လါစဲးပထ့ဘၢၣ်(၂)သီ,၂၀၂၄နံၣ်
အ့ၣ်ယၣ်၀တံၣ်ကီၫ်ခီပူၤ မးပဲလၢဟးထီၣ်တဖၣ် တၫ်တီၣ်ဆှၢအီၤလၢကီၫ်ချၢ တၫ်ပာ်ပနီၣ်ဃာ်အဒူၣ်အဆၢအဃိ ပှၤလၢသူၣ်တၫ်တဖၣ်,ပှၤကူၣ်လဲၤမၤကၤတၫ် တၫ်မၤကစၫ်တဖၣ် တၫ်ကီတၫ်ခဲအိၣ်ထီၣ်အဂ့ၫ် တၫ်သ့ၣ်ညါဘၣ်လီၤ.
မးပဲလၢအိၣ်ဟးထီၣ်ဖဲအ့ၣ်ယၣ်၀တံၣ်ကီၫ်ခီတဖၣ် အပူၤကွံာ် တၫ်တီၣ်ဆှၢဆါအီၤဆူ ကီၫ်ကၠီၣ်တဲၣ်,ကီၣ်စ့ၣ်ကဖူၣ်, ကီၫ်တရူးဒီးကီၫ်အ့ဒံယါတဖၣ်အိၣ် လၢတအိၣ်ဒီးတၫ်ပာ်ပနီၣ်၀ံၤ လၢကတီၫ်အံၤ ထံရူၫ်ကီၫ်သဲးတၫ်ဃံးတၫ်စ့ၤတဖၣ် အဃိ ထံကီၫ်လၢတီၣ်ဆှၢဆါညီနုၫ်၀ဲအအိၣ် တီၣ်ဆှၢ၀ဲတန့ၫ်လၢလၢပှဲၤပှဲၤဒံးဘၣ်ဒီး ဘၣ်ဆှၢ၀ဲထဲတရူးကီၫ်တဘ့ၣ်လီၤ လၢတၫ်ပာ်ပနီၣ်ဃာ်အပူၤအဃိ တဒိးန့ၫ်ဘၣ်၀ဲအပှ့ၤကလံၤဂ့ၤဂ့ၤဘၣ်ဒီးထံၣ်ဘၣ်တၫ်ကီတၫ်ခဲလီၤ.
၀့ၫ်ပသံၣ် ပှၤကူၣ်လဲၤမၤကၤ မးပဲတၫ်မၤကစၫ်တဂၤတဲ၀ဲလၢ “မးပဲတဖၣ် အပူၤကွံာ်နံၣ်န့ၣ် တၫ်ဘၣ်ပာ်ဂံၫ်ပာ်ဘါ၀ဲ ကီၫ်ချၢတၫ်ဆါတၫ်ပှ့ၤန့ၣ်လီၤ.ခိၣ်ဘံးဒီးထံရူၫ်ကီၫ်သဲး တၫ်ဆီတလဲတဖၣ်အဃိ (၃)နံၣ်ဘျဲၣ်ထီၣ်အကတီၫ် တၫ်က့ၤမၤ ဘျးစဲဃုာ်တၫ်ဒီးထံဂုၤကီၫ်ဂၤတဖၣ်တန့ၫ်ဒံးဘၣ်.တၫ်ဖံးတၫ်မၤတဖၣ် တလဲၤတရံးသးဘၣ်ဘျီးဘၣ်ဒါဒံးဘၣ် .ကီၫ်ချၢ တၫ်ကူၣ်လဲၤမၤကၤန့ၣ် တၫ်ဘၣ်ဒိးသန့ၤထီၣ်သး ထဲတရူးကီၫ်တဘ့ၣ်ဧိၤအဃိ တၫ်ဖံးတၫ်မၤကအိၣ်ယံာ်အိၣ်ကၢအဂီၫ် ကီခဲထီၣ်၀ဲလီၤ.တၫ်ဘၣ်ထုးထီၣ်နီၫ်ကစၫ်စ့၀ံၤမၤန့ၫ် တူၫ်၀ဲတန့ၫ်လၢၤဘၣ်.ထံၣ်ဘၣ်ထဲတၫ်ဆံး လီၤစှၤလီၤအဂ့ၫ်”တဲ ၀ဲလီၤ.
တၫ်ဘၣ်ပာ်ဂံၫ်ပာ်ဘါဒၣ်ထဲ တရူးကီၫ်တဘ့ၣ်ဧိၤလီၤအဃိ အပူၤကွံာ် မးပဲ(၁၆) သလီး,တထၢၣ်န့ၣ်လီၤလၢကၠး (၁၃၅,၀၀၀)တုၤ(၁၅၅,၀၀၀)၀ံၤ လၢကတီၫ်အံၤ မးပဲ(၁၆)သလီး,တထၢၣ်န့ၣ် အိၣ်တ့ၫ်ဒၣ်ဖဲ ၉၈,၀၀၀ကၠးတုၤ ၁၀,၅၀၀၀ ကၠးလီၤအဃိ တၫ်မ့ၫ်ထိၣ်သတြီၤကွၫ်ဒီး တၫ်လၢာ်ဘူၣ်လၢာ်စ့ၤတဖၣ်န့ၣ် အိၣ်ဒၣ်ထဲတၫ်လီၤဆံးလီၤစှၤတဖၣ်လီၤအဂ့ၫ် တၫ်သ့ၣ်ညါဘၣ်လီၤ.
အ့ၣ်ယၣ်၀တံၣ်ကီၫ်ခီ သူၣ်ဖျးတၫ်ဖံးတၫ်မၤအပူၤ ဘုမ့ၫ်၀ံၤန့ၣ် သူၣ်၀ဲပဲတဖၣ်၀ံၤ မ့မ့ၫ်မးပဲတဖၣ်တခီ ဘၣ်တၫ်သူၣ် အီၤဖဲ ၀ါခဲၣ်မး,အ့ၣ်မဲ,မၠီးမၠး,ဟီကတး,ယ့ၣ်ကၠံၣ်,ကၠိၣ်ပၠီၣ် ,ကၠိကိ,လးပိးတၣ်,မီၣ်လမၠဲၣ်ကၠိ,ကၠ့းလး(ကျိုက်လတ်), ဒ့ဒယဲ(ဒေးဒရဲ),ပါတနီၣ်,အ့ၣ်ကပူၣ်(အင်္ဂပူ),သၣ်ပီ(သာပေါင်း),ငပူးတီတၫ်လီၫ်တဖၣ်၀ံၤ ပှၤသူၣ်တၫ်ဖိတဖၣ် သူၣ်၀ဲဖဲတၫ်ကိၫ်ဒီးတၫ်ဂိၫ်လါတဖၣ်အဂ့ၫ် တၫ်သ့ၣ်ညါဘၣ်လီၤ.
တၫ်မၤကစၫ်လၢ ကူၣ်လဲၤမၤကၤပဲအကလုာ်ကလုာ်တဖၣ် မ့ၫ်ပတုာ်ကွံာ်အတၫ်ဖံးတၫ်မၤန့ၣ် ပှၤမၤတၫ်ဖိတဖၣ်လၢ ဘၣ်ဒိးသန့ၤထီၣ်အသးလၢတၫ်မၤအံၤအဖီခိၣ် ထံၣ်ဘၣ်တၫ်ကီတၫ်ခဲသ့၀ဲန့ၣ်လီၤ.
Ref: DVB
