လါမးရှး(၁၆)သီ, ၂၀၂၄နံၣ်
ဖဲ၂၀၂၄နံၣ်, လါမးၡး(၁၄)သီအနံၤ, မုၫ်ဆါခီ(၁၂)နၣ်ရံၣ်ဃၣ်ဃၣ်အဆၢကတီၫ် သုးကီၣ်ကးအဘီယူၤဟဲခးလီၤတၫ်ဖဲ ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ, သုးက့နီၫ်ဂံၫ်(၅), မုၫ်တြီၫ်ကီၫ်ရ့ၣ်, ဒ့ၣ်ဘူးနိၣ်(ဒေပူနို)သ၀ီပူၤအဂ့ၫ် ကီၫ်ရ့ၣ်မုၫ်တြီၫ်ပှၤဘၣ်မူဘၣ်ဒါ တဲဘၣ်အၣ်ထူခ့ၣ်န့ၣ်လီၤ.
သုးကီၣ်ကးအတၫ်ဟဲခးလီၤတၫ်အဃိ ပိာ်မုၣ်လၢသးနံၣ်အိၣ်(၂၀)နံၣ်(၁)ဂၤ ကျိချံဘၣ်အီၤဒီးသံ၀ဲတဘျီဃီ၀ံၤ တၫ်သူၣ်ထီၣ်(၂)ဖျၢၣ်စ့ၫ်ကီးဟးဂီၤကွံာ်၀ဲအဂ့ၫ် တၫ်သ့ၣ်ညါဘၣ်န့ၣ်လီၤ.
ဘၣ်ထွဲဒီး သုးကီၣ်ကးဟဲခးလီၤတၫ်ဖဲဒ့ၣ်ဘူးနိၣ်သ၀ီပူၤ တၫ်ဂ့ၫ်တၫ်ကျိၤလီၤတံၫ်လီၤဆဲးတခီ တၫ်မၤလီၤတံၫ်အီၤအဖၢမုၫ်ဒံးန့ၣ်လီၤ.
ဖဲအပူၤကွံာ် လါဖ့ၤဘြူၤအါရံၤ(၁)လါအတီၫ်ပူၤစ့ၫ်ကီး ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ, သုးက့နီၫ်ဂံၫ်(၅), မုၫ်တြီၫ်ဟီၣ်က၀ီၤပူၤ ကညီဒီကလုာ်တၫ်ထူၣ်ဖျဲးသုးမုၫ်ဒိၣ်(KNLA)ဒီး သုးကီၣ်ကးအဘၢၣ်စၢၤ တၫ်ဒုးကဲထီၣ်တ့ၫ်သး(၈၆)ဘျီဒီး သုးကီၣ်ကးတပၤသံ၀ဲ(၂၅)ဂၤ၀ံၤ ဘၣ်ဒိ၀ဲ(၄၅)ဂၤန့ၣ်လီၤ.
တၫ်ဂီၤ-သုးကီၣ်ကးအကဘီယူၤဒုးသုး ဟဲခးလီၤတၫ်ဖဲ မုၫ်တြီၫ်ကီၫ်ရ့ၣ်, လူၫ်သီကီၫ်ဆၣ်, ကီၤလူၫ်ဒၢကရူၫ်, မုၫ်ပၢၤထးသ၀ီဒီး တဘိၣ်ထၣ်သ၀ီ(၂)ဖျၢၣ်ပူၤကတီၫ် ဟံၣ်တၫ်ဟးဂုၤဟးဂီၤ
photo:knu-mutraw
