လါယူၤလံ(၁၁)သီ,၂၀၂၄နံၣ်
စကဲကီၫ်ခီ, ၀ဲးလဲး(ဝက်လက်)ဒီးစ့းကူး(စဉ့်ကူး)ကီၫ်ဆၣ်အပူၤသ၀ီ(၁၄)ဖျၢၣ်,ပှၤ(၈)ကထိဘျဲၣ် မ့ၫ်လၢအ့ၣ်ယၣ်၀တံၣ် ထံကျိထံထီၣ်ဒီး ထံလုၫ်ဘၢအဃိ ဘၣ်ကီဘၣ်ခဲအဂ့ၫ် လီၫ်က၀ီၤကမျၢၫ်တဖၣ်တဲ၀ဲလီၤ.
ထံကျိထံထီၣ်၀ံၤ လိၣ်ဘၣ်တၫ်မၤစၢၤအဂ့ၫ် လီၫ်က၀ီၤကမျၢၫ်တဂၤတဲ၀ဲလီၤ.
“မူခိၣ်စူၤထံပာ်ဃုာ်, အ့ၣ်ယၣ်၀တံၣ်ထံကျိထံတဖၣ် အိၣ်ယွၤလီၤလၢတၫ်ဆၢခိၣ်တကပၤအဃိ နးထီၣ်၀ဲ, တနံၣ်အံၤ အၢန့ၣ်အလီၫ်လီၤ.အိၣ်၀ဲအသီ(၁၀)လံ.ပှၤဃ့ၫ်သုးပှၤလီၫ်အိၣ်ကမှံဖိတဖၣ်လိၣ်ဘၣ်တၫ်မၤစၢၤလီၤ.သူၣ်က့သးပှၫ်ဒီးဖိဒံဖိသၣ်တဖၣ် လိၣ်ဘၣ်တၫ်မၤစၢၤအဂ့ၫ် တဲ၀ဲလီၤ.”
ကီၫ်ဆၣ်၀ဲးလဲး, ယွၣ်သၣ်သ၀ီ(ရွာသာရွာ)ဒီး ကီၫ်ဆၣ်စ့းကူ(စဥ့်ကူးမြို့နယ်)အပူၤ ကၠဲးတူၣ်ယွ့(ကြက်တူရွေး), မၠံးကါ ကၠံ(မြစ်ကမ်းကြီး),ဟ့သၣ်မး(ဟင်္သာမ),ယွၣ်တီၣ်သ၀ီ(ရွာတော်)ပာ်ဃုာ် သ၀ီပာ်ဖှိၣ်ခဲလၢာ်(၁၄)သ၀ီအပူၤ သ၀ီဖိ တ ဖၣ်ဒီး ပှၤဃ့ၫ်သုးပှၤလီၫ်အိၣ်ကမှံဖိ အဒဲဟံၣ်တဖၣ် ထံလုၫ်ဘၢကွံာ်၀ဲအဂ့ၫ် တဲ၀ဲလီၤ.
လၢကတီၫ်အံၤ သ၀ီတဖၣ် ဘၣ်တၫ်ဒွဲၣ်အူအီၣ်ကွံာ်အဃိ ပှၤဃ့ၫ်သုးပှၤလီၫ်အိၣ်ကမှံဖိ အဒဲဟံၣ်လၢပှၫ်ပူၤတဖၣ်ဒီး အ့ၣ်ယၣ်၀တံၣ်ထံကျိကပၤ ဒဲဟံၣ်တဖၣ် ထံလုၫ်ဘၢကွံာ်အဂ့ၫ်တဲ၀ဲလီၤ.
