လါယူၤလံ(၂၆)သီ,၂၀၂၄နံၣ်
လၢကတီၫ်အံၤ အ့ၣ်ယၣ်၀တံၣ်ကီၫ်ခီအပူၤ ထံကျိထံတဖၣ်ဒိၣ်ထီၣ်ဒီးထံတမၢၣ်ကၫ်ကွံာ်အဃိ ၀့ၫ်(၉)၀့ၫ်အပူၤ ထံကျိထံဒိၣ်ထီၣ်လုၫ်ဘၢ၀ဲ တၫ်သူၣ်တၫ်ဖျးအလီၫ်သ့ၣ်တဖၣ်အဂ့ၫ် လီၫ်က၀ီၤဖိတဖၣ်တဲ၀ဲလီၤ.
သၣ်ပီ(သာပေါင်း),မၠၣ်အီၣ်(မြန်အောင်),ကၠၣ်ခ့(ကြံခင်း),စလိၣ်(ဇလွန်),ပါတနီၣ်(ပန်းတနော်),ညီၣ်တိ(ညောင်တုန်း),မအူၣ်ပ့ၣ်(မအူပင်),ငါသဲခၠီကီၫ်ဆၣ်(ငါးသိုင်းချောင်းမြို့နယ်)တဖၣ်အပူၤ အ့ၣ်ယၣ်၀တံၣ်ထံကျိထံ,ငး၀ိၣ်ထံကျိ (ငဝန် မြစ်)ဒီးပါလဲၣ်ထံကျိ(ပန်းလှိုင်မြစ်)ထံ ဟဲထီၣ်အါထီၣ်၀ံၤ အိၣ်လၢထံတၫ်လီၤဘၣ်ယိၣ်ပနီၣ်အဖၢမုၫ်ဒံးလီၤအဂ့ၫ် တၫ်သ့ၣ်ညါဘၣ်လၢ မူခိၣ်ကလံၤသီၣ်ဂီၤ၀ဲၤကျိၤ ပှၤနဲၣ်တၫ်အိၣ်န့ၣ်လီၤ.
ကတီၫ်အံၤ စလိၣ်ကီၫ်ဆၣ်,သၣ်ပီကီၣ်ဆၣ်,ပါတနီၣ်ဒီးဟ့သတးကီၫ်ဆၣ်တဖၣ်အပူၤ တမၢၣ်ထံတဖၣ်ကၫ်ကွံာ်၀ံၤ သဘျူၣ်ဒီးဘုတၫ်သူၣ်တၫ်ဖျးလီၫ်တဖၣ် ဘၣ်ဟးဂီၤ၀ဲလီၤ.
ဘၣ်ထွဲဒီးတၫ်ဂ့ၫ်အံၤန့ၣ် သၣ်ပီကီၫ်ဆၣ် လီၫ်က၀ီၤဖိတဂၤတဲ၀ဲလၢ ထံတမၢၣ်ကၫ်လၢ လါယူၤလံ(၂၂)သီ မုၫ်ထူၣ်အကတီၫ်န့ၣ်လီၤ.ထံနုာ်လီၤလၢသ၀ီပူၤဒီးတယံာ်ဘၣ်န့ၣ် သ၀ီ(၈)ဖျၢၣ် ထံလုၫ်ဘၢကွံာ်၀ဲလီၤ.တၫ်သူၣ်တၫ်ဖျးအလီၫ်တဖၣ်စ့ၫ်ကီး ထံလုၫ်ဘၢဟးဂီၤကွံာ်ခဲလၢာ်န့ၣ်လီၤ.
သၣ်ပီကီၫ်ဆၣ်(သာပေါင်းမြို့နယ်)အပူၤ ငး၀ၣ်ထံကျိ(င၀န်မြစ်)ထံဒိၣ်ထီၣ်အဃိ သ၀ီတဖၣ်ပူၤထံဒိၣ်ထီၣ်အဖီခိၣ် ဟံးန့ၫ်တၫ်ခွဲးတၫ်ယာ်၀ံၤ ပနံာ်အပှ့ၤကလ့ၤစ့ၫ်ကီး ဒိၣ်န့ၫ်ဒံးအလီၫ်အဂ့ၫ် လီၫ်က၀ီၤဖိတဖၣ်တဲ၀ဲလီၤ.
လၢကတီၫ်အံၤကျးတဖၣ်အပူၤ တၫ်ဘၣ်ပှ့ၤအီၣ် ဟုသးပတီၫ်မုၫ်(၁)သလီးန့ၣ် (၁)ကလးကၠးဒီးသိအီၣ်တပီၫ်န့ၣ် လီၤတဲာ်၀ဲလၢ(၁)ကလးတခီအဂ့ၫ်န့ၣ်လီၤ.
လၢကတီၫ်အံၤ ထံကျိထံလၢတၫ်ဖီခိၣ်တဖၣ် ယွၤလီၤဆူထံကျိအဖီလာ်တခီအဃိ အ့ၣ်ယၣ်၀တံၣ်ကီၫ်ခီ ကီၫ်ဆၣ် တနီၤအပူၤ တုၤလၢတလါအံၤလၢာ် ထံလုၫ်ဘၢတၫ်သ့၀ဲအဂ့ၫ် မူခိၣ်ကလံၤသီၣ်ဂီၤ၀ဲၤကျိၤပှၤနဲၣ်တၫ် အူလးထိ တဲ၀ဲ လီၤ.
Ref: VOM
