လါအီးကထိဘၢၣ်(၂)သီ,၂၀၂၄နံၣ်
အ့ၣ်ယၣ်၀တံၣ်ကီၫ်ခီ,ကီၫ်ဆၣ်တဖၣ်အပူၤ စးထီၣ်ဖဲလါအီးကထိဘၢၣ်(၁)သီအနံၤန့ၣ် တၫ်ကထၢဖးဖီမုၫ်စရီအဃိ ဟံၣ်တဖျၢၣ်စုာ်စုာ် ပှၤလၢကစံးဆၢတၫ်တဂၤအဘၣ်အိၣ်လၢဟံၣ်အဂ့ၫ် ဆှၢန့ၫ်၀ဲလံာ်ဟ့ၣ်ပလီၫ်တဖၣ်လီၤ.
“က၀ီၤဒ့ဟံၣ်(၁၀)ဖျၢၣ်အခိၣ် လူၤနီၤလီၤလံာ်တဖၣ်ဒီးဖဲအ၀ဲသ့ၣ်ဟဲထၢစရီအကတီၫ် လၢဟံၣ်ပှၤဘၣ်အိၣ်တဂၤ လၢကစံးဆၢတၫ်အဂီၫ်၀ံၤ ဟ့ၣ်၀ဲဟံၣ်ကိးဖျၢၣ်ဒဲးလီၤအဂ့ၫ်” ပှၤ၀့ၫ်ပသံၣ်ဖိတဂၤတဲ၀ဲလီၤ.
ဖဲလါစဲးပထ့ဘၢၣ်အသီ(၃၀)အနံၤ လၢကီၫ်ဆၣ်ငပူးတီ,ဒူသ၀ီတဖၣ်အပူၤ ဖဲတၫ်ထၢဖးဖီမုၫ်စရီအကတီၫ် တၫ်သံကွၫ် လၢ ကသံကွၫ်၀ဲတဖၣ် တၫ်ကစံးဆၢဆိအဂီၫ် လူၤဟ့ၣ်နီၤလီၤန့ၫ်၀ဲလံာ်တဖၣ်အဂ့ၫ် လီၫ်က၀ီၤဖိတဖၣ်တဲ၀ဲလီၤ.
ဖဲမဟါ လါအီးကထိဘၢၣ်(၁)သီအနံၤ လၢကီၫ်ခီ,ကီၫ်ဆၣ်တနီၤအပူၤ သုးကီၣ်ကးအသုး,ပၢၤကီၫ်ဒီးဂၢၤကီၫ်သုးတဖၣ် ဟံးန့ၫ်ဃာ်တၫ်ဘံၣ်တၫ်ဘၢ၀ံၤ စးထီၣ်ထၢ၀ဲဖးဖီမုၫ်စရီလံအဂ့ၫ် တၫ်သ့ၣ်ညါဘၣ်လီၤ.
လါအီးကထိဘၢၣ်အပူၤ လၢထံကီၫ်ဒီတဘ့ၣ် သုးကီၣ်ကးပၢဆှၢဃာ်ဟီၣ်က၀ီၤတဖၣ်အပူၤ တၫ်ကထၢဖးဖီမုၫ်စရီအဂီၫ် သုးကီၣ်ကးအပှၤပၢၤလီၫ်ဆ့ၣ်နီၤ နဲၣ်လီၤ၀ဲ၀ံၤ ကရၢလၢကထၢစရီတဖၣ်မ့ၫ်၀ဲ ဒူသ၀ီပၢပြးသးပှၫ်,(လ၀က), ကၠိသရၣ်, သရၣ်မုၣ်တဖၣ်ဒီး က၀ီၤဒ့ပူၤ ပှၤလၢမၤအီၣ်တနံၤဂီၫ်တဖၣ်ပာ်ဃုာ်၀ဲန့ၣ်လီၤ.
