လါအ့ဖြ့ၣ်(၂၅)သီ, ၂၀၂၄နံၣ်
ယူၣ်ကရ့ (Ukraine), အံၣ်စရ့ (Israel), ထဲၣ်၀ၣ်(Taiwan) ဒီး သိၣ်မှံၤကရၢအဂၤတဖၣ်အဂီၫ် သုးဂ့ၫ်၀ီတၫ်ဆီၣ်ထွဲမၤစၢၤတဖၣ်ပာ်ဃုာ် တၫ်ကမၤစၢၤစ့ဒီလၣ်(၉၅)ဘံၣ်လံၣ်ယၣ် တၫ်ရဲၣ်တၫ်ကျဲၤအံၤ ဖဲမဟါအနံၤ, လါအ့ဖြ့ၣ်(၂၄)သီအနံၤန့ၣ် ကီၫ်ခိၣ် ကၠိဘဲၣ်တၣ် (Joe Biden) တၣ်ဆဲးလီၤစုမုၫ်ကျၢၫ်၀ံၤ ပာ်ဂၢၫ်ပာ်ကျၢၫ်၀ဲ ဒ်တၫ်ဘျၢသဲးစးအသိးန့ၣ်လီၤ.
အမဲရကၤကီၫ်စၢဖှိၣ်(အမေရိကန်ပြည်ထောင်စု)အံၤ ဆီၣ်ထွဲမၤစၢၤ၀ဲ သိၣ်မှံၤထံကီၫ်တဖၣ်လၢ အဒုးပှၤဂုၫ်ဆူၣ်ဖျိဆူၣ်တၫ်(အကြမ်းဖက်)တဖၣ်ဒီး မီၤစိရိၤ(အာဏာရှင်)တဖၣ်၀ံၤ တၫ်ပာ်လီၤ၀ဲတၫ်ဘျၢသဲစးဒ်အံၤအဃိ ဟီၣ်ခိၣ်အံၤကဘံၣ်ဘၢဒိၣ်ထီၣ်လီၤအဂ့ၫ် ဘဲၣ်တၣ် (Biden) တဲ၀ဲန့ၣ်လီၤ. တၫ်ပာ်လီၤတၫ်ဘျၢသဲစးအံၤဖီခိၣ် ယူၣ်ကရ့ သုးဂ့ၫ်၀ီတၫ်မၤစၢၤ (၆၁)ဘံၣ်လံၣ်ယၣ်အကျါ အဆိကတၢၫ်(၁)တ၀ီ ဒီလၣ်(၁)ဘံၣ်လံၣ်ယၣ်အံၤ တၫ်ကဆှၢန့ၫ်အီၤတဘျီဃီ၀ံၤ တၫ်ကစးထီၣ်အီၤလၢ စှၤနၣ်ရံၣ်အတီၫ်ပူၤအဂ့ၫ် တဲ၀ဲန့ၣ်လီၤ.
တၫ်ဆီၣ်ထွဲမၤစၢၤတဖၣ်အပူၤ တၫ်ဒီသဒၢကလံၤကျါ တၫ်လီၤဘၣ်ယိၣ်သနူ(လေကြောင်းရန်ကာကွယ်ရေးစနစ်), ကျိဖးဒိၣ်အချံတဖၣ်, သိလ့ၣ်ထးတဖၣ်ဒီး စုက၀ဲၤအဂၤတဖၣ်ပာ်ဃုာ်၀ဲန့ၣ်လီၤ. ဒံၣ်မိၣ်ကရံးတံးကီၫ်ခိၣ် ကၠိဘဲၣ်တၣ် (Joe Biden)တခီ တၫ်ကမၤပှဲၤန့ၫ်က့ၤ ယူၣ်ကရ့ ဂ့ၫ်ဂီၫ်အူတၫ်မၤစၢၤတၫ်လိၣ်ဘၣ်တဖၣ်အဂီၫ် တၫ်ဂ့ၫ်လိာ်ဘှီလိာ်အိၣ်ထီၣ်၀ဲဒီး ရံၣ်ပဲးပလံၣ်ကၣ် (Republican) တၫ်ထီဒါ ပၣ်တံၣ်၀ံၤအလီၫ်ခံ တၫ်ခီပတာ်၀ဲန့ၫ်န့ၣ်လီၤ.
ဘၣ်ဆၣ်တၫ်မၤစၢၤတဖၣ် စဲၤခံတ့ၫ်၀ဲတဘျုးလါအဃိ တၫ်ကမၤစၢၤ ယူၣ်ကရ့အဂီၫ် ဘဲၣ်တၣ် (Biden) ပဒိၣ်အတၫ်ဂုၫ်ကျဲးစၢၤအဆၢကတီၫ် တၫ်ဆံးလီၤစှၤလီၤတဖၣ် အိၣ်ထီၣ်၀ဲန့ၣ်လီၤ.
စုက၀ဲၤဒီးကျိချံပှာ်သၣ်အသီတဖၣ် စဲၤခံတ့ၫ် တဘျုးလါအဃိ ယူၣ်ကရ့စ့ၫ်ကီး လၢသုးဂ့ၫ်၀ီတပၤ တၫ်ကခီၣ်ဆၢက့ၤတဘျီဃီအဂီၫ် ဘၣ်ကွၫ်ဆၢၣ်မဲာ်ဘၣ်ဒီး တၫ်ဂံၫ်စၫ်ဘါစၫ်တၫ်အိၣ်သးန့ၣ်လီၤ.
ref:voa
