လါအီကူး(၂၂)သီ,၂၀၂၄နံၣ်
ကီၫ်ကၠီၣ်တဲၣ်ပူၤ တၫ်စးထီၣ်ထံၣ်န့ၫ်၀ဲ တၤအုးလၢၫ်တၫ်ဆါ ကလုာ်လီၤဆီအသီ ဘၣ်ကူဘၣ်ဂာ်ပှၤဆါလၢ(တလီၤတံၫ်)တဂၤအဂ့ၫ် ကၠီၣ်တဲၣ်ဘၣ်မူဘၣ်ဒါတဖၣ် ဘိးဘၣ်ရၤလီၤ၀ဲလီၤ.
တၤအုးလၢၫ်တၫ်ဆါလၢဘၣ်ကူဘၣ်ဂာ်ဆူၣ်ထီၣ်လၢ အၣ်ဖရံးကၣ်ဟီၣ်က၀ီၤအံၤ ဟီၣ်ခိၣ်ဒီဖျၢၣ်ဆူၣ်ချ့ကရၢ ဟ့ၣ်ပလီၫ်ဘိးဘၣ်ရၤလီၤ၀ဲ ဒ်ထံဂုၤကီၫ်ဂၤဆူၣ်ချ့ဂ့ၫ်ဂီၫ်အူတၫ်အိၣ်သးအသိး၀ံၤ လၢကတီၫ်အံၤ အၣ်ဖရံးကၣ်အချၢ ထံကီၫ် တနီၤအပူၤတၫ်ဘၣ်ကူဘၣ်ဂာ်အိၣ်၀ဲန့ၣ်လီၤ.
အ့ရှၢၣ်ဟီၣ်က၀ီၤအပူၤတခီ ကီၫ်ပၣ်ကံၣ်စတၣ်ဒီးကီၫ်ပံးလံးပံးတဖၣ် တၫ်ဘၣ်ကူဘၣ်ဂာ်တၫ်အိၣ်အသိး ကၠီၣ်တဲၣ်ကီၫ်ပူၤတခီ တၫ်စးထီၣ်ထံၣ်န့ၫ်၀ဲ တၤအုးလၢၫ်တၫ်ဆါ ကလုာ်လီၤဆီအသီ ဘၣ်ကူဘၣ်ဂာ်ပှၤဆါ(တလီၤတံၫ်) တဂၤန့ၣ် လီၤ.
ပှၤဆါလၢတလီၤတံၫ်တဂၤအံၤ အိၣ်ဟဲက့ၤလၢအၣ်ဖရံးကၣ်ထံကီၫ်တဘ့ၣ်ဆူ ကီၫ်ကၠီၣ်တဲၣ်ပူၤ မ့ၫ်ပှၤယူၤရပၤဖိတဂၤအဂ့ၫ် ကီၫ်ကၠီၣ်တဲၣ်တၫ်ပၢဆှၢရဲၣ်ကျဲၤ တၫ်ဆါဒီးတၫ်ဒီသဒၢတြီဆၢ၀ဲၤကျိၤတဲ၀ဲလီၤ.
တၫ်ဆါဃၣ်ကလုာ်လီၤဆီအံၤ မ့ၫ်တၫ်ဆါဃၣ်လၢတၫ်ဘၣ်ယိၣ်အိၣ်,တအိၣ်တၫ်အိၣ်ခိးကွၫ်၀ဲ တၫ်မၤကွၫ်ဒၢးအစၢအဂ့ၫ် ပှၤဘၣ်မူဘၣ်ဒါတဖၣ်တဲ၀ဲလီၤ.တၫ်ဆါဃၣ်ကလုာ်လီၤဆီအံၤ တမ့ၫ်Clade 2အကလုာ်ဘၣ်အဂ့ၫ် တဲ၀ဲလီၤ.
လၢကတီၫ်အံၤ တၤအုးလၢၫ်တၫ်ဆါန့ၣ် ဘၣ်ကူဘၣ်ဂာ်တၫ်ဆူၣ်ထီၣ်လၢ အၣ်ဖရံးကၣ်ဟီၣ်က၀ီၤ ကိၣ်ကိၣ်(ကွန်ဂို), ဘူၣ်ရိၣ်ဒံၣ်(ဘူရွန်ဒီ),က့ၣ်ညၣ်(ကင်ညာ),ရ၀ၣ်ဒၣ်(ရဝမ်ဒါ),ယူၣ်ကၣ်ဒၣ်(ယူဂန်ဒါ)တဖၣ်အပူၤ၀ံၤ ပှၤ(၁၀၀)အကျါ ဘၣ်သံ၀ဲ(၄)ဂၤန့ၣ်လီၤ.
Ref:CNA
