လါအီးကထိဘၢၣ်(၁၄)သီ,၂၀၂၄နံၣ်
ယိၤဒိၣ်ကီၫ်စဲၣ်ကလံၤထံး,၀့ၫ်သံၣ်ပီ,သုးကီၣ်ကး အသုးကလၢၤလၢအိၣ်တ့ၫ်အလီၫ်ခံကတၢၫ်တဖျၢၣ်လၢအမ့ၫ် ခလရ-၂၃ သုးရ့ၣ်၀ဲၤလီၫ်ခိၣ်သ့ၣ်န့ၣ် TNLA တီခိၣ်ရိၣ်မဲတၫ်ပၢၫ်ဆၢသုးတဖၣ် ထီၣ်ဒုးမၤန့ၫ်၀ဲ၀ံၤ ၀့ၫ်သံၣ်ပီဒီတ၀့ၫ် သုးကီၣ်ကးအသုးကလၢၤတအိၣ်လၢၤဘၣ်အဂ့ၫ် တရူး-ပယီၤကီၫ်ဆၢ ဂ့ၫ်ခီၣ်ထံးတၫ်ကစီၣ် စံး၀ဲန့ၣ်လီၤ.
ဖဲလါအီးကထိဘၢၣ်(၁၃)သီနံၤ ဟါခီအကတီၫ် လၢ၀့ၫ်သံၣ်ပီ သုးကီၣ်ကးအသုးကလၢၤလၢအိၣ်တ့ၫ် အလီၫ်ခံကတၢၫ်တဖျၢၣ်လၢအမ့ၫ် ခလရ-၂၃အံၤ TNLAထီၣ်ဒုးမၤန့ၫ်၀ဲန့ၣ် တရူးတၫ်ကစီၣ်သန့တဖၣ်ပာ်ဖျါ၀ဲအဂ့ၫ်ဒီး ကီၫ်ဆၣ်သံၣ်ပီအပူၤ သုးကီၣ်ကးအသုးကလၢၤခဲလၢာ် ဘၣ်ပာ်တ့ၫ်ကွံာ်၀ဲအဂ့ၫ် တၫ်ကစီၣ်သန့တဖၣ်ပာ်ဖျါ၀ဲလီၤ.
“တၫ်ထီၣ်ဒုးမၤန့ၫ် ခလရ-၂၃တၫ်ကစီၣ်ဒီးသံၣ်ပီဟီၣ်က၀ီၤအပူၤ သုးကီၣ်ကးဘၣ်ပာ်တ့ၫ်ကွံာ်အသုးကလၢၤခဲလၢာ်အဂ့ၫ်န့ၣ် တရူးတၫ်ကစီၣ်သန့တဖၣ် ပာ်ဖျါ၀ဲအဂ့ၫ်”တရူး-ပယီၤကီၫ်ဆၢ ဂ့ၫ်ခီၣ်ထံးတၫ်ကစီၣ်စံး၀ဲန့ၣ်လီၤ.
ကီၫ်ဆၣ်သံၣ်ပီအပူၤ သုးကီၣ်ကးအသုး ခမရ-၅၀၃,ခမရ-၅၀၄ ဒီးခလရ-၂၃ သုးရ့ၣ်၀ဲၤလီၫ်ခိၣ်သ့ၣ်ပာ်ဃုာ် ဆီလီၤဃာ် သုးရ့ၣ်(၃)ရ့ၣ်၀ံၤ ဖဲလါစဲးပထ့ဘၢၣ်(၂၇)သီအနံၤန့ၣ် တၫ်ထီၣ်ဒုးမၤန့ၫ်၀ဲ ခမရ-၅၀၃ဒီးခမရ-၅၀၄လၢအိၣ်စီၤစုၤယံၤဒီး၀့ၫ်သံၣ်ပီ(၂)မံးလာ်အဂ့ၫ်, သုးကလၢၤအလီၫ်ခံကတၢၫ်တဖျၢၣ်လၢအမ့ၫ် ခလရ-၂၃တခီ ထီၣ်ဒုးမၤန့ၫ်၀ဲ ဖဲလါအီးကထိဘၢၣ်(၁၃)သီနံၤအဂ့ၫ်တၫ်သ့ၣ်ညါဘၣ်န့ၣ်လီၤ.
Ref: Khit Thit
