လါမ့ၤ(၉)သီ, ၂၀၂၄နံၣ်
လၢ၀့ၫ်တကူၣ်, ပှၤနီၣ်အီၣ်သိလ့ၣ်ဖိတဖၣ် တၫ်မၤသံအီၤ ဟဲအိၣ်အါထီၣ်၀ံၤအလီၫ်ခံ ပှၤနီၣ်သိလ့ၣ်ဖိတဖၣ် အသးသမူတၫ်ဘံၣ်တၫ်ဘၢအဂီၫ် ပှၤနီၣ်သိလ့ၣ်ဖိ ဆီၤနီၤခိၣ်အလီၫ်ခံ(ယာဉ်မောင်းထိုင်ခုံနောက်)ဒီး ပှၤဒိးသိလ့ၣ်ဖိတဖၣ်အဘၢၣ်စၢၤ တၫ်ထီထီၣ်ဃာ်၀ဲ ထး(သံဇကာ)တဖၣ်အဂ့ၫ် တၫ်သ့ၣ်ညါဘၣ်လၢ ပှၤနီၣ်သိလ့ၣ်တဖၣ်အအိၣ်န့ၣ်လီၤ.
“ပှၤဒိးသိလ့ၣ် (ပှၤတၫ်ဒဲဘးဖိ) (ဒုစရိုက်သမားများ)န့ၣ် ဟဲပိာ်လၢတၫ်လီၫ်ခံ၀ံၤ, စံၫ်ပှၤနီၣ်သိလ့ၣ်ဖိအကိာ်လၢတၫ်လီၫ်ခံ၀ံၤ တၫ်မၤသံကွံာ်ပှၤနီၣ်သိလ့ၣ်ဖိဒီး တၫ်ဟံးန့ၫ်သိလ့ၣ်တဖၣ်အိၣ်ထီၣ်၀ဲလီၤ. လၢတၫ်န့ၣ်အဃိ ပှၤနီၣ်သိလ့ၣ်ဖိဒီး ပှၤဒိးသိလ့ၣ်ဖိတဖၣ်အဘၢၣ်စၢၤ တၫ်ထီထီၣ်၀ဲထး(သံဇကာ)လီၤ. သိလ့ၣ်တခိၣ် တၫ်ဖိတၫ်လံၤ, စုလဲ(လက်ခ)ပာ်ဃုာ်ခဲလၢာ် လီၤတဲာ်(၅)ကလးကၠး”အဂ့ၫ် ပှၤနီၣ်တဲးကစံၣ်ဖိတဂၤတဲ၀ဲလီၤ.
“ဖဲအပူၤကွံာ် (၃)နံၣ်အတီၫ်ပူၤ တၫ်တမျာ်မၤသံ(လုယက်သတ်ဖြတ်) သိလ့ၣ်နီၣ်အီၣ်အလဲတဖၣ် အိၣ်၀ဲ(၂၀)ဘျဲၣ်လီၤ. တုၤခဲအံၤ သိလ့ၣ်ဒီး ပှၤနီၣ်သိလ့ၣ်ဖိတဖၣ် တၫ်ဃုက့ၤတန့ၫ်လၢာ်ဘၣ်စ့ၫ်ကီးအိၣ်လီၤ. ပှၤဒိးသိလ့ၣ်ဖိတဖၣ် တၫ်မၤသံ ပှၤနီၣ်သိလ့ၣ်ဖိတဖၣ်စ့ၫ်ကီးအိၣ်လီၤ. တနံၣ်ညါအတီၫ်ပူၤ ပှၤနီၣ်သိလ့ၣ်ဖိတနီၤ တၫ်တမျာ်မၤသံအီၤတဖၣ် အိၣ်ထီၣ်၀ဲ (၄ခါ၅ခါ)အဂ့ၫ်” ပှၤလၢအအိၣ်ဘူးဒီး ၀့ၫ်တကူၣ်ကီၫ်ခီပၢၤကီၫ်သုး(ရန်ကုန်တိုင်းရဲတပ်ဖွဲ့)တဂၤ စံး၀ဲန့ၣ်လီၤ.
ဖဲအပူၤကွံာ် လါအ့ဖြ့ၣ်(၂၄)သီအနံၤ, ဟါအဆၢကတီၫ် အၡ့းမၠ့ပၠဲၣ်က၀ီၤကျဲမုၫ်ခိၣ်ထီး(အရှေ့မြင်းပြိုင်ကွင်းလမ်းထိပ်), ကျဲနီၫ်ဂံၫ်(၁၆၄)အဖီခိၣ်စ့ၫ်ကီး ပှၤနီၣ်သိလ့ၣ်ဖိတဂၤ တၫ်ဆဲးသံဃာ်အီၤလၢ ဒီန့ၣ်လီၤ.
တကးဒံးဘၣ် ဖဲလါဖ့ၤဘြူၤအါရံၤ(၁၁)သီအနံၤ, ဟါလီၤခီအဆၢကတီၫ် ကီၫ်ဆၣ်တၣ်မွ့ၣ်(တာမွေမြို့နယ်), ယူးစနးပလၣ်စၣ်(ယုဇနပလာဇာ)အကပၤ ပှၤနီၣ်တဲၣ်ကစံၣ်ဖိ(အဌားယာဉ်မောင်း) တၫ်ဆဲးဃာ်အီၤလၢဒီ၀ံၤ တၫ်တမျာ်န့ၫ်သိလ့ၣ်တခါ အိၣ်ထီၣ်၀ဲအဂ့ၫ် တၫ်သ့ၣ်ညါဘၣ်န့ၣ်လီၤ.
“၀့ၫ်တကူၣ်ကီၫ်ခီ, ကညန၀ဲၤဒၢး(ကညနရုံး)န့ၣ် တဲၣ်ကစံၣ်(တက္ကစီ)လၢ တီၣ်ထီၣ်ဃာ် ခိၣ်ဂီၤ(မှတ်ပုံတင်) အိၣ်၀ဲ(၅၉၀၀၀)လီၤ. တကးဘၣ် ပှၤတီၣ်ထီၣ်ဃာ် YRTC ခိၣ်ဂီၤန့ၣ် အိၣ်၀ဲ (၅)ကလး (၃)ကထိလီၤ. တၫ်ကျးလီၤဃာ် အလွဲၫ်အဘီတစ့ၣ်ကၣ်တဖၣ်လၢ စံတံတဲၣ်ကစံၣ်(စီးတီးတက္ကစီ)တဖၣ်အလိၤန့ၣ် တၫ်ပာ်ဖှိၣ်၀ဲ ပှၤနီၫ်တဂၤသိလ့ၣ်တဖၣ်၀ံၤ ဒ်သိးပှၤကသ့ၣ်ညါဘၣ် ပှၤနီၣ်အီၣ်သိလ့ၣ်တဖၣ်အဂီၫ်, တၫ်မၤဃာ်၀ဲ ထံဂုၤကီၫ်ဂၤ တဲၣ်ကစံၣ်(တက္ကစီ)သိလ့ၣ်တဖၣ်အဂ့ၫ်” ၀့ၫ်တကူၣ်သိလ့ၣ်တဖၣ် ပှၤဘၣ်မူဘၣ်ဒါ(ရန်ကုန်ယာဥ်မှုစစ်အရာရှိ)တဂၤ စံး၀ဲန့ၣ်လီၤ.
ref:vom
