လါစဲးပထ့ဘၢၣ်(၃)သီ,၂၀၂၄နံၣ်
ပိာ်ခွါသးစၫ်သးနံၣ်ပှဲၤလၢကဘၣ်ကဲသုးတဖၣ် လၢ၀့ၫ်ကီးသီတဆီဆူကီၫ်ကၠီၣ်တဲၣ်,၀့ၫ်ယနီကီၫ်ဆၢတၫ်ခီထီၣ်ခီလီၤ တစိၤတလီၫ်လံာ်ဖီတဲာ်(TBP) ဘၣ်တၫ်ကးတံာ်ကွံာ်၀ဲအဂ့ၫ် ပှၤ၀့ၫ်ဖိဖဲန့ၣ်တဖၣ်တဲ၀ဲလီၤ.
သးနံၣ်(၁၈)နံၣ်တုၤ(၃၅)နံၣ် အတီၫ်ပူၤ ပိာ်ခွါတဖၣ်ဟးထီၣ်ဟးလီၤ ခီဖျိတၫ်ခီကီၫ်တစိၤတလီၫ်လံာ်ဖီတဲာ်(TBP)လၢသးသမူအိၣ်(၇)သီအံၤ စးထီၣ်ဖဲလါစဲးပထ့ဘၢၣ်(၂)သီနံၤ ကီးသီကီၫ်ဆၢ သုးကီၣ်ကးအစုတီၤဖီလာ်၀ဲၤကျိၤတဖၣ် ကးတံာ်ကွံာ်၀ဲန့ၣ်လီၤ.
လၢကတီၫ်အံၤ ပှၤလၢလဲၤထီၣ်က့ၤလီၤလၢ တၫ်ခီကီၫ်ဆၢတစိၤတလီၫ်လံာ်ပျဲက့တဖၣ် တၫ်ကးတံာ်ဃး၀ံၤ ပှၤလၢလဲၤခီဖျိလၢ(၁၄)သီ Boder Passလံာ်တဖၣ်တခီ တၫ်ပျဲလဲၤထီၣ်က့ၤလီၤအဂ့ၫ် ကီးသီလီၫ်က၀ီၤဖိတဂၤတဲ၀ဲလီၤ.
“ကးတံာ်ဃးပိာ်ခွါတဖၣ်လီၤ.မ့မ့ၫ်ပိာ်မုၣ်န့ၣ်န့ၫ်ဒံးလီၤ.လဲၤလၢ(TBP)တန့ၫ်လၢၤဘၣ်.မ့မ့ၫ်လၢ(၁၄)သီလံာ်အလုးဒုန့ၫ်၀ဲအဂ့ၫ်တဲ၀ဲလီၤ.
ကီးသီလံာ်စံးတၫ်န့ၣ် မ့ၫ်တၫ်ထုးထီၣ်န့ၫ်၀ဲကီသီလီၫ်က၀ီၤဖိတဖၣ် Border Pass(ထံကီၫ်ခံဘ့ၣ် အၢၣ်လီၤတူၫ်လိာ် တၫ်ခီဂာ်ကီၫ်ဆၢတၫ်ပျဲ)လံာ်အလုး,ပှၤလၢဖီၣ်ဃာ်၀ဲတဖၣ် တၫ်တြီဃာ်အ၀ဲသ့ၣ်တအိၣ်ဒံးဘၣ်.
တၫ်မ့ၫ်မၤBorder Pass လံာ်န့ၣ် လၢဖိးသဲစး ကဘၣ်အိၣ်ဒီး ကီးသီဟံၣ်ဖိဃီဖိအဒူၣ်,ခိၣ်ဂီၤဒီး UIDစမးကးတဖၣ်အဂ့ၫ် တၫ်သ့ၣ်ညါဘၣ်လီၤ.
ကီးသီပိာ်မုၣ်တဂၤတဲ၀ဲလၢ တၫ်ခီကီၫ်ဆၢတစိၤတလီၫ်လံာ်ပျဲက့န့ၣ် တၫ်ကးတံာ်ကွံာ်ထဲပိာ်ခွါလီၤ.တၫ်တမၤန့ၫ်ပိာ်ခွါ (TBP)လၢၤဘၣ်.ပှၤဟးလၢ(၁၄)သီ,ကီသီလံာ်ဒုန့ၫ်၀ဲအဂ့ၫ်တဲ၀ဲလီၤ.
ပှၤလၢသးနံၣ်ပှဲၤလၢကဘၣ်ကဲသုး လၢကလဲၤဆူထံဂုၤကီၫ်ဂၤတဖၣ် ခီဖျိလၢကဘီယူၤပျီတဆီ သုးကီၣ်ကး တဟ့ၣ်တၫ်ပျဲလၢကဟးထီၣ်ဒီးပျၫ်က့ၤကွံာ်၀ဲအကတီၫ် လၢကတီၫ်အံၤ ကီၫ်ဆၢတြဲၤတဖၣ်စ့ၫ်ကီး တၫ်ကး တံာ်ကွံာ်၀ဲဒ်သိးအံၤန့ၣ်လီၤ.
Ref: Dawei Watch