကိတိာ် အၣ်ဒရ့ၣ်ဘလၣ်ဆီး(အန်ဒရေဘလာဆော့ဗ်) ထံၣ်လိာ်တၢၣ် ပီၣ်တဲသကိးတၫ် ဖဲ၀့ၫ်ပ့ၣ်ကၠ့၀ံၤအလီၫ်ခံ အၢၣ်လီၤတူၫ်လိာ်သကိး၀ဲလီၤ.
ရၢရှၢၣ်ဒီးတရူးထံကီၫ်တဖၣ် သုးဂ့ၫ်၀ီတၫ်ပာ်ဖှိၣ်မၤကိးတၫ်န့ၣ် အရ့ဒိၣ်လၢ ဟီၣ်ခိၣ်ဒီးလီၫ်က၀ီၤတၫ်အိၣ်ဂၢၫ်ဆိးကျၢၤ အဂီၫ်ဒီးထံကီၫ်ခံဘ့ၣ်တၫ်ရ့လိာ်ဘၣ်ထွဲန့ၣ် လၢကိးသနၢၣ်ဒဲးဒိၣ်ထီၣ်လဲၫ်ထီၣ်အဂ့ၫ် ရၢရှၢၣ်တၫ်ဒီသဒၢကိတိာ်တဲ၀ဲလီၤ.
ထံကီၫ်ခံဘ့ၣ် တၫ်ပာ်ဖှိၣ်မၤသကိးတၫ်တဖၣ်န့ၣ် တၫ်ကြၢးမၤအီၤယိာ်ယိာ်၀ံၤ သုးဂ့ၫ်၀ီတၫ်ရ့လိာ်ဘၣ်ထွဲ တၫ်ဘၣ်မၤဂ့ၤ ထီၣ်အဂ့ၫ်,မုာ်ကျိၤ၀ဲၤကွာ်တၫ်န့ၫ်ဘျူးတဖၣ် ကဒီသဒၢန့ၫ်၀ဲအဂီၫ်ဒီးတၫ်ကဒီသဒၢန့ၫ် ဟီၣ်ခိၣ်တၫ်ဂၢၫ်တၫ်ကျၤအဂီၫ် တၫ်ကြၢးပာ်ဖှိၣ်မၤသကိး၀ဲန့ၣ် ဒီၣ်ကၠိၣ်(ဒေါင်ဂွန်) တၢၣ်ပီၣ်တဲသကိး၀ဲအဂ့ၫ် တရူးထံဂုၤကီၫ်ဂၤကိတိာ်၀ဲၤကျိၤ ထုးထီၣ်ဘိးဘၣ်ရၤလီၤ၀ဲလီၤ.
ဖဲအိၣ်ဒီးတၫ်ဖ့ၣ်ဆၢလၢအမဲရကၤဒီးယပၣ်ထံကီၫ်တဖၣ်အကတီၫ် ရၢရှၢၣ်ဒီးတရူးန့ၣ် လၢပစံးဖ့းဒီးယပၣ်ပီၣ်လဲၣ် တဖၣ်အပူၤ မၤသုးဂ့ၫ်၀ီတၫ်ပာ်ဖှိၣ်မၤသကိးတဖၣ် တလီၫ်လီၫ်လီၤ.
လၢသုးဂ့ၫ်၀ီတကပၤ တရူးဟ့ၣ် ထဲၣ်၀ၣ်တၫ်ဆီၣ်သနံးတဖၣ်, တၫ်ပဲာ်အၢပဲာ်သီလၢတရူးမၤစၢၤဆီၣ်ထွဲ ရၢရှၢၣ်ကျိချံ ပှာ်သၣ်ဒီးယူၣ်ကရ့တၫ်ဒုးအဃိ အမဲရကၤပာ်ဃုာ် ကီၫ်မုၫ်နုာ်ထံကီၫ်သိၣ်မှံၤတဖၣ်ဒီး ရၢရှၢၣ်-တရူးတဖၣ်အဘၢၣ်စၢၤ တၫ်ဖ့ၣ်ဆၢတဖၣ် ဆူၣ်ထီၣ်တပယူာ်ဃီန့ၣ်လီၤ.
Ref:VOM
