ကီၢ်ပယီၤထံဖိကမျၢၢ်ဖိ သၢပူတပူလိၣ်ဘၣ် ပှၤဟီၣ်ခိၣ်ဖိတၢ်ဒိသူၣ်ဒိသးတၢ်ဆီၣ်ထွဲမၤစၢၤ

လါစပထ့ဘၢၣ်(၆)သီ, ၂၀၂၄နံၣ်

ကီၢ်ပယီၤပူၤစုက၀ဲၤတၢ်သဘံၣ်သဘူၣ်တဖၣ် ဟဲဆူၣ်ထီၣ်တပယူၢ်ဃီ ကီၢ်ပယီၤထံဖိကမျၢၢ်ဖိ သၢပူတပူလိၣ်ဘၣ် ပှၤဟီၣ်ခိၣ်ဖိတၢ်ဒိသူၣ်ဒိသးတၢ်ဆီၣ်ထွဲမၤစၢၤတဖၣ်အဂ့ၢ် ဘီမုၢ်စၢဖှိၣ်ကရၢ စံး၀ဲန့ၣ်လီၤ.

စးထီၣ်လၢအပူၤကွံၥ် လါယူၤလံဒီး, (၁)နံၣ်အတီၢ်ပူၤ ဘၣ်ထွဲဒီးကီၢ်ပယီၤပှၤဂ့ၢ်၀ီခွဲးယၥ်အဖီခိၣ် ဘီမုၢ်စၢဖှိၣ်ကရၢ အလံၥ်ဘိးဘၣ်ရၤလီၤအပူၤ ဟ့ၣ်ပလီၢ်ဃၣ်၀ဲ ဒ်အံၤန့ၣ်လီၤ.

တၢ်သဘံၣ်သဘူၣ်တဖၣ်လၢ မၤအၢထီၣ်ထံကီၢ်ပူၤ တၢ်ဘၣ်သုးလီၢ်သုးကျဲအိၣ်ဆိးတဖၣ်ဒီး တၢ်အီၣ်တၢ်အီတၢ်ဘံၣ်တၢ်ဘၢတအိၣ်တဖၣ်အဃိ ပှၤဟီၣ်ခိၣ်ဖိတၢ်ဒိသူၣ်ဒိသးတၢ်ဆီၣ်ထွဲမၤစၢၤ တၢ်လိၣ်ဘၣ်စ့ၢ်ကီး ဟဲဒိၣ်ထီၣ်၀ဲအဂ့ၢ် စံး၀ဲန့ၣ်လီၤ.

ကီၢ်ပယီၤပှၤနီၣ်ဂံၢ်သၢပူတပူၤ (မ့တမ့ၢ်)ကမျၢၢ်(၁၈.၆)ကကွဲၢ်လိၣ်ဘၣ်ပှၤဟီၣ်ခိၣ်ဖိတၢ်ဒိသူၣ်ဒိသးတၢ်ဆီၣ်ထွဲမၤစၢၤ၀ံၤ ဖဲန့ၣ်အကျါ ပှၤ(၅.၃)ကကွဲၢ် လိၣ်ဘၣ်ဂ့ၢ်ဂီၤအူတၢ်ဆီၣ်ထွဲမၤစၢၤတဖၣ်အဂ့ၢ် ဘီမုၢ်စၢဖှိၣ်ကရၢ ပၥ်ဖျါဃၣ်၀ဲဖဲ အလံၥ်ပၥ်ဖျါအပူၤန့ၣ်လီၤ.

တၢ်ကဘှါရှဲ တၢ်ဃံးတၢ်စ့ၢ်တဖၣ်အဂီၢ် ကီၢ်ပယီၤပူၤ စ့ပၤကီၤတလၢတလီၢ်ဘၣ်ဒီး ဂ့ၢ်ဂီၤအူတၢ်ပၢဆှၢရဲၣ်ကျဲၤတဖၣ်တၢ်ဂ့ၢ်ကီအိၣ်အဃိ ဘီမုၢ်စၢဖှိၣ်ကရၢ ဆီၣ်တခုထီၣ်ဃၣ်၀ဲ  ထံဂုၤကီၢ်ဂၤထံကီၢ်တဖၣ်လၢ ကဆီၣ်ထွဲမၤစၢၤဘၣ် ပှၤဟီၣ်ခိၣ်ဖိတၢ်ဒိသူၣ်ဒိသးတၢ်ဆီၣ်ထွဲမၤစၢၤတဖၣ်အဂီၢ်န့ၣ်  လီၤ .

လၢကတီၢ်ခဲအံၤ ယိၤဒိၣ်ကီၢ်စဲၣ်, ကခၠ့ၣ်ကီၢ်စဲၣ်ဒီး ရၢၢ်ခၢၣ်ကီၢ်စဲၣ်ပၥ်ဃုၥ် ထံကီၢ်ဒီတဘ့ၣ်လီၢ်က၀ီၤတဖၣ်အပူၤ  တၢ်ဒုးတဖၣ်ဆူၣ်ထီၣ်၀ဲလၢ ကလုၥ်ဒူၣ်ပှၤဖီၣ်စုက၀ဲၤကရၢတဖၣ်, လီၢ်က၀ီၤပှၤဖီၣ်စုက၀ဲၤကရၢတဖၣ် ဒီး သုးကီၣ်ကးအဘၢၣ်စၢၤန့ၣ်လီၤ.

Ref: NHK