လါမးရှး(၆)သီ, ၂၀၂၄နံၣ်
သုးကီၣ်ကးလၢအမၤမူထီၣ် ကမျၢၫ်တၫ်ကဘၣ်ကဲသုးတၫ်ဘျၢသဲစးအံၤ တၫ်ကတဲာ်ကတီၤပာ်သုးတၫ်သိၣ်လိကၠိတဖၣ်၀ံၤလံအဂ့ၫ် တဲဖျါထီၣ်ဃာ်၀ဲန့ၣ်လီၤ.
ဖဲအပူၤကွံာ် လါမးၡး(၄)သီအနံၤ, တၫ်မၤ၀ဲကမျၢၫ်တၫ်ဘၣ်ကဲသုးလီၫ်ခၢၣ်သးကရၢ(ပြည်သူ့စစ်မှုထမ်းဆင့်ခေါ်ရေး ဗဟိုအဖွဲ့) တၫ်ဖံးတၫ်မၤတၫ်ထိၣ်ဃူတၫ်အိၣ်ဖှိၣ် ခံ၀ီတ၀ီအဆၢကတီၫ် သုးကီၣ်ကးတၫ်ဒီသဒၢကိတိာ် သုးခိၣ်ကျၢၫ်ဒိၣ်စိ တ့အီၣ်ဆါ တဲလီၤ၀ဲန့ၣ်လီၤ.
“ကမျၢၫ်ပှၤကဲသုးတဖၣ် တၫ်ဟ့ၣ်တၫ်မၤလိကရၢ(ပြည်သူ့စစ်မှုထမ်းများ လေ့ကျင့်ရေးအလုပ်အဖွဲ့)တခီ တၫ်ကအိးထီၣ်န့ၫ် တၫ်သိၣ်လိတဖၣ် တဘိယုာ်ဃီကန့ၫ်အဂီၫ် တၫ်ရဲၣ်ကျဲၤပာ်၀ံၤလံအဂ့ၫ်“ အ၀ဲတဲ၀ဲအဂ့ၫ် သုးကီၣ်ကး အစုတီၤဖီလာ်တၫ်ကစီၣ်သန့တဖၣ် ထုးထီၣ်ပာ်ဖျါဃာ်၀ဲန့ၣ်လီၤ.
တကးဘၣ် တၫ်ကွဲး၀ဲကမျၢၫ်တၫ်ဘၣ်ကဲသုးကျိၤကျဲတၫ်ဘျၢသဲစး(ပြည်သူ့စစ်မှုထမ်းနည်းဥပဒေ)အံၤ တုၤလၢတၫ်ကွဲးပတြီၫ်သၢပတီၫ်တပတီၫ်လံဒီး ကမျၢၫ်တၫ်ဘၣ်ကဲသုး ပတီၫ်တၫ်မၤအကျိၤအကျဲတဖၣ် တၫ်ကွဲးပာ်၀ံၤလံအဂ့ၫ် အ၀ဲတဲ၀ဲန့ၣ်လီၤ.
သုးကီၣ်ကး ဘိးဘၣ်ရၤလီၤ၀ဲလၢ ကမျၢၫ်တၫ်ဘၣ်ကဲသုးတၫ်ဘျၢသဲစးအံၤ ဖဲလါဖ့ၤဘြူၤအါရံၤ(၁၀)သီအနံၤန့ၣ် အသးမူထီၣ်(အသက်၀င်)၀ံၤအလီၫ်ခံ ဘိးဘၣ်ရၤလီၤ၀ဲ ကမျၢၫ်တၫ်ဘၣ်ကဲသုးကရၢ(စစ်မှုထမ်းဆင့်ခေါ်ရေးအဖွဲ့)တဖၣ်လၢခဲအံၤခဲအံၤ ဒီးတၫ်ကစးထီၣ်ကိး ကမျၢၫ်တၫ်ကဘၣ်ကဲသုး(ပြည်သူ့စစ်မှုထမ်း)တဖၣ် ဖဲလါအ့ဖြ့ၣ်, ကီၫ်ပယီၤတါလီၤ၀ံၤအဆၢကတီၫ်အဂ့ၫ် တဲလီၤ၀ဲန့ၣ်လီၤ.
ref:bbc
photo:rfa
