လါမ့ၤ(၉)သီ, ၂၀၂၄နံၣ်
တၫ်မ့ၫ်တဟ့ၣ်ခွဲးလၢ တၫ်ဆါ TikTok အ Shares တဖၣ်ဘၣ်န့ၣ် လၢအမဲရကၤပူၤ တၫ်ကတြီတံၫ်ကွံာ်တၫ်ဘျၢ(ပိတ်ပင်မယ့် ဥပဒေ) န့ၣ် ဖဲအပူၤကွံာ်လါ အမဲရကၤ ပာ်လီၤဃာ်တၫ်ဘျၢအဃိ TikTok ခီပနံၣ် တကပၤ လိာ်ဘၢလိာ်ကွီၫ်၀ဲလီၤ.
TikTok လၢ ဘဲးဒးခီပနံၣ်(ဘိုက်ဒန့်ကုမ္ပဏီ)ပၢဃာ် လၢအိၣ်ဆီလီၤအသးဖဲ တရူးကီၫ်အံၤ မ့ၫ်တၫ်မၤပျံၤမၤဖုးတခါလၢ ဒီကလုာ်တၫ်ဘံၣ်တၫ်ဘၢ(အမျိုးသားလုံခြုံရေး)အဂီၫ်၀ံၤ တၫ်ဂ့ၫ်တၫ်ကျိၤတဖၣ် တၫ်ဆှၢဟ့ၣ်ဃီၤဆူ တရူးပဒိၣ်အအိၣ်သ့ အဂ့ၫ် အမဲရကၤပှၤဘၣ်မူဘၣ်ဒါတဖၣ်ဒီး ဘျီၣ်ဒိၣ်ခၢၣ်စး(လွှတ်တော်အမတ်)တဖၣ်တဲ၀ဲလီၤ.
အမဲရကၤ မၤတၫ်ဒ်သိးအံၤန့ၣ် မ့ၫ်တၫ်မၤကမၣ်၀ဲ ပှၤအမဲရကၤဖိ အကကွဲၫ် (၁၇၀)ဂၤလၢသူ TikTok လၢကထုးထီၣ်တဲဖျါ တၫ်လၢတၫ်သဘျ့ပူၤတဖၣ်အဂ့ၫ် TikTok အတၫ်လိာ်ဘၢလိာ်ကွီၫ်အပူၤ ပာ်ဖျါ၀ဲလီၤ. TikTok ခီပနံၣ်န့ၣ် တဘၣ်ထွဲလိာ်သးဒီး တရူးပဒိၣ် နီတစဲးဘၣ်၀ံၤ မိၫ်ခီပနံၣ်(မိခင်ကုမ္ပဏီ) လၢအမ့ၫ် ဘဲးဒး(ဘိုက်ဒန့်) အံၤစ့ၫ်ကီး တၫ်ဖံးတၫ်မၤ Shares တဖၣ် ကဆါ၀ဲအဂီၫ် တၫ်ရဲၣ်တၫ်ကျဲၤတအိၣ်ဘၣ် အဂ့ၫ် တဲဃာ်၀ဲလီၤ.
အမဲရကၤပဒိၣ် ပာ်လီၤတၫ်ဘျၢအဖီခိၣ် တၫ်မ့ၫ်တဆါ Shares တဖၣ်ဘၣ်န့ၣ် စးထီၣ်ဖဲ ၂၀၂၅နံၣ် လါယနူၤအါရံၤ, လၢကီၫ်အမဲရကၤပူၤ တၫ်ကကးတံၫ်ကွံာ် TikTok န့ၣ်လီၤ. TikTok တခီ ပှၤအမဲရကၤဖိ လၢသူTiKTok တဖၣ် တၫ်မၤန့ၫ်အီၤတၫ်ဒီသဒၢတဖၣ်၀ံၤ တၫ်ဘၣ်ယိၣ်တဖၣ် တၫ်ကဘှါဆှဲအီၤအဂီၫ် သူ၀ဲစ့ဒီၣ်လၣ် (၂)ဘံၣ်လံၣ်ယၣ်အဂ့ၫ် တဲဃာ်၀ဲလီၤ.
ref:vom
