လါအီးကထိဘၢၣ်(၁၁)သီ,၂၀၂၄နံၣ်
အမဲရကၤပၥ်ဃုၥ် Quadထံကီၢ်ကရၢ လွံၢ်ဘ့ၣ်ထံသုးတဖၣ် ကပၥ်ဖှိၣ်ဂဲၤလိသုးတၢ်ဂဲၤလိ လၢကီၢ်အ့ဒံယါ ပီၣ်လဲၢ်နံၤန့ၣ်လီၤ.
သုးတၢ်ဂဲၤလိအံၤ တၢ်ယူၤန့ၢ်အမံၤလၢ မၢ်လၣ်ဘၣ်ဒီး ကပၥ်ဖှိၣ်ဂဲၤလိ၀ဲသုးတၢ်ဂဲၤလိတုၤ လါအီးကထိဘၢၣ်(၁၈)သီအနံၤအဂ့ၢ် ကီၢ်အ့ဒံယါတၢ်ဒီသဒၢကိတိၥ်၀ဲၤကျိၤ ထုးထီၣ်ပၥ်ဖျါဃၣ်၀ဲန့ၣ်လီၤ.
လၢသုးတၢ်ဂဲၤလိအပူၤ ကပၥ်ဃုၥ်၀ဲစ့ၢ်ကီး ကဘီတၢ်မၤဟးဂီၤတဖၣ်, ကဘီတိစၢၤမၤစၢၤတၢ်တဖၣ်, ကဘီယူၤဒီးကဘီထံလၥ်တဖၣ်၀ံၤ တၢ်ကဂဲၤလိ၀ဲ တၢ်ဒုးကဘီထံလၥ် ဒီး သုးတၢ်ဂဲၤလိအဂၤတဖၣ်အဂ့ၢ်န့ၣ်လီၤ.
“အ့ဒံယါပီၣ်လဲၣ်မိၢ်ပှၢ် ဒီး အ့ၣ်ဒိၣ်-ပစံးဖ့းလီၢ်က၀ီၤအံၤ ဟီၣ်ခိၣ်ဒီတဘ့ၣ်တၢ်ဘံၣ်တၢ်ဘၢ ဒီး မုၥ်ကျိၤ၀ဲၤကွၢ်တၢ်အိၣ်ဂၢၤကျၢၢ်ဆိးကျၢၢ်အဂီၢ် အရ့ဒိၣ်သပှၢ်ကတၢၢ်အဂ့ၢ်” ကီၢ်အ့ဒံယါ ထံသုး သုးခိၣ်ကျၢၢ်စိ ရၣ်ကၠဲးပၣ်ဟၣ်ကၣ် စံး၀ဲန့ၣ်လီၤ.
အမဲရကၤဒီးအ့ဒံယါထံကီၢ်အဘၢၣ်စၢၤ တၢ်စးထီၣ်ဂဲၤလိမၢ်လၣ်ဘၣ်သုးတၢ်ဂဲၤလိ ဖဲ(၁၉၉၀)နံၣ်၀ံၤအလီၢ်ခံ သုးတၢ်ဂဲၤလိၥ်အပူၤ ယပၣ်ဒီးအီစတြ့လယါထံကီၢ်တဖၣ် ပၥ်ဃုၥ်၀ဲန့ၣ်လီၤ. ထံကီၢ်တဖၣ်အံၤ ကပၥ်ဖှိၣ်မၤသကိး၀ဲ ဘၣ်ထွဲတၢ်ဘံၣ်တၢ်ဘၢဒီးအဂၤတဖၣ်လၢ Quadတၢ်မၤအတကွီၣ်ပူၤ ထံကီၢ်လွံၢ်ဘ့ၣ်န့ၣ်လီၤ.
ဖဲအပူၤကွံၥ် လါစဲးပထ့ဘၢၣ်အတီၢ်ပူၤ ထံကီၢ်လွံၢ်ဘ့ၣ်ခိၣ်နၢ်တဖၣ် မၤ၀ဲပတီၢ်ထီတၢ်တၢၣ်ပီၣ်တဲသကိးတခါ၀ံၤ တၢ်ကဘှါရှဲဘၣ် တရူးမၤအါထီၣ်သုးဂ့ၢ်၀ီတဖၣ်လၢ အ့ၣ်ဒိၣ်-ပစံးဖ့းဟီၣ်က၀ီၤပူၤအဂီၢ် အၢၣ်လီၤတူၢ်လိၥ်၀ဲလၢ ကပၥ်ဖှိၣ်မၤသကိးအါထီၣ်ဘၣ်လၢ တၢ်ဘံၣ်တၢ်ဘၢအဂီၢ်န့ၣ်လီၤ.
Ref:NHK
