လါအီကူး(၂၇)သီ,၂၀၂၄နံၣ်
စးထီၣ်ဖဲလါယူၤလံ(၁၉)သီအနံၤတုၤလါအီကူး(၂၅)သီအနံၤ သုးကီၣ်ကးဟဲခးလီၤတၢ်လၢကလံကျါဒီးခးလီၤကျိဖးဒိၣ် ဖဲယိၤဒိၣ်ကီၢ်စဲၣ်ကလံၤစိး, သံၣ်ပီကီၢ်ဆၣ်ပူၤအဃိ လီၢ်က၀ီၤကမျၢၢ်(၁၉)ဂၤသံ၀ဲ၀ံၤ (၁၉)ဂၤဘၣ်ဒိ၀ဲအဂ့ၢ် ယိၤဒိၣ်ပှၤဂ့ၢ်၀ီခွဲးယၥ်ကရၢ ထုးထီၣ်ပၥ်ဖျါဃၣ်၀ဲန့ၣ်လီၤ.
စးထီၣ်ဖဲလါယူၤလံတ၀ၣ်န့ၣ် ကီၢ်ပယီၤဒီကလုၥ်ဒံၣ်မိၣ်ကရဲးတံးသိၣ်မှံသုးမုၢ်ဒိၣ်(MNDAA)ဒီးသုးပၥ်ဖှိၣ်တဖၣ် ပၢဆှၢ၀ဲသံၣ်ပီ-မဲယဲၣ်(မိုင်းရယ်)ကျဲမုၢ်၀ံၤအလီၢ်ခံတၢ်ဒုးတဖၣ်ဆဲးကဲထီၣ်သး၀ဲဒီးသုးကီၣ်ကးတပၤဟဲခးလီၤတၢ်လၢကလံၤကျါဒီးခးလီၤကျိဖးဒိၣ် ဆူကမျၢၢ်အိၣ်တၢ်လီၢ်တဖၣ်အဂ့ၢ်စံး၀ဲန့ၣ်လီၤ.
သုးကီၣ်ကးတပၤဟဲခးလီၤတၢ်လၢကလံကျါဒီးခးလီၤကျိဖးဒိၣ်တဖၣ်ဆူ သံၣ်ပီကီၢ်ဆၣ်အပူၤ ဆီကၠဲ(ဆောင်းကြဲ),နီၢ်ကီၢ်ကၠံ(နောင်ကော်ကြီး), ပါမ့း(ပန်မိတ်)ပၥ်ဃုၥ် သ၀ီ(၁၉)ဖျၢၣ်အပူၤဒီး ခးလီၤ၀ဲစ့ၢ်ကီးလၢ တၢ်ဘူၣ်တၢ်ဘါတၢ်သူၣ်ထီၣ်တဖၣ်, သံၣ်ပီ၀့ၢ်ပူၤ, လ့ၣ်မ့ၣ်အူကျဲတဖၣ် ဒီးက၀ီၤဒ့ပူၤတဖၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
တကးဒံးဘၣ် သီခါဖၠၣ်, တၢ်သိၣ်လိကၠိ, တၢ်ဆါတၢ်ပှ့ၤကျး ဒီးဟံၣ်ဃီ(၁၀၀)ဘျဲၣ်ဟးဂီၤကွံၥ်၀ဲအသိး ဖဲလၢလါအီကူး(၁၄,၁၅ဒီး၁၉)သီအနံၤစ့ၢ်ကီး သုးကီၣ်ကးဟဲခးလီၤတၢ်လၢကလံၤကျါဖဲ နါလွဲၢ်(နားလွယ်),ကၠီစုး(ကျောင်းစု)သ၀ီလၢအဘူးဒီးတရူးရ့ၣ်နီၣ်ဒီးန့ဆၢၣ်ဂၥ်သ၀ံပီၤဘိအကျိၤအဃိ တရူးရ့ၣ်နီၣ်ဒီးန့ဆၢၣ်ဂၥ်သ၀ံပီၤကျိၤသူဆဲးဖီၣ်ကဟၣ်သိတၢ်ပၥ်ကီၤလီၢ်တဖၣ် မ့ၣ်အူအီၣ်ဟးဂီၤကွံၥ်၀ဲအဂ့ၢ် ပၥ်ဖျါဃၣ်၀ဲန့ၣ်လီၤ.
သံၣ်ပီကီၢ်ဆၣ်အပူၤ သုးကီၣ်ကးအသုး မုၢ်ထီၣ်ကလံၤစိးသုး၀ဲၤလီၢ်ခိၣ်သ့ၣ်(ရမခ)အစုတီၤဖီလၥ် (ခလရ-၁၄၇), (ခလရ-၂၃),နီၣ်ဂံၢ်(၁)သုးဂ့ၢ်၀ီတၢ်နဲၣ်လီၤ၀ဲၤလီၢ်ခိၣ်သ့ၣ်(စကခ-၁)အစုတီၤဖီလၥ် (ခမရ-၅၀၃), (ခမရ-၅၀၄)သုးရ့ၣ်တဖၣ် အိၣ်ဆီလီၤပၥ်သးန့ၣ်လီၤ.
