လါအ့ဖြ့ၣ်(၁)သီ, ၂၀၂၄နံၣ်
၀့ၫ်တကူၣ်ကီၫ်ခီ(ရန်ကုန်တိုင်း), မယါကိ(မရမ်းကုန်း) သမဲ၀့ၫ်သီ(သမိုင်းမြို့သစ်) က၀ီၤဒ့နီၫ်ဂံၫ်(၁)ပူၤ က၀ီၤဒ့သးပှၫ်(ရပ်ကွက်အုပ်ချုပ်ရေးမှူး)ခီဖျိလၢ ကမျၢၫ်တၫ်ဘၣ်ကဲသုးလံာ်(စစ်မှုထမ်းဆင့်ခေါ်စာ)အဖီခိၣ် ပၫ်(၁)ဂၤပာ်ဃုာ် သးစၫ်(၁၂)ဂၤ ဘၣ်တၫ်နုာ်လီၤဖီၣ်အီၤလၢဟံၣ်ပူၤ၀ံၤ တၫ်ဟ့ၣ်လီၤအီၤဆူ သုးအစုပူၤအဂ့ၫ် ပှၤလီၫ်က၀ီၤဖိဖဲန့ၣ်တဖၣ် တဲ၀ဲလီၤ.
ဖဲလါမးရှး(၂၇)သီနံၤ ဟါခီအဆၢကတီၫ်, ကီၫ်ဆၣ်မယါကိ, သမဲ၀့ၫ်သီ က၀ီၤဒ့နီၫ်ဂံၫ်(၁)ပူၤ ဖိသၣ်(၃)ဂၤအပၫ်(၁)ဂၤပာ်ဃုာ် သးစၫ်(၁၂)ဂၤန့ၣ် ပၢပြးသးပှၫ်(အုပ်ချုပ်ရေးမှူး)ဒီး ပှၤအၢဖိ(လူမိုက်)တဖၣ် တၫ်ဘၣ်ကဲသုးလံာ်အဖီခိၣ်(စစ်မှုထမ်းဆင့်ခေါ်စာ) နုာ်လီၤဖီၣ်အီၤ တုၤလၢဟံၣ်ပူၤအဂ့ၫ် တၫ်သ့ၣ်ညါဘၣ်လီၤ.
သမဲ၀့ၫ်သီ, က၀ီၤဒ့နီၫ်ဂံၫ်(၁)ပူၤ ဖဲလါမးရှး(၂၇)သီနံၤ ဟါခီအကတီၫန့ၣ် ပၢပြးသးပှၫ်ဒီး ပၢၤကီၫ်တဖၣ် က့ၤဖီၣ်၀ဲဖိသၣ်(၃)ဂၤအပၫ်(၁)ဂၤပာ်ဃုာ် သးစၫ်(၁၂)ဂၤ ဘၣ်တၫ်က့ၤဖီၣ်န့ၫ်ဆူၣ်အီၤလီၤ. ပှၤလၢဘၣ်တၫ်က့ၤဖီၣ်အီၤအကျါ သ့ၣ်ညါ၀ဲထဲ တ့ၣ်အီၣ်၀့ (တင်အောင်၀င်း)တဂၤလီၤ၀ံၤ အဂၤတဖၣ်တခီဒု တသ့ၣ်ညါ၀ဲလီၤတံၫ်ဘၣ်. တမ့ၫ်လၢဖီၣ်တၫ်ဖး(မဲနှိုက်)ဘၣ်ဒီး မ့ၫ်ဒၣ်ဟဲဟ့ၣ် ကမျၢၫ်တၫ်ဘၣ်ကဲသုးလံာ်(စစ်မှုထမ်းဆင့်ခေါ်စာ)လၢဟံၣ်ဒီး လၢညါတဲဃာ်၀ဲလၢ ပှၤဆီဟံၣ်ဆီဃီတဖၣ် တၫ်ကပျဲပူၤအီၤဘၣ်ဆၣ် လၢကတီၫ်အံၤဖီၣ်၀ဲခဲလၢာ်အဂ့ၫ် လီၫ်က၀ီၤဖိဖဲန့ၣ်တဖၣ်တဲ၀ဲလီၤ.
သမဲ၀့ၫ်သီ, က၀ီၤဒ့နီၫ်ဂံၫ်(၁) ပၢပြးသးပှၫ်လီၫ်လံၤ ဃ့ၫ်ဖျိးကွံာ်အဃိ လၢအ၀ဲအလီၫ်န့ၣ် ကီၫ်ဆၣ်လဲၣ်သၣ်ယၣ်(လှိုင်သာယာမြို့နယ်) ပၢပြးသးပှၫ်အသီ ဖီၣ်ထီၣ်ကဒီးမူဒါအဂ့ၫ်, သမဲ၀့ၫ်သီပူၤ ဟံၣ်တကယၤဖျၢၣ်အခိၣ်(ရာအိမ်မှူး)ဒီး ပၢပြးသးပှၫ်တဖၣ် တဲပျံၤတဲဖုးဟ့ၣ်တၫ်ဆီၣ်သနံးလၢ သးစၫ်တဖၣ်အဖီခိၣ်အိၣ်အဂ့ၫ် တၫ်သ့ၣ်ညါဘၣ်လီၤ.
လၢကတီၫ်အံၤ ၀့ၫ်တကူၣ်ကီၫ်ခီပူၤ ပှၤလၢဖီၣ်တၫ်ဖးဘၣ်လၢကဘၣ်ကဲသုးတဖၣ် သုးကီၣ်ကးဟဲကိးအီၤဒ်သိး ကသမံသမိး တၫ်အိၣ်ဆူၣ်အိၣ်ချ့အဂီၫ်၀ံၤ သမံသမိးဆူၣ်ချ့ဖဲ မ့ၣ်ကလၣ်ဒိၣ်(မင်္ဂလာဒုံ )သုးတၫ်ဆါဟံၣ်အဂ့ၫ်, ပှၤလၢအိၣ်တ့ၫ်လၢကဘၣ်သမံသမိးဆူၣ်ချ့ဒီး ပှၤလၢသမံသမိး၀ဲ၀ံၤတဖၣ် တပျၫ်က့ၤ၀ဲဆူ အဟံၣ်ဖိဃီဖိအိၣ်လၢၤဘၣ်အမဲာ်ညါ သုးတကပၤ ဟံးန့ၫ်ဃာ် အလီတဲစိ(လက်ကိုင်မိုဘိုင်းလ်ဖုန်း)အဂ့ၫ်, ပှၤလၢကဘၣ်သမံသမိးဆူၣ်ချ့ ဖဲဘယ့းနီၣ်(ဘုရင့်နောင်) သုးတၫ်သမံသမိးတဖၣ် ဘၣ်တၫ်ဖီၣ်န့ၫ်ဆူၣ်ဃာ်အီၤ၀ံၤ တၫ်ပတုာ်ကွံာ်ဃာ်အတၫ်ဆဲးကျိးဒီး ဟံၣ်ဖိဃီဖိတဖၣ်အဂ့ၫ် တၫ်သ့ၣ်ညါဘၣ်လီၤ.
ref: khit thit media
