လါအီးကထိဘၢၣ်(၁၅)သီ,၂၀၂၄နံၣ်
ယၣ်ကံၣ်ကလံၤမုၫ်အသဟီၣ်အဃိ ဖဲလါစဲးပထ့ဘၢၣ်(၉)သီနံၤ ကရ့ၣ်နံၣ်ကီၫ်စဲၣ် တူၫ်ဘၣ်ထံလုၫ်ဘၢတၫ်၀ံၤ ယံာ်(၁)လါဘျဲၣ်အလီၫ်ခံ တၫ်လိၣ်ဘၣ်ဂ့ၫ်ဂီၫ်အူကသံၣ်ကသီဒီးဘုဟုတဖၣ်န့ၣ်လီၤ.
ကီၫ်ဆၣ်ရှါတီ, ဒံမီဆိးမုၫ်ထီၣ် ဟိၣ်ဟၣ်,ဖိၣ်ဘီၣ်ခိးဒီး ကီၫ်ဆၣ်လိၣ်မူၣ်ခိၣ်တဖၣ်အပူၤ ထံက့ၤလီၤလံဘၣ်ဆၣ် လွဲၫ်ကီၫ်,မဲၫ်စဲး,နါမဲာ်ခိၣ်ဒီးကီၫ်ဆၣ် ဖဲၣ်ခိၣ်တဖၣ်အပူၤ ထံဒိၣ်ထီၣ်ကဒီး၀ံၤလိၣ်ဘၣ်ကသံၣ်ကသီဒီးဘုဟုတၫ်မၤစၢၤတဖၣ်အဂ့ၫ် Emergency Response Coordination Teamအပှၤပၢၤလီၫ်ဆ့ၣ်နီၤ တဲ၀ဲလီၤ.
“သ၀ီလၢထံက့ၤလီၤတဖၣ်အပူၤ တၫ်မၤ၀ဲတၫ်သူၣ်ထီၣ်ဆီလီၤက့ၤ တၫ်ဖံးဒ်သိး,တၫ်ဘှီဘၣ်ဒူသ၀ီကျဲ,တိၤ, တၫ်မၤကဆှဲကဆှီထီၣ်က့ၤတၫ်,ဘုဟုလၢဟးဂီၤတဖၣ် ဂ့ၫ်ဂီၫ်အူတၫ်ဘၣ် မၤန့ၫ်က့ၫ်၀ဲအဂ့ၫ်တဲ၀ဲလီၤ. “
ပှၤလီၫ်အိၣ်ကမှံဒဲက၀ီၤလၢထံတလီၤဒံးဘၣ်တဖၣ်အပူၤ ဘ့ၣ်သးတၫ်ဆါဒီးတၫ်ဟၢဖၢလူတၫ်ဆါတဖၣ် တၫ်ထံၣ်ဘၣ်၀ဲ၀ံၤ လိၣ်ဘၣ်ကသံၣ်ကသီဒီးတၫ်ကတ့ထီၣ်ဘှီထီၣ်တၫ်ဟးလီၫ်တဖၣ်အဂီၫ်န့ၣ်လီၤ.
တၫ်လီၫ်လၢထံတလီၤဒံးအလီၫ်တဖၣ်အပူၤ ပှၤမၤစၢၤတၫ်ဖိတဖၣ်ဟဲအကတီၫ် လဲၤတုၤဒၣ်ဆူသုးကီၣ်ကးအိၣ်အဃိ လၢတၫ်လိၣ်ဘၣ်အလီၫ် ပှၤမၤစၢၤတၫ်တဖၣ်လဲၤတတုၤဘၣ်အဂ့ၫ် ကၠ့လဲးမၠ့ၣ်ပှၤမၤစၢၤတၫ်ကရၢ ပှၤဘၣ်မူဘၣ်ဒါ ကိၣ်စီၣ်မ့ထ့းတဲ၀ဲလီၤ.
“တၫ်မၤစၢၤတဖၣ်န့ၣ်အါဒၣ်တက့ၫ်က့ၤတုၤဆူသုးကီၣ်ကးအအိၣ်န့ၣ်လီၤ.တၫ်န့ၣ်အဃိတၫ်မ့ၫ်မၤစၢၤန့ၣ် တၫ်ကဘၣ် မၤစၢၤတၫ်လီၫ်ဖဲလဲၣ်တဖၣ်န့ၣ် အိၣ်အါမးလီၤ.လၢကီၫ်ဆၣ်နါမဲၣ်ခိၣ်အပူၤ ဖယါဖၠူၣ်သ၀ီ, ဖယါနံၣ်သ၀ီ,ဖိတီသ၀ီ,သ၀ီဖိတဖၣ် အဘုဟုလီၤဘျၢ, တၫ်ဖံးအီၣ်မၤအီၣ် တၫ်မၤခဲလၢာ် ဟးဂူၤဟးဂီၤအဃိ ကွၫ်ဆၢၣ်မဲာ်ဘၣ်တၫ်ကီတၫ်ခဲတဖၣ်လီၤ.”
ဖဲလါအီးကထိဘၢၣ်(၁၀)သီနံၤ ကရ့ၣ်နံၣ်တၫ်ဘၢၣ်စၢၤပၢပြးကီၣ်ကးစ့ၫ်ကီး ဘိးဘၣ်ရၤလီၤ၀ဲလၢ ဟံၣ်ဃီလၢဟးဂီၤတဖၣ်ဒီးစံၣ်ပျီဟးဂီၤတဖၣ်အဂီၫ် လိၣ်ဘၣ်ဘုဒီးကသံၣ်ကသီတဖၣ်အဂ့ၫ်န့ၣ်လီၤ.
ဖဲၣ်ခိၣ်,လွဲၫ်ကီၫ်,နါမဲၣ်ခိၣ်,ဒံဘီခူၣ,ဒံမီဆိၣ်,ဟိၣ်ဟၣ်,ဘီၣ်လခဲ,မီၣ်ခၠံ,ရှါတီဒီးမဲၫ်စဲးတၫ်လီၫ်တဖၣ်အပူၤ ထံဒိၣ်နိယွၤဒီးဟီၣ်ခိၣ်လာ်တဖၣ်ကဲထီၣ်၀ံၤ ပှၤလီၫ်အိၣ်ကမှံဒဲက၀ီၤ(၁၆)ခါဒီးသ၀ီ(၅၄)ဖျၢၣ်အပူၤ ပှၤနီၫ်ဂံၫ်(၃၀၀၀၀)ဂၤဃၣ်ဃၣ် တူၫ်ဘၣ်ထံလုၫ်ဘၢတၫ်အဂ့ၫ် တၫ်ဘိးဘၣ်ရၤလီၤအပူၤပာ်ဖျါ၀ဲလီၤ.
Ref: DVB
