လါအီကူး(၁၄)သီ,၂၀၂၄နံၣ်
ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ, ကီၫ်သူလ့ၤတၫ်ပၢဟီၣ်က၀ီၤ,ချၢၣ်လွံၫ်ထူၣ်ကီၫ်ရ့ၣ်,ကီၫ်ဆၣ်တဖၣ်, သုးရ့ၣ်တဖၣ်ဒီးလၢသ၀ီတဖၣ်အပူၤ ဖဲ၂၀၂၄နံၣ်,လါအီကူး(၁၂)သီနံၤ လၢလီၤဘၣ်(၇၄)၀ီတ၀ီ ကညီမၤထူရၤမုၫ်နံၤတၫ်ရဲၣ်တၫ်ကျဲၤန့ၣ် မၤလၤကပီၤသကိး၀ဲလီၤ.
ချၢၣ်လွံၫ်ထူၣ်ကီၫ်ရ့ၣ်၀ဲၤလီၫ်ခိၣ်သ့ၣ် တၫ်မၤလၤမၤကပီၤကညီမၤထူရၤတၫ်ရဲၣ်တၫ်ကျဲၤမူးအပူၤ ပှၤပၢၤလီၫ်ဆ့ၣ်နီၤ ကီၫ်ရ့ၣ်ခိၣ်ပဒိၣ်စီၤအဲၣ်ကလုာ်သ့,ပှၤကယၢကယဲမူး ပဒိၣ်စီၤလါဖိ,ကီၫ်ရ့ၣ်ခၢၣ်စး ပှၤကတိၤဟ့ၣ်ဂံၫ်ဟ့ၣ်ဘါတၫ် နဲၣ်ရွဲၣ်သဃဲၤပဒိၣ်စီၤနဲထူဘၠဲ, ကီၫ်ရ့ၣ်ခိၣ်လီၫ်လံၤပဒိၣ်စီၤထူဖီ, ကညီဒီကလုာ်ပၢၤကီၫ်ဒီးသးစၫ်တဖၣ်ဒီးကီၫ်ရ့ၣ်သးစၫ်တဖၣ် ဖးဖျါထီၣ်သကိးလံာ်ဟ့ၣ်ယုာ်တဖၣ်န့ၣ်လီၤ.
တၫ်ရဲၣ်တၫ်ကျဲၤအပူၤ ကညီဒီကလုာ်တၫ်သး၀ံၣ်,ခိၣ်နၫ်လၢဟ့ၣ်လီၤတ့ၫ်သးသမူ, သုးမုၫ်သံၣ်ဘိဒီးဟ့ၣ်တၫ်ယူးယီၣ် ကမျၢၢၫ်ဒီးကညီပိာ်မုၣ်ကရၢတကပၤ ဟ့ၣ်မၤလၤမၤကပီၤ၀ဲ သုးမုၫ်သံၣ်ဘိလၢဟ့ၣ်လီၤသးသမူလၢထံကီၫ်ဒီးကလုာ်ဂီၫ် အမါလၢအိၣ်တ့ၫ်တဖၣ်န့ၣ်လီၤ.
လၢၫ်ဒိၣ်ကီၫ်ဆၣ်ပူၤ ကညီဒီကလုာ်တၫ်ထူၣ်ဖျဲးသုးမုၫ်ဒိၣ် (KNLA),သုးရ့ၣ်(၉),ကညီဒီကလုာ်တၫ်ဒီကလုာ်ဂၢၤသးသုး (KNDO),သုးရ့ၣ်နီၫ်ဂံၫ်(၃)ဒီးဒူသ၀ီကရူၫ် ခဲလၢာ်ပာ်ဖှိၣ် တၢ်လီၫ်(၆)တီၤ မၤလၤမၤကပီၤ၀ဲ(၇၄)၀ီတ၀ီ ကညီမၤထူရၤမုၫ်နံၤ၀ံၤ လၢၫ်ဒိၣ်ကီၫ်ဆၣ်ပူၤ ဖဲမၤထူရၤမုၫ်နံၤန့ၣ် မၤစ့ၫ်ကီး၀ဲတၫ်ဒုၣ်တၫ်အီၣ်ဃ့ဘါထူကဖၣ်န့ၣ်လီၤ.
KNLAသုးရ့ၣ်(၉)တၫ်ရဲၣ်တၫ်ကျဲၤန့ၣ် မၤ၀ဲဖဲသုးရ့ၣ်(၉)တၫ်သွၣ်ခိၣ်ဒီး ထံကီၫ်ဒီးကလုာ်ဂီၫ် ပှၤလၢဟ့ၣ်လီၤသးသမူတဖၣ် မၤန့ၫ်၀ဲဒီးသုးဂ့ၫ်၀ီတၫ်ရဲၣ်တၫ်ကျဲၤတဖၣ်ဒီးပာ်လီၤတၫ်သးအုးဖီကွီၤတဖၣ်၀ံၤ KNDOသုးရ့ၣ်(၃)တၫ်ရဲၣ်တၫ်ကျဲၤတခီ မၤ၀ဲခီဖျိလၢကညီဒီကလုာ်နီၫ်တယၫ်တၫ်သး၀ံၣ်, ခိၣ်နၫ်လၢဟ့ၣ်လီၤတ့ၫ်သးသမူ,သုးရ့ၣ်(၃) သုးဖိလၢဟ့ၣ် လီၤတ့ၫ်သးသမူ အမါလၢအိၣ်တ့ၫ်တဖၣ် တၫ်မၤလၤမၤကပီၤအီၤတၫ်ရဲၣ်တၫ်ကျဲၤတဖၣ် ဘၣ်တၫ်မၤန့ၫ်၀ဲလီၤ.
မူကီၫ်ဆၣ် မီခိၣ်သ၀ီကရူၫ်ဒီးSTBကရၢ မၤလၤကပီၤကညီမၤထူရၤတၫ်ရဲၣ်တၫ်ကျဲၤဖဲ ကညီၣ်တ့သ၀ီ, လၢဆီထံးကီၫ်ဆၣ်အပူၤ မၤ၀ဲဖဲမဲးကတံၣ်သ၀ီကရူၫ်,ထံဃ့ၫ်လီၤသ၀ီကရူၫ်,ကိၣ်ကၣ်သ၀ီဒီး သ၀ီလၢအဂၤတဖၣ်စ့ၫ်ကီး မၤလၤကပီၤ၀ဲကညီမၤထူရၤမုၫ်နံၤန့ၣ်လီၤ.ဖဲမူကီၫ်ဆၣ် တၫ်မၤ၀ဲကညီမၤထူရၤတၫ်ရဲၣ်တၫ်ကျဲၤ၀ံၤအလီၫ်ခံ သုးကီၣ်ကးအသုးခးလီၤကျိဖးဒိၣ်ဆူ သ၀ီတဖၣ်အပူၤဒံးလီၤ.
