လါအီးကထိဘၢၣ်(၂)သီ,၂၀၂၄နံၣ်
ကၠိသိလ့ၣ်ဘၢး(၁)ခိၣ် မ့ၣ်အူအီၣ်လၢ ကီၢ်ကၠီၣ်တဲၣ်, ၀့ၢ်ဘီကီၥ်အဃိ ပှၤဘၣ်သံ၀ဲ တစှန့ၣ်(၂၅)ဂၤအဂ့ၢ် ပှၤဘၣ်မူဘၣ်ဒါတဖၣ် တဲလီၤ၀ဲ ဖဲမဟါအနံၤ, မုၢ်ထူၣ်အဆၢကတီၢ်န့ၣ်လီၤ.
ကၠိသိလ့ၣ်ဘၢးအပူၤ ဟဲဒိးပိၥ်၀ဲ ကၠိဖိမုၣ်/ခွါ ဒီးကၠိသရၣ်/မုၣ် ခဲလၢၥ်(၄၄)ဂၤ၀ံၤ ကၠိဖိ(၁၆)ဂၤဒီး ကၠိသရၣ်/မုၣ်(၃)ဂၤ တၢ်ဆှၢပၥ်အီၤဆူ တၢ်ဆါဟံၣ်အဂ့ၢ် ၀ံစိၥ်တီဆှၢကိတိၥ် ဆူၣ်ရံၣ်ယူၣ် တဲ၀ဲန့ၣ်လီၤ.
ကၠိသိလ့ၣ်ဘၢးအံၤ မ့ၢ်သိလ့ၣ်လၢတၢ်နီအီၤလၢဂၥ်သ၀ံ၀ံၤ တၢ်ပၢဆှၢန့ၢ်၀ဲ မ့ၣ်အူအီၣ်ဘၣ်ဆၣ် တၢ်ကဃုကွၢ် ပှၤသံအစိၣ်တဖၣ်အဂီၢ် ဘၣ်ခိး၀ဲတုၤလၢ တၢ်ကိၢ်အသဟီၣ်စှၤလီၤအဂ့ၢ် ပှၤမၤပူၤဖျဲးတၢ်တဖၣ် တဲ၀ဲန့ၣ်လီၤ.
ကၠိသိ့လၣ်ဘၢးအပူၤ တၢ်ထံၣ်န့ၢ်၀ဲ ပှၤသံအစိၣ်(၁၀)စိၣ်အဂ့ၢ် ပှၤဘၣ်မူဘၣ်ဒါတဖၣ် စံး၀ဲန့ၣ်လီၤ. သိလ့ၣ်ဘၢးအံၤ မ့ၢ်သိလ့ၣ်(၁)ခိၣ်လၢ ဟဲတီၣ်ပှၤဟးကသုၣ်ဃုထံၣ်မၤလိတၢ်တဖၣ်လၢ ဟဲ၀ဲလၢ ထံကီၢ်ကလံၤစိး, ယူၣ်ထဲသၣ်နံၣ်(ယူထိုင်းသာနီ)ကီၢ်စဲၣ်တပၤန့ၣ်လီၤ.
လီၢ်က၀ီၤတၢ်ကစီၣ်သန့တဖၣ် ပၥ်ဖျါဃၣ်၀ဲလၢ သိလ့ၣ်ဘၢးအပၣ်ဖံး ဟးဂီၤကွံၥ်လၢ ကျဲမုၢ်ဖးဒိၣ်အဖီခိၣ်၀ံၤအလီၢ်ခံ နုၥ်လီၤတိၢ်၀ဲ တၢ်အဒူၣ်တဖၣ်ဒီး မ့ၣ်အူအီၣ်ကွံၥ် ဂၥ်သ၀ံဒၢအဂ့ၢ်န့ၣ်လီၤ.
ဟီၣ်ခိၣ်ဒီဘ့ၣ်ထံကီၢ်တဖၣ်အကျါကီၢ်ကၠီၣ်တဲၣ်ပၥ်ဃုၥ်လၢကိးနံၣ်ဒဲးတၢ်သံတၢ်ပှၢ်အိၣ်ထီၣ်သးအအါကတၢၢ် ခီဖျိတလူၤပိၥ်မၤထွဲတၢ်သိၣ်တၢ်သီဒီး သိလ့ၣ်တၢ်မၤအသးဘၣ်ဖုးဘၣ်ပျီၢ်တဖၣ်အဃိ အဃိန့ၣ်လီၤ.
Ref: AFP
