လါမ့ၤ(၂)သီ, ၂၀၂၄နံၣ်
စှၤသီကတီၫ် လၢအ့ၡၢမုၫ်ထီၣ်ကလံၤထံးထံကီၫ်(အရှေ့တောင်အာရှနိုင်ငံ)တဖၣ်အပူၤ တၫ်ကိၫ်ဆူၣ်၀ဲ၀ံၤ ကီၫ်ဘံၣ်ယနၣ်, ထံကီၫ်ကလံၤထံးကီၫ်စဲၣ်ဒီနၢၤ (ဗီယက်နမ် နိုင်ငံတောင်ပိုင်း ဒေါင်းနိုင်ပြည်နယ်), တၫ်ဘုၣ်ညၣ်ထံကမါ(၁)ဖျၢၣ်အပူၤ ညၣ်အကထိအကလးတဖၣ် သံ၀ဲအဂ့ၫ်တၫ်သ့ၣ်ညါဘၣ်န့ၣ်လီၤ. တၫ်ကိၫ်ဆူၣ်ဒ်သိးအဆၢကတီၫ် ပှၤဘၣ်မူဘၣ်ဒါတဖၣ် တၫ်ပၢဆှၢရဲၣ်ကျဲၤတၫ်ဂံၫ်စၫ်အဃိ ညၣ်တဖၣ်ဘၣ်၀ဲဒီဒူၣ်ဒီထၢအဂ့ၫ် တၫ်ကစီၣ်တဖၣ်ဟူးသါထီၣ်၀ဲန့ၣ်လီၤ.
ဖဲလၢတၫ်ဘုၣ်ညၣ်ထံကမါအိၣ်လီၫ်က၀ီၤအပူၤ အနွံတဖၣ်အနွံ မူခိၣ်တစူၤ၀ဲဘၣ်အသိး တၫ်သူၣ်တၫ်ဖျးတၫ်ဖံးတၫ်မၤတဖၣ်အဂီၫ် တၫ်ပျဲထုးထီၣ်ထံအဃိ ညၣ်တဖၣ်အဂီၫ် ထံတလၢတလီၣ်ကဲထီၣ်သး၀ံၤ ညၣ်တဖၣ်ဘၣ်သံ၀ဲန့ၣ်လီၤ.
လီၫ်က၀ီၤကမျၢၫ်တဖၣ်လၢအိၣ်၀ဲဒၣ်ဖဲ တၫ်ဘုၣ်ညၣ်ထံကမါအကပၤတခီ တၫ်နၢအုၣ်အဃိ တဲပဲာ်အၢပဲာ်သီ၀ဲန့ၣ်လီၤ. ဒ်န့ၣ်အသိး ဖဲကီၫ်ဘ့ကလါဒ့း(ဘင်္ဂလားဒေ့ရှ်နိုင်ငံ)ထံကီၫ်အပူၤ မ့ၫ်ကတီၫ်လၢတၫ်ကိၫ်ဆူၣ်ဒိၣ်ထီၣ်အဆူၣ်ကတၢၫ်ကတီၫ်လီၤအဂ့ၫ် မူခိၣ်ကလံၤသီၣ်ဂီၤ၀ဲၤကျိၤ(မိုးလေဝသဌာန) စံး၀ဲဖဲမဟါအနံၤန့ၣ်လီၤ. မူခိၣ်ကလံၤသီၣ်ဂီၤတၫ်ဆီတလဲတဖၣ်အံၤ တၫ်ကိၫ်အကျိၤ(အပူလှိုင်း)တဖၣ် ကကဲထီၣ်သးယံာ်ယံာ်, ခဲအံၤခဲအံၤ၀ံၤ ကဆူၣ်ဒိၣ်ထီၣ်အဂ့ၫ် စဲအ့ၣ်ဂ့ၫ်၀ီတၫ်ဃိထံသ့ၣ်ညါအဖီခိၣ် တၫ်ထံၣ်ဘၣ်၀ဲန့ၣ်လီၤ.
တၫ်ကိၫ်ဆူၣ်အဃိ ဘ့ကလါဒ့းထံကီၫ်အပူၤ ဖဲအပူၤကွံာ်လါကတီၫ် တၫ်ကးတံာ်ကွံာ်ကၠိတဖၣ်အဃိ ကၠိဖိ(၃၂)ကကွဲၫ်ဃၣ်ဃၣ် ဘၣ်အိၣ်၀ဲဒၣ်လၢဟံၣ်လီၤအဂ့ၫ် AFP တၫ်ကစီၣ်ပာ်ဖျါဃာ်၀ဲန့ၣ်လီၤ.
ကီၫ်ကၠီၣ်တဲၣ်ကလံၤထံး ကီၫ်ရ့ၣ် Nakhan Si Thammarat အပူၤ တၫ်ကိၫ်ဆူၣ်ဒိၣ်အဃိ လ့ၣ်မ့ၣ်အူကျဲတဖၣ် က့ၣ်ကူ၀ဲအဃိ ပှၤမၤတၫ်ဖိတဖၣ်တၫ်ဘၣ်မၤဘျၢက့ၤကျဲလၢ ထံဒီးထံကိၣ်လိၣ်လၢ (၁)နၣ်ရံၣ်အဆၢကတီၫ်ပူၤအဂ့ၫ် Bangkok Post တၫ်ကစီၣ်ပာ်ဖျါဃာ်၀ဲန့ၣ်လီၤ.
ref:rfa
