လါစပထ့ဘၢၣ်(၃)သီ,၂၀၂၄နံၣ်
သုးကီၣ်ကးအံၤ ဘိးဘၣ်ရၤလီၤ၀ဲ သိၣ်မှံကရၢ(၃)လၢအမ့ၢ် ရၢၢ်ခၢၣ်သုးမုၢ်ဒိၣ်(AA), ကီၢ်ပယီၤဒီကလုၥ်ဒံၣ်မိၣ်ကရဲးတံးသုးမုၢ်ဒိၣ်(MNDAA)ဒီး တအီဒီကလုၥ်တၢ်ထူၣ်ဖျဲးသုးမုၢ်ဒိၣ်(TNLA)တဖၣ် ဒ်ပှၤမၤတၢ်စုဆူၣ်ခီၣ်တကးကရူၢ် ဖဲလါစပထ့ဘၢၣ်(၂)သီအနံၤ, ဟါလီၤခီအဆၢကတီၢ် လၢမၠး၀တံၣ်ကွဲၤဟူဖျါတဆီန့ၣ်လီၤ.
ဖဲအပူၤကွံၥ် ၂၀၂၀နံၣ်, လါမးရှးအတီၢ်ပူၤစ့ၢ်ကီးန့ၣ် သုးကီၣ်ကးဘိးဘၣ်ရၤလီၤ၀ဲ AAဒ်ပှၤမၤတၢ်စုဆူၣ်ခီၣ်တကးကရူၢ်အသိး၀ံၤ သုးဟံးန့ၢ်ဆူၣ်ထံကီၢ်တၢ်စိတၢ်ကမီၤ၀ံၤအလီၢ်ခံ ၂၀၂၁နံၣ်, လါမးရှးန့ၣ် က့ၤထုးကွံၥ်အီၤန့ၣ်လီၤ.
လၢလံၥ်ဘိးဘၣ်ရၤလီၤအပူၤ သိၣ်မှံကရၢသၢဖုတခီ အိၣ်သူၣ်လီၤလၢထံကီၢ်ပူၤဒီး က့ၤထီဒါမၤတၢ်စုဆူၣ်ခီၣ်တကးထံကီၢ်အဂ့ၢ် သုးကီၣ်ကးပဲၥ်အၢပဲၥ်သီ၀ဲန့ၣ်လီၤ.
လၢန့ၣ်အမဲၥ်ညါ သုးကီၣ်ကးလီၢ်ခၢၣ်သးအတၢ်ဒုးလီၤပှီၢ်တၢ်မပျီၢ်မၤဂီၤကရၢ အဘိးဘၣ်ရၤလီၤလံၥ်တၢ်ကလုၢ်အံၤန့ၣ် တၢ်ဘိးဘၣ်ရၤလီၤအီၤလၢ သုးမီၤစိရိၤအခိၣ် မ့အီၣ်လဲတီခီၣ်ရိၣ်မဲ ပဒိၣ်ကရၢအတၢ်အၢၣ်လီၤအဖီခိၣ်အဂ့ၢ် စံး၀ဲန့ၣ်လီၤ.
ကတီၢ်ခဲအံၤ သိၣ်မှံကရၢ(၃)ဖု အဒုးယၤရဲၣ်ကျဲၤလၢအမ့ၢ် ၁၀၂၇ဒုးယၤရဲၣ်ကျဲၤအသိး ယိၤဒိၣ်ကီၢ်စဲၣ်ကလံၤစိးဒီးရၢၢ်ခၢၣ်ကီၢ်စဲၣ်တဖၣ်အပူၤ ခံခီခံကပၤတၢ်ဒုးတဖၣ်ဆူၣ်ထီၣ်၀ဲ၀ံၤ တၢ်ထီၣ်ဒုးမၤန့ၢ်ဃၣ်၀ဲ သုးကီၣ်ကး၀့ၢ်တဖၣ်ဒီး သုးကလၢၤတဖၣ်အါအါဂီၢ်ဂီၢ်န့ၣ်လီၤ.
Ref: Mizzima
