လါမးရှး(၁၈)သီ, ၂၀၂၄နံၣ်
ကီၫ်ပယီၤတၫ်သဘံၣ်သဘုၣ်ကဘၣ်လိာ်ဖိးဒ့အဂီၫ် တၫ်ဂ့ၫ်(၄)ထံၣ်လၢကၠီၣ်တဲၣ်ပဒိၣ်ကြၢးမၤ၀ဲန့ၣ် ကၠီၣ်တဲၣ်ဘျီၣ်ဒိၣ်လာ် ထံဂုၤကီၫ်ဂၤဂ့ၫ်၀ီကမံးတံာ်(ထိုင်းအောက်လွှတ်တော်နိုင်ငံခြားရေးရာကော်မတီ) ဟ့ၣ်ကူၣ်ဃာ်၀ဲအဂ့ၫ် Bangkok Post ပာ်ဖျါဃာ်၀ဲန့ၣ်လီၤ.
အဆိကတၢၫ်တထံၣ်န့ၣ် ကၠီၣ်တဲၣ်ပဒိၣ်တကပၤ ကဘၣ်အိၣ်ခိးကွၫ် ကီၫ်ပယီၤတၫ်အိၣ်သး၀ံၤ ကမၤထွဲဆၢက့ၤ၀ဲအဂီၫ် ကမံးတံာ်လီၤဆီတဖု(အထူးကော်မတီတစ်ရပ်) ကြၢးဒုးအိၣ်ထီၣ်၀ဲခီဖျိလၢ တၫ်ဘံၣ်တၫ်ဘၢဒီး ထံဂုၤကီၫ်ဂၤ၀ဲၤကျိၤခိၣ်နၫ်တဖၣ်အဂ့ၫ် တဲ၀ဲလီၤ.
ခံထံၣ်တထံၣ် တၫ်ဒုးအဃိ ပှၤလၢကဟဲအိၣ်ကဒုတဖၣ်အဂီၫ် တၫ်ကြၢးပာ်လီၤဃာ် ဂ့ၫ်ဂီၫ်အူတၫ်ရဲၣ်တၫ်ကျဲၤတခါ(အရေးပေါ်အစီအစဉ်တစ်ရပ်)န့ၣ်လီၤ. လါအ့ဖြ့ၣ်အပူၤ တၫ်ကစးထီၣ်မၤ ကမျၢၫ်တၫ်ဘၣ်ကဲသုးအဃိ တၫ်ဒုးဆူၣ်ထီၣ်သ့၀ဲအဂ့ၫ်တဲ၀ဲလီၤ.
သၢထံၣ်တထံၣ်န့ၣ် ပဒိၣ်တကပၤ တမ့ၫ်ထဲပှၤလၢဟဲဃ့ၫ်အိၣ်ကဒု အဂၤ(၁)ကလးဂၤ တၫ်ပာ်လီၤအီၤလၢသ၀ီ(၃)ဖျၢၣ်အပူၤဘၣ်အမဲာ်ညါ ပှၤလၢဟဲတုၤလၢတၫ်လီၫ်သကုၤဆးဒးတဖၣ်စ့ၫ်ကီး တၫ်ကြၢးဟ့ၣ်အီၤ ဟီၣ်ခိၣ်ဖိတၫ်ဒိသူၣ်ဒိသးတၫ်မၤစၢၤ(လူသားချင်းစာနာမှုအကူအညီ)တုၤလၢအန့ၫ်န့ၣ်လီၤ. လၢတၫ်အံၤအဂီၫ် အၣ်စံၣ်ယၣ်(အာဆီယံ) တကပၤ ကြၢးဆီၣ်ထွဲမၤစၢၤတၫ်အဂ့ၫ် တဲ၀ဲလီၤ.
