လါစဲးပထ့ဘၢၣ်(၁)သီ,၂၀၂၄နံၣ်
လါစဲးပထ့ဘၢၣ်(၂၄)သီအနံၤ, ကညီဖီၣ်စုက၀ဲၤကရၢတဖၣ် ထံၣ်လိၥ်သးလၢ ကက့ၤအိးထီၣ်ဘၣ် ကၠီၣ်တဲၣ်-ကညီကီၢ်ဆၢ တၢ်ကူလဲၢ်မၤကၤကျဲအရ့ဒိၣ်လၢအမ့ၢ် အ့ရှၢကျဲမုၢ်ဖးဒိၣ်အဂီၢ်အဂ့ၢ် RFA ပၥ်ဖျါဃၣ်၀ဲန့ၣ်လီၤ.
လၢတၢ်ထံၣ်လိၥ်အပူၤ ကညီတၢ်မုၥ်တၢ်ခုၣ်ကီၣ်ကး(KNLA-PC), ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကညီတၢ်ဘၣ်ဘျူးဒံၣ်မိၣ်ခြ့ၣ်စံၣ်သုးမုၢ်ဒိၣ်(DKBA) ဒီး ကညီသုးခိးကီၢ်ဆၢ(BGF)တဖၣ် ဟဲထီၣ်၀ဲအဂ့ၢ် ပၥ်ဖျါဃၣ်၀ဲန့ၣ်လီၤ.
တၢ်ဒုးတဖၣ်သုတကဲထီၣ်သးကဒီးမးဒီး သုးကီၣ်ကးသုးကျိၤသုတဟဲထီၣ်တဂ့ၤမး တၢ်က့ၤအိးထီၣ် အ့ရှၢကျဲမုၢ်ဖးဒိၣ်ကန့ၢ်လီၤအဂ့ၢ် ထၢနုၥ်တၢၣ်ပီၣ်တဲသကိး၀ဲအဂ့ၢ် စံး၀ဲန့ၣ်လီၤ.
“ခ့ၣ်အဲၣ်ယူၣ်တခီ တဲ၀ဲလၢ သုးကီၣ်ကးအသုးကျိၤသုတဟဲထီၣ်တဂ့ၤအဂီၢ်လီၤ. မ့ၢ်ဟဲထီၣ်တခီ တၢ်ဒုးကကဲထီၣ်သးကဒီးလီၤ. တၢ်ဒုးမ့ၢ်ကဲထီၣ်သးတခီ တၢ်ကကးတံၥ်ကျဲမုၢ်တဖၣ်လီၤ” အဂ့ၢ်န့ၣ်လီၤ.
ဘၣ်ထွဲဒီး တၢ်ဂ့ၢ်အံၤအဖီခိၣ် ခ့ၣ်အဲၣ်ယူၣ်-ပှၤဘၣ်မူဘၣ်ဒါတဂၤ တဲ၀ဲလၢ “ကညီဖီၣ်စုက၀ဲၤကရၢတဖၣ် ထံၣ်လိၥ်သးန့ၣ် ကမ့ၢ်ဒၣ်ကညီဖီၣ်စုက၀ဲၤကရၢတဖၣ်အဘၢၣ်စၢၤတၢ်ဘၣ်သဂၢၢ်လိၥ်သးလၢ စုက၀ဲၤသုတအိၣ်လိၤလိၤတဂ့ၤအဂီၢ်လီၤ. တဘၣ်ထွဲဒီး မုၥ်ကျိၤ၀ဲၤကွၢ်ဘၣ်. လီၤဆီဒၣ်တၢ် BGFန့ၣ် သူ၀ဲ ကညီဖီၣ်စုက၀ဲၤကရၢ၀ံၤဒ်သိးဒီးထံဖိကမျၢၢ်ဖိတဖၣ်တၢ်နၥ်န့လီၤသးခ့ၣ်အဲၣ်ယူၣ်အထံရူၢ်ကီၢ်သဲးအတၢ်တူၢ်ခီၣ်ပၥ်သးဒီးထံရူၢ်ကီၢ်သဲးအတၢ်မၤကျဲတဖၣ်သုးတအိၣ်တဂ့ၤအဂီၢ်လီၤ. တၢ်အံၤ မ့ၢ် ဒူၣ်ဒါအတၢ်ကူၣ်တရံးလီၤအဂ့ၢ်” န့ၣ်လီၤ.
တၢ်ဒုးတဖၣ်ကဲထီၣ်သး ခီဖျိလၢသုးကီၣ်ကးအီၣ်စ့ၣ်ယၣ် သုးကျိၤအံၤ ဟဲထီၣ်၀ဲလၢ ရၤမတံ-ကီးတရံးအ့ရှၢကျဲမုၢ်ဖးဒိၣ်တဆီ ဟဲနုၥ်လီၤလၢ ကညီကီၢ်စဲၣ်ပူၤအဃိန့ၣ်လီၤ.
ခ့ၣ်အဲၣ်ယူၣ်-လီၢ်ခၢၣ်သး၀ဲၤလီၢ်ခိၣ်သ့ၣ် ပၥ်ဖျါဃၣ်၀ဲလၢ ဖဲအပူၤကွံၥ် ၂၀၂၃နံၣ်အတီၢ်ပူၤ, ကညီကီၢ်စဲၣ်အပူၤ ခ့ၣ်အဲၣ်ယူၣ်ဒီးသုးကီၣ်ကးအဘၢၣ်စၢၤ တၢ်ဒုးကဲထီၣ်တ့ၢ်၀ဲ အဘျီ(၁)ကလးဘျဲၣ်အဂ့ၢ်န့ၣ်လီၤ.
