လါအီးကထိဘၢၣ်(၁၇)သီ,၂၀၂၄နံၣ်
လၢဟီၣ်ခိၣ်ချၢ ကီၫ်ပယီၤဒီးတရူးန့ၣ် ဘၣ်တၫ်ပာ်ပနီၣ်အီၤ ဒ်ထံကီၫ်လၢအ့ၣ်ထၢၣ်နဲးတၫ်သဘျ့ခွဲးယာ်အအၢကတၢၫ်န့ၣ်လီၤ.
Freedom Houseတၫ်ကစီၣ်ခွဲးယာ်သဘျ့ကရၢ လၢအိၣ်သူၣ်လီၤသးဖဲကီၫ်ပမဲရကၤန့ၣ် ထၢဟံးန့ၫ်ထံကီၫ်(၇၂)ဘ့ၣ် တၫ်ဂ့ၫ်တၫ်ကျိၤ၀ံၤ ဖဲလါအီးကထိဘၢၣ်(၁၆)သီအနံၤ တၫ်ဘိးဘၣ်ရၤလီၤအပူၤ ပာ်ဖျါဃာ်၀ဲလီၤ.
ပှၤလၢသူအ့ထၢၣ်နဲးတဖၣ် ခီပတာ်ကွံာ် သုးကီၣ်ကးအတၫ်ကးတံာ်တဖၣ်ကန့ၫ်အဂီၫ် VPNလၢသူ၀ဲတဖၣ်စ့ၫ်ကီး ဖဲလါမ့ၤအပူၤ သုးကီၣ်ကး ကးတံာ်ကွံာ်၀ဲလီၤ.
ဟီၣ်ခိၣ်အ့ၣ်ထၢၣ်နဲးတၫ်သဘျ့ခွဲးယာ်န့ၣ် လၢ(၁၄)နံၣ်အတီၫ်ပူၤ ဘၣ်လီၤ၀ဲ၀ံၤ ကီၫ်တရူးလၢတၫ်ရ့လိာ်ဘၣ်ထွဲဂ့ၤဒီး ကီၫ်ပယီၤအံၤ လၢအနံၣ်(၁၀)အတီၫ်ပူၤ ဒ်အဆိကတၢၫ်တဘျီ ဃုာ်ဒီးကီၫ်ပယီၤဒ်သိးသိး ဘၣ်တၫ်ဖၢနုာ်အီၤလၢ ထံကီၫ်လၢအ့ထၢၣ်နဲးတၫ်သဘျ့ခွဲးယာ်အအၢကတၢၫ်အစရီပူၤအဂ့ၫ် ပာ်ဖျါ၀ဲလီၤ.
ကီၫ်ပယီၤလၢအိၣ်ဒီးဒံၣ်မိၣ်ကရ့ၣ်စံၣ်တၫ်လဲၤခီဖျိအိၣ်အနံၣ်(၁၀)ဃၣ်ဃၣ်အံၤအပူၤ စးထီၣ်လၢသုးဟံးန့ၫ်ဆူၣ် ထံကီၫ်တၫ်စိတၫ်ကမီၤလံၤလံၤ ဆီၣ်ဘံၣ်ဆီၣ်ဘၢ ပှၤပူထီၣ်ပၢၫ်ဆၢတၫ်တကးဘၣ်အမဲာ်ညါ လၢOnlineပူၤ ပှၤကွဲးတၫ်လၢတၫ်ကဘျ့အပူၤတဖၣ်စ့ၫ်ကီး လူၤဃုသ့ၣ်ညါ၀ဲ၀ံၤ ကးတံာ်မၤဃံးဃာ်၀ဲန့ၣ်လီၤ.
တရူးထံဂုၤကီၫ်ဂၤကိတိာ်၀ဲၤကျိၤ ပှၤတဲတၫ်ပၢMao Ningတခီ ဘၣ်ထွဲဒီးလါအီးကထိဘၢၣ်(၁၆)သီအနံၤ တၫ်ဘိးဘၣ်ပာ်ဖျါအဖီခိၣ် ဖဲတၫ်သံကွၫ်အီၤအကတီၫ် တဲဆၢက့ၤ၀ဲလၢ လံာ်တၫ်ဘိးဘၣ်ရၤလီၤအံၤ အခိၣ်အခံတအိၣ်ဘၣ်ဒီး မ့ၫ်တၫ်မၤဃာ်အီၤဒီးတၫ်ပညိၣ်အၢသီတဖၣ်အဂ့ၫ် တဲ၀ဲန့ၣ်လီၤ.
Ref: RFA