လွံၫ်ထံၣ်တထံၣ်န့ၣ် ကီၫ်ပယီၤတၫ်မုာ်တၫ်ခုၣ်အဂီၫ် ကၠီၣ်တဲၣ်ခၢၣ်စး(ထိုင်းကိုယ်စားလှယ်)တဖၣ်, အၣ်စံၣ်ယၣ်ပှၤပၢၤလီၫ်ဆ့ၣ်နီၤ(အာဆီယံဥက္ကဋ္ဌ), တရူးဒီး အ့ဒံယါပာ်ဃုာ် ကီၫ်ပယီၤဂ့ၫ်၀ီန့ၣ် ကကရၢကရိထီၣ်ပှၤ(၃)ဖုတၫ်ထံၣ်လိာ်သး၀ံၤ ကြၢးမၤထွဲ၀ဲအဂ့ၫ်တဲ၀ဲလီၤ. တၫ်သ့ၣ်တဖၣ်အံၤ တၫ်မ့ၫ်ဒုးအိၣ်ထီၣ်အမိၫ်လံၤမိၫ်ပှၫ်မ့ၫ်၀ံၤ တၫ်ကဘၣ်မၤ၀ဲ ဒ်သိးကီၫ်ပယီၤတၫ်သဘံၣ်သဘုၣ်ကဘၣ်လိာ်ဖိးဒ့အဂီၫ်အဂ့ၫ် ကၠီၣ်တဲၣ်ဘျီၣ်ဒိၣ်လာ် ထံဂုၤကီၫ်ဂၤကမံးတံာ်ပှၤပၢၤလီၫ်ဆ့ၣ်နီၤ(နိုင်ငံခြားရေးရာကော်မတီဥက္ကဋ္ဌ) ဖွ့ၣ်ထဲပၣ်တံၣ်(ဖွေထိုင်းပါတီ)ဘျီၣ်ဒိၣ်ခၢၣ်စး နိၣ်ပၣ်ဒိၣ်ပထမ (Noppadon Pattama)တဲ၀ဲလီၤ.
ကီၫ်ပယီၤဂ့ၫ်၀ီန့ၣ် ကၠီၣ်တဲၣ်တကပၤ တဘၣ်မ့ၫ်ထဲလၢ အိၣ်လၢတၫ်လီၫ်ခံ၀ံၤ ကဲထီၣ်ပှၤမၤစၢၤတၫ်ဘၣ်အမဲာ်ညါ ကြၢးပာ်ဃုာ်လၢတၫ်တီခိၣ်ရိၣ်မဲ(ဦးဆောင်မှုအခန်းကဏ္ဍ) တကပၤအဂ့ၫ်အ၀ဲတဲ၀ဲလီၤ. တၫ်(၄)ထံၣ်အံၤဘၣ်လိာ်ဖိးမံလိာ်သးဒီး အၣ်စံၣ်ယၣ်(အာဆီယံ) တၫ်အၢၣ်လီၤတဖၣ်စ့ၫ်ကီးအဂ့ၫ်တဲ၀ဲလီၤ. ကီၫ်ပယီၤတၫ်သဘံၣ်သဘုၣ်အံၤ ဘံဘူဘၣ်ဆၣ် တၫ်မုာ်တၫ်ခုၣ်အဂီၫ် အၣ်စံၣ်ယၣ်(အာဆီယံ) ဒီးကၠီၣ်တဲၣ်အဂီၫ် တမ့ၫ်တၫ်လၢကီခဲဘၣ်အသိး တၫ်ဘှါဆှဲမ့ၫ်န့ၫ်အနီၫ်ကီၫ်န့ၣ် ဟီၣ်ခိၣ်ကသ့ၣ်ညါ ပာ်ပနီၣ်ကီၫ်ကၠီၣ်တဲၣ်အဂ့ၫ် နိၣ်ပၣ်ဒိၣ်ပထမ (Noppadon Pattama)တဲ၀ဲစ့ၫ်ကီးန့ၣ်လီၤ.
ref:rfa
