လါအီးကထိဘၢၣ်(၁)သီ,၂၀၂၄နံၣ်
ဟံးစဘိၣ်လၣ်ကရၢလၢအိၣ်ဆီလီၤအသး ဖဲကီၫ်လဲးဘနိၣ်, အခိၣ်နၫ်ခံဂၤတဂၤ တဲ၀ဲလၢအိၣ်ကတီၤသးလၢ ကဒုးအံၣ်စရ့၀ံၤ ရဲၤကျဲၤ၀ဲလၢ ကမၤ၀ဲနံၣ်ယံာ်တၫ်ဒုးအဂ့ၫ်န့ၣ်လီၤ.
အံၣ်စရ့တၫ်ဒုးအဃိ Hassan Nasrallah လၢတီခိၣ်ရိၣ်မဲ၀ဲ ဟံးစဘိၣ်လၣ်လၢ နံၣ်ယံာ်အပူၤအံၤဘၣ်သံ၀ံၤအလီၫ်ခံ လၢစှၤသီအတီၫ်ပူၤ ဒ်အဆိကတၢၫ်တဘျီအသိး Naim Qassemန့ၣ် ဘိးဘၣ်ရၤလီၤထုးထီၣ်တဲဖျါ၀ဲလၢ ကွဲၤဟူဖျါအပူၤန့ၣ်လီၤ.ကဃုထၢထီၣ်စ့ၫ်ကီး ဟံးစဘိၣ်လၣ်ခိၣ်နၫ်သီလၢ အဆိအချ့အဂ့ၫ် တဲ၀ဲလီၤ.
ဟါမးစ်ဒီးအံၣ်စရ့အဘၢၣ်စၢၤ လၢယံာ်(၁)နံၣ်ဃၣ်ဃၣ်အတီၫ်ပူၤ တၫ်ဒုးကဲထီၣ်ဖဲကီၫ်ဆၢ၀ံၤ မ့ၫ်တၫ်အဆိကတၢၫ် တဘျီလၢအံၣ်စရ့သုးလဲၤနုာ်လီၤဒုးတၫ်လၢ ကီၫ်လဲးဘနိၣ် ,၀့ၫ်ခိၣ်ဘ့ၣ်ရိးအပူၤန့ၣ်လီၤ.ပၣ်လဲးစတဲတၫ်ထူၣ်ဖျဲးသုး PFLPတခီ တဲ၀ဲလၢတၫ်ဒုးအပူၤ အသုးဖိဘၣ်သံတစှၤန့ၣ်(၃)ဂၤဘၣ်န့ၣ်လီၤ.
အံၣ်စရ့တခီ ဘၣ်ထွဲဒီးတၫ်ဒုးတဘျီအံၤ တတဲဖျါ၀ဲနီတမံၤဘၣ်ဆၣ် တဲ၀ဲလၢပညိၣ်လီၤ ဟံးစဘိၣ်လၣ်၀ံၤ ဒုး၀ဲလၢကလံၤကျါ ဖဲလဲးပနိၣ်ကလံၤထံးဒီးမုၫ်ထီၣ်တကပၤအဂ့ၫ်န့ၣ်လီၤ.
ဖဲလါစဲးပထ့ဘၢၣ်(၂၇)အနံၤ အံၣ်စရ့အတၫ်ခးလီၤတၫ်ဖဲ ၀့ၫ်ဘ့ၣ်ရိးအဃၢၤန့ၣ် ဟံးစဘိၣ်လၣ်အခိၣ်လၢအမ့ၫ် Hassan Nasrallah ဘၣ်သံ၀ဲန့ၣ်လီၤ.တၫ်အံၤ လၢကၣ်စၣ်ဟီၣ်က၀ီၤ ဟါမးစ်ဒီးအံၣ်စရ့အဘၢၣ်စၢၤ တၫ်ဒုးတၫ်ယၤဒီးလီၫ်က၀ီၤတၫ်သဘံၣ်သဘုၣ်တဖၣ် ကလဲၫ်ထီၣ်ဘၣ်ဖုးန့ၣ် တၫ်ဘၣ်ယိၣ်ဘၣ်ဘှီအိၣ်၀ဲန့ၣ်လီၤ.
Ref: VOA
