လါအ့ဖြ့ၣ်(၂၅)သီ, ၂၀၂၄နံၣ်
တနီသရံၣ်ကီၫ်ခီ(တနင်္သာရီတိုင်း), ကီၫ်ဆၣ်ဒ၀ဲၫ်(ထားဝယ်မြို့နယ်), ကၠီၣ်တဲၣ်-ပယီၤကီၫ်ဆၢ မီထသုးကလၢၤပူၤ သုးဖိတဖၣ် ဃ့ၫ်ဖျိးကွံာ်အဃိ KNLA သုးပာ်ဖှိၣ်တဖၣ် မၤန့ၫ်ကျိ(၃၄)ခိၣ်, ကျိချံပှၫ်သၣ်ဒီးသုးကလၢၤ(စခန်း)အဂ့ၫ် ကမျၢၫ်တၫ်ဒီသဒၢသုး ကလံၤထံးသုးဟီၣ်က၀ီၤ(တောင်ပိုင်းတိုင်းစစ်ဒေသ) ဂံၫ်ခီၣ်ထံးတၫ်ကစီၣ် တဲ၀ဲလီၤ.
ဖဲလါအ့ဖြ့ၣ်(၂၃)သီနံၤ ဂီၤ(၉း၅၀)နၣ်ရံၣ် အကတီၫ်န့ၣ် ကီၫ်ဆၣ်ဒ၀ဲၫ် ကၠီၣ်တဲၣ်-ပယီၤကီၫ်ဆၢ မီထၣ်သုးကီၣ်ကး သုးကလၢၤန့ၣ် KNLA ဒီးသုးပာ်ဖှိၣ်တဖၣ် စးထီၣ်ဒုး၀ဲအဂ့ၫ်, သုးကလၢၤလၢဂံၫ်ဘါအိၣ် (၄၀)ဂၤ ဃၣ်ဃၣ်အံၤ ဒုးဆၢက့ၤတၫ်ဘၣ်ဆၣ် အလီၫ်ခံ ပာ်တ့ၫ်ကွံာ်သုးကလၢၤဒီး ဃ့ၫ်ဖျိးကွံာ်အဃိ ဖဲလါအ့ဖြ့ၣ်(၂၄)သီနံၤန့ၣ် ဂီၤအကတီၫ်န့ၣ် တၫ်ထီၣ်မၤန့ၫ်ကွံာ် သုးကီၣ်ကးအသုးကလၢၤန့ၣ်လီၤ.
သုးကီၣ်ကးအသုးဖိလၢအိၣ်လၢသုးကလၢၤပူၤတဖၣ် ဃ့ၫ်ဖျိးကွံာ်အဃိ တၫ်ထီၣ်မၤန့ၫ် သုးကလၢၤ ညီညီဖိန့ၣ်လီၤ. ပာ်တ့ၫ်တၫ်စုက၀ဲၤဒီး ဃ့ၫ်ဖျိးကွံာ်လီၤ. တၫ်မၤန့ၫ်ကျိအခိၣ်(၃၀)ဘျဲၣ်, ကျိဖးဒိၣ်အချံဒီး ကျိချံပှာ်သၣ်တနီၤ တၫ်မၤန့ၫ်၀ဲလီၤ. တၫ်မၤပျီကွံာ်သုးကလၢၤ၀ံၤလံအဂ့ၫ် ကမျၢၫ်တၫ်ဒီသဒၢသုး ကလံၤထံးသုးဟီၣ်က၀ီၤ ဂံၫ်ခီၣ်ထံးတၫ်ကစီၣ်တဖၣ် တဲ၀ဲလီၤ.
သုးကလၢၤအံၤ မ့ၫ်၀ဲ ခလရ-၁၇ သုးရ့ၣ် အပှၤသုးဖိတဖၣ် အိၣ်ဆီလီၤဃာ်အသး၀ံၤ ဖဲတၫ်ထီၣ်မၤန့ၫ် သုးကလၢၤအံၤ၀ံၤအလီၫ်ခံ သုးကီၣ်ကးတကပၤ ဟဲခးလီၤတၫ်လၢကလံၤကျါအဂ့ၫ် တၫ်သ့ၣ်ညါဘၣ်လီၤ.
Ref: khitthit
