၇.၅.၂၀၂၄
၂၀၂၄နံၣ်, အဆိကတၢၫ်နံၣ်တ၀ာ်အတီၫ်ပူၤ သုးကီၣ်ကးအတၫ်ဒုးတဖၣ်အဃိ ပှၤဘၣ်သံအဂၤတကထိဘျဲၣ်အဂ့ၫ် တၫ်မၤစၢမၤထံရူၫ်ကီၫ်သဲးပှၤလီၤဃိၣ်ဖိကရၢ(AAPP) ဘိးဘၣ်ပာ်ဖျါ၀ဲ ဖဲလါယူၤလံ(၄)သီနံၤန့ၣ်လီၤ.
သုးကီၣ်ကးအတၫ်ဒုးတဖၣ်အဃိ ၂၀၂၄နံၣ်,လါယနူၤအါရံၤ(၁)သီတုၤ လါယူၤ(၃၀)နံၤအတီၫ်ပူၤ ပိာ်မုၣ်(၃၄၈)ဂၤဒီးပိာ်ခွါ(၇၂၈)ဂၤ, ခဲလၢာ်ပာ်ဖှိၣ်(၁၀၇၆)ဂၤ ဘၣ်သံ၀ဲန့ၣ် တၫ်ပာ်ဂၢၫ်ပာ်ကျၢၤန့ၫ်၀ဲအဂ့ၫ် AAPPတဲ၀ဲလီၤ.
ပှၤဘၣ်သံအကျါ ပှၤမၤတၫ်လၢတၫ်ဘူၣ်တၫ်ဘါတကပၤ(၁၅)ဂၤဒီး လၢကူၣ်သ့တကပၤအဂၤ(၃၀)ပာ်ဃုာ်၀ဲလီၤ. ပှၤသံအါကတၢၫ်တၫ်လီၫ်န့ၣ် မ့ၫ်လၢစကဲကီၫ်ခီ၀ံၤ ဘၣ်သံ၀ဲ(၃၁၃)ဂၤန့ၣ်လီၤ.ပှၤသံတၫ်လီၫ်အါကတၢၫ် ခံတီၤတတီၤန့ၣ် မ့ၫ်၀ဲရခၢၣ်ကီၫ်စဲၣ်ဒီးဘၣ်သံ၀ဲ(၂၅၉)ဂၤလီၤ.
သုးကီၣ်ကးခးလီၤကျိဖးဒိၣ်တဖၣ်အဃိ ပှၤဘၣ်သံ(၃၁၈)ဂၤဒီး ကဘီယူၤတၫ်ခးလီၤတၫ်အဃိ ပှၤဘၣ်သံ(၃၀၈)ဂၤ အဂ့ၫ်AAPPတဲ၀ဲလီၤ.
သုးဟံးန့ၫ်ဆူၣ်ထံကီၫ်တၫ်စိတၫ်ကမီၤ၀ံၤအလီၫ်ခံ ၂၀၂၁နံၣ် လါဖ့ၤဘြူၤအါရံၤ(၁)သီနံၤတုၤ ၂၀၂၄နံၣ်လါယူၤလံ(၄ )သီနံၤ ကမျၢၫ်ခဲလၢာ်ပာ်ဖှိၣ် ဘၣ်သံ(၅၃၅၁)ဂၤ၀ံၤ ပှၤသံလၢတၫ်ပာ်ဂၢၫ်ပာ်ကျၢၤအီၤတန့ၫ်ဒံးဘၣ် အိၣ်၀ဲအဂၤခံကထိဃၣ်ဃၣ်အဂ့ၫ် AAPPတၫ်မၤနီၣ်ထၢဖှိၣ်စရီအဖီခိၣ်ပာ်ဖျါ၀ဲလီၤ.
