လါအ့ဖြ့ၣ်(၃)သီ, ၂၀၂၄နံၣ်
၀့ၫ်တကူၣ်ကီၫ်ခီ, ကီၫ်ဆၣ်တနီၤအပူၤ လၢကတီၫ်အံၤ မ့ၣ်ပိၫ် ပိၫ်ဖးထီၣ်တပယူာ်ဃီ ကဲထီၣ်၀ံၤအလီၫ်ခံ သုးကီၣ်ကးအသုး မၤဃံးထီၣ်တၫ်ဘံၣ်တၫ်ဘၢအဂ့ၫ် လီၫ်က၀ီၤဖိတဖၣ်တဲ၀ဲလီၤ.
လါမးရှး(၂၉)သီနံၤ တုၤလါအ့ဖြ့ၣ်(၁)သီနံၤ လၢသၣ်လ့ၣ်(သန်လျင်), မယါကိ (မရမ်းကုန်း), ယၣ်က့(ရန်ကင်း), မီၣ်ဘံၣ်(မှော်ဘီ), ကၠီးတတါ(ကျောက်တံတား), မၠီးတကိၣ်(မြောက်ဒဂုံ)ဒီး ကီၫ်ဆၣ်သၣ်က့ၣ်တး (သာကေတမြို့နယ်)တဖၣ်ပူၤ မ့ၣ်ပိၫ် ပိၫ်ဖးထီၣ်တပယူာ်ဃီန့ၣ်လီၤ.
မ့ၣ်ပိၫ်လၢပိၫ်ဖး အဂံၫ်ဆူၣ်တဖၣ်တခီ ပိၫ်ဖးထီၣ်၀ဲဒၣ်ဖဲ သုးကီၣ်ကးအသုး ခိးတၫ်ဘံၣ်တၫ်ဘၢအိၣ်တၫ်လီၫ်ဒီး က၀ီၤဒ့ပၢပြးသးပှၫ်၀ဲၤဒၢး(ရပ်ကွက်အုပ်ချုပ်ရေးမှူးရုံး) အကပၤအဂ့ၫ် လီၫ်က၀ီၤဖိတဖၣ်တဲ၀ဲလီၤ.
ဖဲလါအ့ဖြ့ၣ်(၁)သီနံၤ လၢကီၫ်ဆၣ်မီၣ်ဘံၣ်(မှော်ဘီမြို့ နယ်), ကိလိက၀ီၤဒ့(ကိုးလုံးရပ်ကွက်), သုးလီၫ်လံၤ အိၣ်ဟံၣ်ဃီ အမဲာ်ညါ မ့ၣ်ပိၫ်ပိၫ်ဖးထီၣ်(၂)ဖျၢၣ်အဂ့ၫ် လီၫ်က၀ီၤဖိတဂၤ တဲ၀ဲလီၤ.
မ့ၣ်ပိၫ် ပိၫ်ဖး၀ံၤ ယံာ်(၂၀)မံးနံးဃၣ်ဃၣ်အကတီၫ် သုးကီၣ်ကးအသုးဟဲတုၤ၀ံၤ သမံသမိးပှၤဟးထီၣ်က့ၤလီၤတဖၣ်လီၤ. အခဲအံၤ လၢမီၣ်ဘံၣ်(မှော်ဘီ) မ့ၣ်ပိၫ် ပိၫ်ဖး အိၣ်၀ဲ(၂)ဘျီလံအဃိ မၤဃံးထီၣ်တၫ်ဘံၣ်တၫ်ဘၢလီၤ.
လၢညါဒု တမၤ၀ဲဒ်သိးအံၤဘၣ်. မ့ၣ်ပိၫ် ပိၫ်ဖးထီၣ်ဒ်သိးအံၤ၀ံၤအလီၫခံ သုးကီၣ်ကးန့ၣ် ပာ်ဖှိၣ်ထီၣ်အသး အဂၤ(၁၀)တဖု၀ံၤ လၢက၀ီၤဒ့ဒီး ဒူသ၀ီကျဲတဖၣ်အပူၤ ကိးမုၫ်နံၤဒဲး ဆီလီၤတၫ်ဘံၣ်တၫ်ဘၢအဂ့ၫ် လီၫ်က၀ီၤဖိတဖၣ် တဲ၀ဲလီၤ.
ဖဲလါမးရှး(၂၇)သီနံၤ လၢ၀့ၫ်တကူၣ်အခၢၣ်သး ဆူလ့ၣ်(ဆူးလေ)ကျဲ တိၤဖီခိၣ် မ့ၣ်ပိၫ် ပိၫ်ဖးထီၣ်အဃိသးစၫ်(၅)ဂၤဘၣ်ဒိဘၣ်ထံးဒံးန့ၣ်လီၤ.
Ref: RFA
