လါအ့ဖြ့ၣ်(၃)သီ, ၂၀၂၄နံၣ်
ကီၫ်ဖံးလံးပံ(ဖိလစ်ပိုင်နိုင်ငံ)ပူၤ တၫ်ကိၫ်ဆူၣ်ထီၣ် တုၤလၢကဲထီၣ်တၫ်လီၤဘၣ်ယိာ်အဃိ ၀့ၫ်ခိၣ်မနံၣ်လၣ်(မနီလာ) ပာ်ဃုာ် ထံကီၫ်ဒီတဘ့ၣ်ပူၤ ကၠိအဖျၢၣ်လၢအကယၤ ဖဲလါအ့ဖြ့ၣ်(၂)သီနံၤန့ၣ် တၫ်ပတုာ်ကွံာ် တၫ်လဲၤထီၣ်ကၠိလၢနီၫ်ကစၫ် တၫ်ရဲၣ်တၫ်ကျဲၤတဖၣ်အဂ့ၫ် ကူၣ်သ့ဘၣ်မူဘၣ်ဒါ(ပညာရေးအရာရှိ)တဖၣ် တဲ၀ဲလီၤ.
လၢတနံၤအံၤ လါအ့ဖြ့ၣ်(၃)သီနံၤ တၫ်ကိၫ်ကအိၣ်တုၤ (၄၃)ဒံၣ်ကရံၣ်ဆဲစံယၢး(ဒီဂရီဆဲလ်ဆီးယပ်)၀ံၤ ဒ်န့ၣ်အသိး တၫ်ကိၫ်အသဟီၣ်န့ၣ် လၢ၀့ၫ်အဂၤတဖၣ်ပူၤစ့ၫ်ကီး တၫ်ကိၫ်ကဆူၣ်၀ဲအဂ့ၫ် မူခိၣ်ကလံၤသီၣ်ဂီၤပှၤကူၣ်သ့(မိုးဇလပညာရှင်) တဖၣ် တယာ်ဃာ်၀ဲလီၤ.
ဖဲလါအ့ဖြ့ၣ်(၂)သီနံၤ ၀့ၫ်ခိၣ်မနံၣ်လၣ်(မနီလာမြို့တော်) တၫ်ကိၫ်အသဟီၣ်န့ၣ် အနီၫ်ကီၫ် အိၣ်၀ဲ(၃၅.၇) ဒံၣ်ကရံၣ် ဆဲစံယၢးအဃိ တၫ်အံၤစှၤဒိၣ်န့ၫ်ဒံး လၢ(၁၉၁၅)နံၣ် တၫ်ကိၫ်ကတၢၫ်အသဟီၣ်(၃၈.၇) ဒံၣ်ကရံၣ် ဆဲစံယၢး(ဒီဂရီ ဆဲလ်ဆီးယပ်) အဂ့ၫ် တဲ၀ဲလီၤ. တၫ်သိၣ်လိကၠိ အနီၫ်ဂံၫ်နီၫ်ဒွး ဘၣ်တၫ်ကးတံာ်ဃာ်အီၤ ထဲလဲၣ်တခီဒု ဖံးလံးပံ(ဖိလစ်ပိုင်) ကူၣ်သ့၀ဲၤကျိၤ(ပညာရေးဌာန) ထုးထီၣ်ပာ်ဖျါ၀ဲတအိၣ်ဒံးဘၣ်.
တကတီၫ်ဃီ လၢကီၫ်မိၫ်ပှၫ်အ့ရှၢၣ်မုၫ်ထီၣ်ကလံၤထံး(အရှေ့တောင်အာရှတိုက်)အပူၤ ကီၫ်ပယီၤ(မြန်မာ)ပာ်ဃုာ် ကၠီၣ်တဲၣ်(ထိုင်း)ဒီး ထံကီၫ်အဂၤတဖၣ်အပူၤစ့ၫ်ကီး လၢကတီၫ်အံၤ တၫ်ကိၫ်ဟဲဆူၣ်ထီၣ်အဃိ ပှၤဘၣ်မူဘၣ်ဒါလၢဘၣ်ထွဲတဖၣ် ဘိးဘၣ်ရၤလီၤဃာ် တၫ်ဟ့ၣ်ပလီၫ်တဖၣ်န့ၣ်လီၤ.
ref;voa
