လါအီးကထိဘၢၣ်(၂၃)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကရ့ၣ်နံၣ်ဒီးစကဲကီၫ်ခီအပူၤ ပှၤပာ်ဖျါထီၣ်တၫ်ဘၣ်သးကရၢတဖၣ်,လီၫ်က၀ီၤကမျၢၫ်န့ၣ် မၤ၀ဲတၫ်ဒီသဒၢသုးကီၣ်ကး အကလံၤကျါတၫ်လီၤဘၣ်ယိၣ်ဒီးတၫ်ထီဒါတၫ်ဃုထၢတၫ်ဟူးတၫ်ဂဲၤတဖၣ် ဖဲလါအီးကထိဘၢၣ်(၂၁)သီအနံၤန့ၣ်လီၤ.
ကရ့ၣ်ကီၫ်စဲၣ်တၫ်လီၫ်တတီၤအပူၤ သးစၫ်ပၢၫ်ဆၢတၫ်တဖၣ် ပာ်ဖှိၣ်ထီၣ်လိာ်သးဒီးဒံၣ်စ့ဘၢၣ်လါလၢကဟဲ တၫ်ဃုထၢ လၢသုးကီၣ်ကးကမၤ၀ဲန့ၣ် ထီဒါ၀ဲအဂ့ၫ် ပာ်ဖျါထီၣ်အတၫ်ပာ်သးလီၤ.
လၢစကဲကီၫ်ခီ,၀ဲးလဲးကီၫ်ဆၣ်ပူၤစ့ၫ်ကီး တၫ်တီခိၣ်ရိၣ်မဲကမျၢၫ်တၫ်ပာ်ဖျါထီၣ်သးတၫ်ဒုးကမံးတံာ်တဖၣ် တဲလီၤ၀ဲ ဘၣ်ထွဲ တၫ်ဒီသဒၢဆိသးလၢကလံၤကျါတၫ်လီၤဘၣ်ယိၣ်တဖၣ်၀ံၤနီၤလီၤန့ၫ်၀ဲလံာ်နဲၣ်ကျဲတဖၣ်န့ၣ်လီၤ.
သုးကီၣ်ကးတကပၤ ဒုးဃီၤတၫ်လၢကျိဖးဒိၣ်,ကလံၤကျါတဖၣ်ဆူၣ်ထီၣ်တကတီၫ်ဃီ ကမျၢၫ်တၫ်ဘၣ်ဒိဘၣ်ထံးသုတ အိၣ်အဂီၫ် တၫ်ဒီသဒၢကလံၤကျါတၫ်လီၤဘၣ်ယိၣ်န့ၣ် ဂဲၤလိ၀ဲဒီးဟ့ၣ်တၫ်သ့ၣ်ညါနၫ်ပၢၫ်တဖၣ်န့ၣ်လီၤ.
လၢယ့မၣ်ပ့ၣ်ကီၫ်ဆၣ်ကလံၤစိးတကပၤစ့ၫ်ကီး နီးပၠၣ်မလဲးကၠ့တၫ်ပၢၫ်ဆၢတၫ်ပာ်ဖျါထီၣ်တၫ်ပာ်သးသုးကျိၤ တခီ”ခီဖျိ နတၫ်ဖးအဃိ ဟ့ၣ်တၫ်မၤသံအခွဲးတဂ့ၤ”ဖဲးဆံးတၫ်ဃုထၢ,ထွံၣ်ဟးထီၣ်အကျဲ,ဟ့ၣ်တၫ်ဖးတဂ့ၤ ထီဒါသကိး”စိာ်ဃာ်၀ဲ လံာ်မဲာ်ဖျၢၣ်တဖၣ်၀ံၤ တၫ်ဃုထၢလၢသုးကီၣ်ကးကမၤ၀ဲတၫ်ကထီဒါအဂီၫ် တဲဆီၣ်တခူထီၣ်ဃာ်၀ဲန့ၣ်လီၤ.
