လါအီကူး(၂၆)သီ,၂၀၂၄နံၣ်
မူခိၣ်စူၤဒိၣ်ဒီးထံကျိထံဒိၣ်နိယွၤလၢ ကီၢ်ဘ့ကလါဒ့ရှ်အဃိ ပှၤသံ၀ဲ(၂၀)ဂၤ ဒီးပှၤ(၅.၂)ကကွဲၢ်ဘျဲၣ် ဘၣ်ကွၢ်ဆၢၣ်မဲၥ်ဘၣ်ထံတၢ်လီၤဘၣ်ယိၣ်အဂ့ၢ် ပှၤဘၣ်မူဘၣ်ဒါတဖၣ် တဲ၀ဲန့ၣ်လီၤ.
ခီဖျိလၢထံဒိၣ်နိယွၤအဃိတၢ်ဘၣ်အိးထီၣ်ဃၣ်၀ဲတၢ်မၤပူၤဖျဲးဒဲက၀ီၤတဖၣ်ဒီးလိၢ်ဘၣ်၀ဲဂ့ၢ်ဂီၤအူတၢ်မၤစၢၤတဖၣ်လၢအမ့ၢ် တၢ်အီၣ်တၢ်အီ, ကသံၣ်ကသီဒီးတၢ်ကူတၢ်ကၤတဖၣ်၀ံၤ လီၤဆီဒၣ်တၢ် ကီၢ်ရ့ၣ်အါဘ့ၣ်အပူၤ ကျဲတၢ်ဆဲကျိးဆဲကျဲကီခဲ၀ဲအဃိ တၢ်ကမၤစၢၤအီၤအဂီၢ် ကီခဲ၀ဲန့ၣ်လီၤ.
ပဒိၣ်ဒီးပှၤနီၢ်တဂၤတၢ်ကရၢကရိတဖၣ်ပၥ်ဖှိၣ်ထီၣ်၀ံၤ ကမၤစၢၤဘၣ်ပှၤကွၢ်ဆၢၣ်မဲၥ်ဘၣ်ထံတၢ်လီၤဘၣ်ယိၣ်အဂီၢ်ဒီး တၢ်အိၣ်သးတဖၣ်ကဘၣ်လီၢ်ဘၣ်စးက့ၤအဂီၢ် ပဒိၣ်တခီ ရဲၣ်ကျဲၤပၥ်လီၤဃၣ်၀ဲ တၢ်တိၥ်ကျၢၤတဖၣ်အဂ့ၢ် ကီၢ်ဘ့ကလါဒ့းရှ် ပဒိၣ်ပတြီၤခိၣ်နၢ် ယူၢ်နိး တဲ၀ဲန့ၣ်လီၤ.
ကီၢ်ဘ့ကလါရှ်ထံဖိကမျၢၢ်ဖိတဖၣ်တခီ ပဲၥ်အၢပဲၥ်သီ၀ဲလၢ ခီဖျိလၢကီၢ်အ့ဒံယါပဒိၣ် ပျၢ်လီၤကွံၥ်ထံလၢထံတမၢၣ်အပူၤအဃိ ထံဒိၣ်နိယွၤ၀ဲအဂ့ၢ်ဘၣ်ဆၣ် မ့မ့ၢ်ကီၢ်အ့ဒံယါတခီ ဂ့ၢ်လိၥ်ဃၣ်၀ဲန့ၣ်လီၤ.
တၢ်ကဒီသဒၢဘၣ် ခါဆူမဲၥ်ညါထံဒိၣ်နိယွၤတၢ်လီၤဘၣ်ယိၣ်အဂီၢ် တၢ်စးထီၣ်မၤ၀ဲတၢ်တၢၣ်ပီၣ်တဲသကိးတဖၣ်ဒီး ထံကီၢ်လၢအိၣ်ဘူးလိၥ်သးတဖၣ်အဂ့ၢ် ယူၢ်နိးတဲ၀ဲန့ၣ်လီၤ. မူခိၣ်မ့ၢ်စူၤကဒီး၀ဲအဖၢမုၢ်န့ၣ် ထံဒိၣ်နိယွၤတဖၣ်ဆဲးကဲထီၣ်သးသ့၀ဲအဂ့ၢ် ကီၢ်ဘ့ကလါဒ့းရှ် မူခိၣ်ကလ့ၤသီၣ်ဂီၤ၀ဲၤကျိၤ ဟ့ၣ်ပလီၢ်ဃၣ်၀ဲန့ၣ်လီၤ.
Ref: Reuters
