လါမးရှး(၆)သီ, ၂၀၂၄နံၣ်
သုးကီၣ်ကးဒီး ရခၢၣ်သုးမုၫ်ဒိၣ်အဘၢၣ်စၢၤ တၫ်ဒုးတဖၣ်အပူၤ ရခၢၣ်ကီၫ်စဲၣ် ၦၤဘၣ်ကီဘၣ်ခဲဖိအိၣ်ထီၣ်(၃)ကလီၫ်ဘျဲၣ်လံအဂ့ၫ် ၦၤတဲတၫ်ပၢ အူခဲၣ်သူးခးတဲလီၤ၀ဲ ဖဲလါမးၡး(၄)သီအနံၤန့ၣ်လီၤ.
အပူၤကွံာ်တၫ်ဒုးအပူၤ ၦၤဘၣ်ကီဘၣ်ခဲဖိတဖၣ်ဒီး မူၣ်စလ့ၣ်ဘၣ်ကီဘၣ်ခဲဖိ တပာ်ဃုာ်ဘၣ်. မ့ၫ်ထဲ ရခၢၣ်ကမျၢၫ်ထံဖိကီၫ်ဖိတဖၣ် လၢဘၣ်ပာ်တ့ၫ်တၫ်အိၣ်ဆိးလီၫ်ကျဲ ဖဲ၂၀၂၃နံၣ် လါနိၣ်၀့ဘၢၣ်(၁၃)သီနံၤအလီၫ်ခံ တၫ်ဒုးတဖၣ်အပူၤန့ၣ်လီၤ.
လၢကတီၫ်အံၤၦၤဘၣ်ကီဘၣ်ခဲဖိ(၃)ကလီၫ်အကျါ အါတက့ၫ်မ့ၫ်ၦၤတဖၣ်လၢအိၣ်ဖဲ ပီးတီ(ပေါက်တော), မၠီးအူ(မြောက်ဦး), မ့ပၠါ(မင်းပြား)ဒီး ယါပၠဲ(ရမ်းဗြဲ)ကီၫ်ဆၣ်တဖၣ်အပူၤန့ၣ်လီၤ.
ရခၢၣ်ကီၫ်စဲၣ်အပူၤ UN ဒီး INGO/NGO ကရၢ လၢကဟ့ၣ်ဟီၣ်ခိၣ်ဖိတၫ်ဒိသူၣ်ဒိသးတၫ်မၤစၢၤတဖၣ် သုးကီၣ်ကး တြီဃာ်အ၀ဲသ့ၣ်အဃိ ၦၤဘၣ်ကီဘၣ်ခဲဖိ(၈၀)မျးကယၤ တဒိးန့ၫ်တၫ်မၤစၢၤဘၣ်ဒီး အိၣ်ဆိးအီၣ်အီအဂီၫ် ကီခဲ၀ဲအဂ့ၫ် တဲ၀ဲန့ၣ်လီၤ.
ref:WN
