အမဲရကၤထံဂုၤကီၫ်ဂၤ၀ဲၤကျိၤ ပှၤကူၣ်လိာ်တၢၣ်ပီၣ်တၫ်(ကန်နိုင်ငံခြားရေးဌာနအတိုင်ပင်ခံ)ထံၣ်လိာ်သးဒီးကလုာ်ဒူၣ်ဖီၣ်စုက၀ဲၤကရၢတနီၤ

လါအ့ဖြ့ၣ်(၁)သီ, ၂၀၂၄နံၣ်

ကီၫ်ပယီၤ တၫ်ကဒုးအိၣ်ထီၣ် ဖဲဒရၢၣ်ဒံၣ်မိၣ်ကရ့ၣ်စံၣ်(ဖက်ဒရယ်ဒီမိုကရေစီ)အဂီၫ် ဂဲၤလိာ်၀ဲလၢတၫ်သူၣ်ဒူသးဒူပူၤ လၢဘၣ်တၫ်သ့ၣ် ညါအီၤဒ် K3C လၢအမ့ၫ် ကလုာ်ဒူၣ်ဖီၣ်စုက၀ဲၤ (တိုင်းရင်းသားလက်နက်ကိုင်အဖွဲ့ ) ကခၠ့ၣ်တၫ်သဘျ့ကရၢ(KIA), ကညီဒီကလုာ်စၢဖှိၣ်ကရၢ (KNU), ကရ့ၣ်နံၣ်ဒီကလုာ်တၫ်လဲၤထီၣ်လဲၤထီပၣ်တံၣ်(KNPP)ဒီး ခၠီဒီကလုာ်သုး(CNF) ကရၢ(၄)ဖုအံၤ ထံၣ်လိာ်သကိး၀ဲဖဲ လါမးရှး(၂၈)သီနံၤအဂ့ၫ် အမဲရကၤ ထံဂုၤကီၫ်ဂၤ၀ဲၤကျိၤ ပှၤကူၣ်လိာ်တၢၣ်ပီၣ်တၫ်(ကန်နိုင်ငံခြားရေးဌာနအတိုင်ပင်ခံ) Derek Chollet ကွဲးဃာ်၀ဲလၢ X-ပှၤဂ့ၫ်၀ီပှာ်ဘျးစဲ(လူမှုကွန်ရက်)လံာ်ကဘျံးပၤပူၤန့ၣ်လီၤ.

ပှၤကီၫ်ပယီၤဖိအဂီၫ် ကအိၣ်ဘံၣ်အိၣ်ဘၢဘၣ်၀ံၤ ခါဆူမဲာ်ညါတၫ်အိၣ်မူအိၣ်ဂဲၤကဂ့ၤထီၣ်အဂီၫ် ထံဂုၤကီၫ်ဂၤတဖၣ် အတၫ်ဆီၣ်ထွဲမၤစၢၤတဖၣ် တၫ်ဟ့ၣ်အါထီၣ်ကန့ၫ်ဒ်လဲၣ် တၫ်ဂ့ၫ်တဖၣ် တၢၣ်ပီၣ်တဲသကိးစ့ၫ်ကီး၀ဲအဂ့ၫ် Derek Chollet ကွဲးဃာ်၀ဲလီၤ.

လၢယိၤဒိၣ်ကီၫ်စဲၣ်ကလံၤစိးတကပၤ(ရှမ်းပြည်မြောက်ပိုင်း) သိၣ်မှံၤ(၃)ဖု သုးဂ့ၫ်၀ီတကပၤ မၤနၢၤတၫ် အသိး K3C လၢဘၣ်တၫ်သ့ၣ်ညါအီၤဒ် ကခၠ့ၣ်(ကချင်), ကညီ(ကရင်), ကရ့ၣ်နံၣ်(ကရင်နီ)ဒီး ခၠီ(ချင်း)တဖၣ် အဟီၣ်က၀ီၤပူၤစ့ၫ်ကီး ကလုာ်ဒူၣ်ဖီၣ်စုက၀ဲၤတဖၣ်လၢသုးကီၣ်ကးအဖီခိၣ် ဟ့ၣ်၀ဲသုးဂ့ၫ်၀ီတၫ်ဆီၣ်သနံးတဖၣ် (စစ်ရေးအရဖိအား) န့ၫ်၀ဲဂ့ၤဂ့ၤန့ၣ်လီၤ. လၢဟီၣ်က၀ီၤတဖၣ်အံၤအပူၤ သုးကီၣ်ကးအသုးကလၢၤတဖၣ်  ကလုာ်ဒူၣ်ဖီၣ်စုက၀ဲၤတကပၤ ပၢဆှၢဃာ်န့ၫ်၀ဲလံန့ၣ်လီၤ.

photo : voa