လါမးရှး(၁၁)သီ, ၂၀၂၄နံၣ်
ကၠီၣ်တဲၣ်ပဒိၣ်တခီ ပှၤလၢတမ့ၫ်ကၠီၣ်တဲၣ်ထံဖိကီၫ်ဖိ တၫ်မၤနီၣ်မၤဃါတအိၣ်, ဖိသၣ်တဖၣ် တၫ်ကူၣ်ဘၣ်ကူၣ်သ့တၫ်ကရၢကရိတဖၣ်, ကၠိတဖၣ်ဒီး ဖၠၣ်စိမိၤတဖၣ် တၫ်ကဘၣ်တူၫ်လိာ်၀ဲအဂ့ၫ် the Basic Education Commission (OBEC)ဂံၫ်ခီၣ်ထံးတၫ်ကူၣ်ဘၣ်ကူၣ်သ့ခီမၡ့ၣ် ဒီး Ministry of education (MOE) ကၠီၣ်တဲၣ်တၫ်ကူၣ်ဘၣ်ကူၣ်ကိတိာ်၀ဲၤကျိၤတဖၣ် ဒုသ့ၣ်ညါထုးထီၣ်လံာ်ပာ်ဖျါဃာ်၀ဲန့ၣ်လီၤ.
“ကီၫ်ကၠီၣ်တဲၣ်ပူၤ ပှၤလၢတမ့ၫ်ကၠီၣ်တဲၣ်ထံဖိကီၫ်ဖိ ပှၤလၢတၫ်မၤနီၣ်မၤဃါတအိၣ်တဖၣ်ပာ်ဃုာ် ပှၤခဲလၢာ်န့ၣ် လၢ၂၀၀၅လံၤလံၤန့ၣ် တၫ်မၤလိဘၣ်ခွဲးယာ်တၫ်ဘျၢသဲစးအိၣ်ပာ်စၢၤလီၤ. လံာ်လၢတၫ်ထုးထီၣ်ခဲအံၤန့ၣ် တမ့ၫ်အသီဘၣ်. တၫ်သိၣ်လိကၠိတဖၣ် တၫ်ကဘၣ်တူၫ်လိာ် ဖိသၣ်တဖၣ်အဂ့ၫ်န့ၣ် တၫ်ထုးထီၣ်ပာ်ဖျါဃာ်လၢ ၂၀၀၅နံၣ်လံၤလံၤဒီး ခဲအံၤန့ၣ်ဒ်သိးတၫ်ဒုးသ့ၣ်ညါအဂီၫ် တၫ်ထုးထီၣ်ပာ်ဖျါလီၤ. တၫ်ထုးထီၣ်လံာ်ဟ့ၣ်ပလီၫ်တၫ်ဂ့ၫ်န့ၣ် တၫ်ထံၣ်ဘၣ်လၢ ကၠိတနီၤတတူၫ်လိာ်ဖိသၣ်တဖၣ်အိၣ်အဃိလီၤ.“ အဂ့ၫ် ကီၫ်ကၠီၣ်တဲၣ် သူၣ်စၫ်သးဘီၣ်, ပိာ်မုၣ်, သူၣ်ခ့သးပှၫ်ဒီး ပှၤက့ၫ်ဂီၤတလၢပှဲၤတဖၣ်, ထံကီၫ်တအိၣ်တဖၣ်, ကလုာ်ဒူၣ်တဖၣ်အဂီၫ် ကမံးတံာ် ပှၤဟ့ၣ်ကူၣ်တၫ်တဂၤလၢအမ့ၫ် Mr. Surapong Kongchantuk တဲ၀ဲန့ၣ်လီၤ.
တၫ်မၤနီၣ်မၤဃါတအိၣ် ဖိသၣ်တဖၣ်အဂီၫ် တၫ်မၤလိဘၣ်တၫ်ကူၣ်ဘၣ်ကူၣ်သ့ခွဲးယာ်န့ၣ် တၫ်ကဆဲးမၤလိဘၣ်တၫ်တုၤလၢ ပတီၫ်ထီတၫ်ကူၣ်ဘၣ်ကူၣ်သ့အဂ့ၫ် အ၀ဲတဲ၀ဲန့ၣ်လီၤ.
“Educational institution စံးတၫ်န့ၣ် စးထီၣ်လၢ Childen’s Centerဒီးတုၤလၢ ဖၠၣ်စိမိၤလီၤ. ကၠိဖိတဖၣ် တၫ်ကမၤလိဘၣ်ပတီၫ်ထီတၫ်ကူၣ်ဘၣ်ကူၣ်သ့ခွဲးယာ်တခီ တုၤလၢ ဒီးကထၢၣ်လံာ်အုၣ်သး(ဒေါက်တာဘွဲ့)န့ၫ်တစုအဂ့ၫ်“ အ၀ဲတဲ၀ဲန့ၣ်လီၤ.
ကၠိတဖၣ်တၫ်မ့ၫ်တူၫ်လိာ်အီၤန့ၣ် ကၠိဖိတဖၣ် တၫ်ဟးထီၣ်လ့ၣ်လိၤခွဲးယာ်, တၫ်ခီဂာ်ဟီၣ်က၀ီၤခွဲးယာ်တဖၣ်စ့ၫ်ကီးအိၣ်၀ဲအဂ့ၫ် စံး၀ဲန့ၣ်လီၤ.
“ကၠိဖိလၢ ဖၠၣ်စိမိၤတူၫ်လိာ်ဃာ်အီၤ တၫ်မၤနီၣ်မၤဃါမ့ၫ်အီၤလီၤတံၫ်လီၤဆဲးန့ၣ် တၫ်ဟးထီၣ်လ့ၣ်လိၤအဂီၫ် တၫ်လဲၤဃ့လံာ်တၫ်ပျဲတစိၤတလီၫ်လၢ ဘၣ်ထွဲကီၫ်ဆၣ်ပၢပြးခိၣ်နၫ်၀ဲၤဒၢးတဖၣ်အဂ့ၫ်“ အ၀ဲတဲ၀ဲန့ၣ်လီၤ.
တၫ်ဘျၢသဲစးအံၤ ကၠီၣ်တဲၣ်ကိတိာ်ခိၣ်ကျၢၫ်, ထံဂုၤကီၫ်ဂၤကိတိာ်၀ဲၤကျိၤ, သုးမုၫ်ဒိၣ်ပာ်ဃုာ် ဘၣ်ထွဲ၀ဲၤကျိၤ၀ဲၤဒ့ပဒိၣ်ကရၢတဖၣ် ထုးထီၣ်ပာ်ဖျါ၀ဲအဂ့ၫ် စံး၀ဲန့ၣ်လီၤ.
ref:voa
photo:reddit
