http://r2knyaw.org/wp-content/uploads/2024/03/KNU-Brigade-4.mp3

လါမးရှး(၁၆)သီ, ၂၀၂၄နံၣ် ဖဲ၂၀၂၄နံၣ်, လါမးၡး(၁၄)သီအနံၤ, မုၫ်ဆါခီ(၁၂)နၣ်ရံၣ်ဃၣ်ဃၣ်အဆၢကတီၫ် သုးကီၣ်ကးအဘီယူၤဟဲခးလီၤတၫ်ဖဲ ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ, သုးက့နီၫ်ဂံၫ်(၅), မုၫ်တြီၫ်ကီၫ်ရ့ၣ်, ဒ့ၣ်ဘူးနိၣ်(ဒေပူနို)သ၀ီပူၤအဂ့ၫ် ကီၫ်ရ့ၣ်မုၫ်တြီၫ်ပှၤဘၣ်မူဘၣ်ဒါ တဲဘၣ်အၣ်ထူခ့ၣ်န့ၣ်လီၤ. သုးကီၣ်ကးအတၫ်ဟဲခးလီၤတၫ်အဃိ ပိာ်မုၣ်လၢသးနံၣ်အိၣ်(၂၀)နံၣ်(၁)ဂၤ ကျိချံဘၣ်အီၤဒီးသံ၀ဲတဘျီဃီ၀ံၤ တၫ်သူၣ်ထီၣ်(၂)ဖျၢၣ်စ့ၫ်ကီးဟးဂီၤကွံာ်၀ဲအဂ့ၫ် တၫ်သ့ၣ်ညါဘၣ်န့ၣ်လီၤ. ဘၣ်ထွဲဒီး သုးကီၣ်ကးဟဲခးလီၤတၫ်ဖဲဒ့ၣ်ဘူးနိၣ်သ၀ီပူၤ တၫ်ဂ့ၫ်တၫ်ကျိၤလီၤတံၫ်လီၤဆဲးတခီ တၫ်မၤလီၤတံၫ်အီၤအဖၢမုၫ်ဒံးန့ၣ်လီၤ. ဖဲအပူၤကွံာ် လါဖ့ၤဘြူၤအါရံၤ(၁)လါအတီၫ်ပူၤစ့ၫ်ကီး

လါမးရှး(၁၅)သီ, ၂၀၂၄နံၣ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ, သုးက့နီၫ်ဂံၫ်(၆), ကီၫ်ရ့ၣ်ဒူပျာ်ယာ်, ၀့ၫ်ကၠဲးဒိအံၤ ကညီဒီကလုာ်တၫ်ထူၣ်ဖျဲးသုးမုၫ်(KNLA)ဒီး တၫ်ပၢၫ်ဆၢသုးပာ်ဖှိၣ်တဖၣ်ထီၣ်ဒုးမၤန့ၫ်၀ံၤအလီၫ်ခံ သုးကီၣ်ကးဒုးယၤခိၣ်ဒီး အပှၤသုးဖိ(၆၀)ဂၤဘျဲၣ်ဟဲပာ်စုက၀ဲၤအဂ့ၫ် ခ့ၣ်အဲၣ်ယူၣ်-ဒူပျာ်ယာ်တၫ်ကစီၣ်ဒီး တၫ်ဘိးရၤလီၤပှၤဘၣ်မူဘၣ်ဒါ တဲပာ်ဂၢၫ်ပာ်ကျၢၫ်၀ဲန့ၣ်လီၤ. မ့မ့ၫ်လၢ ဘၣ်ထွဲဒီး တၫ်ထီၣ်ဒုးမၤန့ၫ်၀့ၫ်ကၠဲးဒိ သုးတၫ်တိာ်ကူၣ်ခိၣ်ကျၢၫ်(ကျုံဒိုးဗျူဟာကုန်း) တၫ်ကစီၣ်တၫ်ဂ့ၫ်တၫ်ကျိၤလီၤတံၫ်လီၤဆဲးတခီ တၫ်မၤလီၤတံၫ်မ့ၫ်၀ံၤ ကဘိးဘၣ်ရၤလီၤ၀ဲအဂ့ၫ်တဲ၀ဲန့ၣ်လီၤ. ကီၫ်ရ့ၣ်ဒူပျာ်ယာ်ဟီၣ်က၀ီၤပူၤ တၫ်ထီၣ်ဒုးမၤန့ၫ် သုးကီၣ်ကးအသုးကလၢၤတဖျၢၣ်၀ံၤတဖျၢၣ်လီၤအဂ့ၫ်စ့ၫ်ကီး