လါမးရှး(၆)သီ, ၂၀၂၄နံၣ်
အမဲရကၤနီၣ်ထိၣ် ဖဲလါမးၡး(၅)သီအနံၤ, ပၣ်တံၣ်ပူၤ(ပါတီတွင်း) တၫ်ဃုထၢ ရံၣ်ပးပလံၣ်ကၣ်ပၣ်တံၣ် ကီၫ်ခိၣ်ခၢၣ်စး(ရီပတ်ဘလီကန်ပါတီသမ္မတလောင်း)အပူၤ တၫ်တယာ်လၢ ထရဲး(ထရမ့်)ကမၤနၢၤတၫ်န့ၣ်လီၤ. ကီၫ်ပယီၤနီၣ်ထိၣ် ဖဲတနံၤအံၤဂီၤ(၆)နၣ်ရံၣ်တခီအဆၢကတီၫ် တၫ်ကကးတံာ်၀ဲ လီၫ်ခံကတၢၫ်တၫ်ဟ့ၣ်တၫ်ဖးအလီၫ်န့ၣ်လီၤ.
မ့မ့ၫ်လၢ ဒံၣ်မိၣ်ကရဲးတံးပၣ်တံၣ်(ဒီမိုကရက်ပါတီ)တပၤတခီ ကတီၫ်ကီၫ်ခိၣ်ကၠိူဘဲၣ်တၣ်(ဂျိုးဘိုင်ဒန်) ကကဲထီၣ်ဘၣ်ပၣ်တံၣ်ကီၫ်ခိၣ်ခၢၣ်စးအဂီၫ် လီၤတံၫ်၀ဲန့ၣ်လီၤ. ဘျီၣ်ဒိၣ်ထးရံၣ်ပးပလံၣ်ကၣ်လီၫ်ဆ့ၣ်နီၤခၢၣ်စးအခိၣ် မ့းစ်ချ် မဲးကီၣ်နဲၣ်(မစ်ချ်မက်ကော်နယ်)တခီ ဆီၣ်ထွဲဃာ်၀ဲ ထရဲး(ထရမ့်)န့ၣ်လီၤ. ကီၫ်ခိၣ်လီၫ်လံၤ ထရဲး(ထရမ့်)အံၤ လီၫ်ခံကတၢၫ်တၫ်ဃုထၢပၣ်တံၣ်ကီၫ်ခိၣ်ခၢၣ်စးလၢ တၫ်အိၣ်ဖှိၣ်ကူၣ်လိာ်(ညီလာခံ)အဂီၫ် န့ၫ်ပာ်၀ဲခၢၣ်စး(၂၇၃)ဂၤလံ၀ံၤ မ့မ့ၫ်ပှၤပြၢတၫ်တဂၤလၢအမ့ၫ် အပူၤကွံာ်ဘီမုၫ်စၢဖှိၣ်ကရၢဘၣ်ထွဲကီၫ်အမဲရကၤမီၫ်သီ(ကုလသမဂ္ဂ အမေရိကန်နိုင်ငံဆိုင်ရာသံအမတ်ကြီး) မ့းစ်န့းကံၣ်ဟ့ၣ်လံၣ်(မစ္စနစ်ကီဟေလီ)တခီ န့ၫ်ဃာ်၀ဲခၢၣ်စး(၄၃)ဂၤန့ၣ်လီၤ.
ဒ်သိး အ၀ဲသ့ၣ်(၂)ဂၤပြၢတၫ်ကကတၢၫ်အဂီၫ် ထရဲး(ထရမ့်)လိၣ်ဘၣ်ခၢၣ်စး(၁,၂၁၅)ဂၤန့ၣ်လီၤ. တၫ်အံၤကကဲထီၣ်ဘၣ်ပၣ်တံၣ်ကီၫ်ခိၣ်ခၢၣ်စးအဂီၫ် လိၣ်ဘၣ်၀ဲခၢၣ်စး အနီၫ်ဂံၫ်နီၫ်ဒွးခဲလၢာ်ပာ်ဖှိၣ် (၅၀)မျးကယၤန့ၣ်လီၤ. တၫ်ဃုထၢရံၣ်ပးပလံၣ်ကၣ်ပၣ်တံၣ်ကီၫ်ခိၣ်ခၢၣ်စး(ရီပတ်ဘလီကန်ပါတီ သမ္မတလောင်း)အပူၤ ခၢၣ်စးခဲလၢာ်အိၣ်၀ဲ(၂,၄၂၉)ဂၤ၀ံၤ ခါလၢကဟဲတနွံ, မုၫ်ဆၣ်အနံၤ(အင်္ဂါနေ့)တၫ်ဃုထၢအပူၤ မံးစထၢၣ် ထရဲး(မစ္စတာထရမ့်)ဒီး မ့းစ်န့းကံၣ်ဟ့ၣ်လံၣ်(မစ္စ နစ်ကီဟေလီ)တဖၣ် ကနီၤလီၤန့ၫ်ဘၣ်ခၢၣ်စး(၈၇၄)ဂၤအံၤန့ၣ်လီၤ.
မုၫ်ဆၣ်အနံၤန့ၣ် ကီၫ်စဲၣ်(၁၅)ဘ့ၣ်ဒီး အမဲရကၤတၫ်ပၢဟီၣ်က၀ီၤတခါအပူၤ တၫ်မၤ၀ဲပၣ်တံၣ်ပူၤတၫ်ဃုထၢတဖၣ်အဃိ ကီၫ်ခိၣ်လီၫ်လံၤ ထရဲး(ထရမ့်)အံၤ ခၢၣ်စးကပှဲၤထီၣ် ၁,၂၁၅ဂၤအဂ့ၫ်န့ၣ် ပှၤပဲာ်ထံနီၤဖးတဖၣ် တဲလီၤဃာ်၀ဲဆူ အမဲရကၤမံၣ်ဒံၣ်ယၣ်တဖၣ်အအိၣ်န့ၣ်လီၤ.
ref:voa
photo:patabook
