လါအီးကထိဘၢၣ်(၁၁)သီ,၂၀၂၄နံၣ်
ကိကးသုးမုၫ်ဒိၣ်(MNDAA)န့ၣ် အပဒိၣ်၀ဲၤကျိၤဒီးသုးဘၣ်မူဘၣ်ဒါခဲလၢာ် တၫ်ဟ့ၣ်တၫ်ပျဲမ့ၫ်တအိၣ်ဘၣ်န့ၣ် တဘၣ်မၤတၫ်ဆဲးကျိးဒီးကီၫ်ချၢတၫ်ကရၢကရိတဖၣ်အဂီၫ် ဖဲလါအီးကထိဘၢၣ်(၁၀)သီအနံၤန့ၣ် ထုးထီၣ်ဘိးဘၣ်ရၤလီၤ၀ဲလီၤ.
ကီၫ်ပယီၤထံလီၫ်ကီၫ်ပူၤဂ့ၫ်၀ီအပူၤ ကီၫ်ချၢသုးတဖၣ်ကဟဲနုာ်လီၤမၤတံာ်အဂီၫ် ရဲၣ်ကျဲၤ၀ဲအဂ့ၫ် ဒိးန့ၫ်ဃာ်တၫ်ကစီၣ်၀ံၤ တၫ်ကွၫ်ဆၢၣ်မဲာ်ဘၣ်တၫ်ဆီတလဲဒိၣ်ဒိၣ်မုၫ်မုၫ်သ့၀ဲအဂ့ၫ် တဲ၀ဲလီၤ.
ကီၫ်ပူၤတၫ်အိၣ်သးဘံဘူအဖီခိၣ် ကီၫ်ချၢဂံၫ်ဘါကရၢတဖၣ် သုတသူန့ၫ်ဆူၣ် MNDAAဒီးသုးကီၣ်ကးအဂီၫ် ဒီးမ့ၫ်လၢ တၫ်ကဒီသဒၢ တၫ်ဂ့ၫ်လိာ်ဘှီလိာ်လၢ တကြၢးကဲထီၣ်တဖၣ်ဒီးတၫ်သဘံၣ်သဘုၣ်တဖၣ်အဂ့ၫ် တၫ်ဘိးဘၣ်ရၤလီၤအပူၤပာ်ဖျါ၀ဲလီၤ.
တအဲၣ်ဒိးဒုးပာ်ဃုာ်၀ဲလၢ ကီၫ်ပယီၤထံရူၫ်ကီၫ်သဲးလၢအဘံဘူအံၤအကျါဘၣ်အဃိ ဘၣ်ထွဲဒီး ထံရူၫ်ကီၫ်သဲးဂ့ၫ်၀ီ ဒီးသုးဂ့ၫ်၀ီတကပၤ ကးတံာ်ဃာ်၀ဲဒ်သိးအံၤအဂ့ၫ် ပှၤလၢအိၣ်ဘူးဒီးကိကးသုမုၫ်ဒိၣ်တဂၤတဲ၀ဲလီၤ.
“တၫ်ပၢၫ်ဆၢတၫ်အိၣ်ဆၢထၢၣ်န့ၣ် အိၣ်အကလုာ်ကလုာ်လီၤ.တၫ်အံၤမ့ၫ် MNDAAခိၣ်နၫ်တဖၣ် တဲဖျါထီၣ်ကမျၢၫ် အ၀ဲသ့ၣ် အတၫ်ပာ်သးတဖၣ်လီၤ.မ့ၫ်ဒၣ်အဲၣ်ဒိးတဲ၀ဲလၢ ထံရူၫ်ကီၫ်သဲးတၫ်အိၣ်ဆၢထၢၣ်န့ၣ် တဒ်သိးဒီးတၫ်ပၢၫ်ဆၢသုး လၢအဂၤတဖၣ်ဘၣ်အဂ့ၫ်”န့ၣ်လီၤ.
တကးဘၣ် တၫ်ဟ့ၣ်တၫ်ပျဲမ့ၫ်တအိၣ်ဘၣ်န့ၣ် အၣ်စံၣ်ယၣ်ထံကီၫ်ကရၢပာ်ဃုာ် တၫ်လဲၤဆူမုၫ်နုာ်ထံကီၫ်, ဘၣ်ထွဲ ကီၫ်ပယီၤတၫ်ဂ့ၫ် ထံဂုၤကီၫ်ဂၤတၫ်အိၣ်ဖှိၣ်တဖၣ် တၫ်သုတထီၣ်အဂီၫ်,လၢတနံၣ်အံၤအပူၤ တၫ်တဘၣ်ထံၣ်လိာ် သံကွၫ်စံးဆၢတၫ်ဒီးမုၫ်နုာ်တၫ်ကစီၣ်သန့တဖၣ်အဂီၫ်စ့ၫ်ကီး MNDAAဘိးဘၣ်ရၤလီၤ၀ဲလီၤ.
တၫ်ဘျၢလၢတၫ်ပာ်လီၤဃာ်တဖၣ် တၫ်မ့ၫ်မၤကမၣ်န့ၣ် ပှၤဘၣ်မူဘၣ်ဒါလၢဘၣ်ထွဲတဖၣ် ကဟံးန့ၫ်ဂ့ၫ်၀ီအဂ့ၫ် တၫ်ဘိးဘၣ်ရၤလီၤအပူၤ ပာ်ဖျါ၀ဲလီၤ.
Ref: RFA
